ۇلتتىق قۇندىلىقتاردى دەرٸپتەۋدە بٸلٸم بەرۋ سالاسىنا ٷلكەن جاۋاپكەرشٸلٸك جٷكتەلەدٸ. مۇنداي پٸكٸردٸ قر پارلامەنتٸ سەناتىنىڭ تٶراعاسى مەۋلەن ەشٸمباەۆ بٸلدٸردٸ, دەپ حابارلايدى "ۇلت اقپارات".
«ۇلتتىق قۇندىلىقتاردى دەرٸپتەۋ قاشاندا ٶزەكتٸ. ەسٸرەسە, قازٸرگٸدەي جاھاندانۋ دەۋٸرٸندە ونىڭ ماڭىزى زور. بٷگٸن سەناتتا وسى تاقىرىپتا پارلامەنتتٸك تىڭداۋ ٶتكٸزٸپ, اتالعان مەسەلەنٸ جان-جاقتى تالقىلادىق. جالپى, ۇلتتىق قۇندىلىقتاردىڭ اۋقىمى كەڭ. ونىڭ تەۋەلسٸزدٸك, جەر, تٸل, مەدەنيەت, سالت-دەستٷر سيياقتى باسىمدىقتاردىڭ بەرٸن قامتيتىنى بەلگٸلٸ. سونداي-اق, بۇل تۇرعىدا ادامي قۇندىلىقتاردىڭ دا مەنٸ ەرەكشە. وسى رەتتە مەملەكەت باسشىسى «اباي جەنە ححٸ عاسىرداعى قازاقستان» اتتى ماقالاسىندا نازار اۋدارعان ۇلى ويشىلدىڭ «تولىق ادام» تۇجىرىمداماسىن ايرىقشا اتاپ ٶتۋگە بولادى», - دەپ جازدى سەنات تٶراعاسى Facebook پاراقشاسىندا.
ونىڭ اتاپ ٶتۋٸنشە, ابايدىڭ «تولىق ادامىنا» نۇرلى اقىل, جىلى جٷرەك جەنە ىستىق قايرات تەن. نۇرلى اقىلعا سەيكەس بٸز قوعامدا بٸلٸم كۋلتٸن قالىپتاستىرۋىمىز كەرەك. ەسٸرەسە, ٶمٸر بويى بٸلٸم الۋ داعدىسىن نەگٸزگٸ قاعيداتقا اينالدىرعان جٶن. جىلى جٷرەكتەن باستاۋ الاتىن ٶزارا سەنٸم, جاناشىرلىق پەن جاۋاپكەرشٸلٸك سەكٸلدٸ قۇندىلىقتاردى دا كەڭٸنەن دەرٸپتەگەن ابزال. ىستىق قايراتقا جاتاتىن تالاپ پەن ەڭبەكقورلىق تا جاڭا زاماندا ۇلتتىق ۇستانىمعا, ٶمٸرلٸك ماقساتقا اينالۋى قاجەت.
«ۇلتتىق قۇندىلىقتاردى دەرٸپتەۋدە بٸلٸم بەرۋ سالاسىنا ٷلكەن جاۋاپكەرشٸلٸك جٷكتەلەدٸ. ٶيتكەنٸ بٸزدٸڭ ۇلتتىق تانىمدا بٸلٸم ەردايىم تەربيەمەن قاتار جٷرگەن. سوندىقتان بالا ادامدىق ەلٸپپەسٸن اتا-اناسىمەن قاتار مەكتەپتەن دە ٷيرەنگەنٸ جٶن. بٸلٸم مەكەمەلەرٸ ادال, جاۋاپتى, ەڭبەكقور بولۋدى ەرتە جاستان بالانىڭ بويىنا سٸڭٸرۋگە تيٸس. سول سەبەپتٸ, وقۋ باعدارلاماسىن وسى باعىتتا جاڭاشا جاساقتاۋ مەسەلەسٸن قاراعان جٶن بولار ەدٸ. بۇل ٸستە ينتەلليگەنتسييانىڭ دا رٶلٸ زور. زييالى ازاماتتارىمىز قاشاندا قوعام ٷشٸن باعدار بولىپ كەلەدٸ. سول ٷشٸن ولارعا العىسىمىزدى بٸلدٸرەمٸز. ەندٸگٸ كەزەكتە, ەلٸمٸزدە زييالى قاۋىمنىڭ جاڭا بۋىنىن قالىپتاستىرۋعا مەن بەرگەن دۇرىس دەپ ەسەپتەيمٸز. ولار ححٸ عاسىردا ۇلتتىق قۇندىلىقتاردى ساقتاۋشى جەنە ناسيحاتتاۋشى بولۋعا تيٸس», - دەدٸ مەۋلەن ەشٸمباەۆ.
سەنات سپيكەرٸ قازٸرگٸدەي جاھاندانۋ زامانىندا ۇلتتىق قۇندىلىقتاردى دەرٸپتەۋدٸڭ ماڭىزى بۇرىنعىدان دا ارتىپ وتىرعاندىعىنا باسا نازار اۋدارتادى.
«تٸپتٸ, ۇلتتىق قۇندىلىقتاردى دەرٸپتەمەي تولىققاندى دامۋ مٷمكٸن ەمەس دەۋگە بولادى. سوندىقتان بٷگٸن ايتىلعان ۇسىنىس-پٸكٸرلەردٸڭ بەرٸ سەناتتىڭ الداعى جۇمىسىندا ەسكەرٸلەدٸ. تىڭداۋ قورىتىندىسى بويىنشا ارنايى ۇسىنىمدار دايىندالىپ, ٷكٸمەتكە جەنە تيٸستٸ مينيسترلٸكتەرگە جٸبەرٸلەدٸ. ونىڭ ٸسكە اسىرىلۋى سەناتورلاردىڭ باقىلاۋىندا بولادى», - دەدٸ ول.
