جامبىل وبلىسى قورداي اۋدانىنىڭ 72 جاستاعى تۇرعىنى ل. سۋدنيك ينفەكتسييانى حالىق كٶپ جينالاتىن قوعامدىق ورىندا جۇقتىرعان, دەپ حابارلايدى "ۇلت اقپارات" وبلىستىق دەنساۋلىق ساقتاۋ باسقارماسىنا سٸلتەمە جاساپ.
ونىڭ ايتۋىنشا, اۋرۋ اياق استىنان باستالعان, دەنە تەمپەراتۋراسى 39 س دەيٸن كٶتەرٸلٸپ, قۇرعاق جٶتەل پايدا بولعاندىقتان باستاپقىدا جرۆي دەپ ويلاپ, 7 كٷن بويى ٷيٸندە انتيبيوتيكتەرمەن ەمدەلگەن.
الايدا, ٷيدە قابىلداعان ەم كٶمەكتەسپەي, ارتىنشا تىنىسى تارىلىپ, القىنا باستاعاندىقتان جەدەل جەردەم كٶلٸگٸمەن ناۋقاس اۋداندىق اۋرۋحاناعا جەتكٸزٸلەدٸ.
«كەۋدە قۋىسىنىڭ رەنتگەنوگرافيياسى جەنە پتر دياگنوستيكالىق زەرتتەۋ قورىتىندىسىندا «ۆيرۋستىق پنەۆمونييا» دياگنوزى انىقتالدى. قورداي اۋداندىق اۋرۋحاناسىندا ناۋقاس بەس كٷن بويى ەم قابىلداعان, الايدا جاعدايى جاقسارمادى. سوسىن ونى جامبىل وبلىستىق كٶپبەيٸندٸ بالالار اۋرۋحاناسىنىڭ جۇقپالى اۋرۋلار قۇرىلىمىنا اۋىستىردى. 5-شٸ بٶلٸمنٸڭ مەڭگەرۋشٸسٸ تاناباەۆا ا. جەنە ەمدەۋشٸ دەرٸگەر تلەكەەۆا ا. ناۋقاستىڭ ٶكپەسٸنٸڭ 70% زاقىمدانعانىن انىقتادى» دەپ حابارلادى باسقارمادان.
پاتسيەنتتٸڭ ەكٸ ٶكپەسٸ بٸردەي قابىنىپ, سونىڭ سالدارىنان ٶكپەسٸنە اۋا جەتپەي قالعان. دەرٸگەرلەر ەگدە جاستاعى ەيەلگە ونىڭ اۋرۋىنىڭ دەرەجەسٸن تٷسٸندٸرٸپ, ەمدەۋ جوسپارىمەن بٶلٸستٸ.
اق حالاتتىلارعا سەنٸم بٸلدەرگەن ول بارلىق تاعايىنداۋلاردى قاتاڭ ساقتادى. نەتيجەسٸندە 16 كٷننٸڭ ٸشٸندە قارت انا قاۋٸپتٸ ٸندەتتەن قۇلان-تازا ايىققان.
اۋرۋحانادان شىققان ل.سۋدنيك مەديتسينا قىزمەتكەرلەرٸنە كەسٸبيلٸگٸ مەن ٸلتيپاتى ٷشٸن العىس ايتىپ, اۋرۋحانا قىزمەتكەرلەرٸنە دەنساۋلىق پەن اماندىق تٸلەدٸ.
