وڭتٷستٸك قازاقستان وبلىسىندا حالىقتى ٶز ەركٸمەن جۇمىس كٷشٸ جەتٸسپەيتٸن سولتٷستٸك ٶڭٸرلەرگە كٶشٸرۋ جۇمىستارى جاندانىپ كەلەدٸ, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
ٷگٸت-ناسيحات جٷرگٸزۋ ماقساتىندا ٶڭٸرگە پاۆلودار وبلىسىنان بٸر توپ دەلەگاتسييا كەلدٸ. توپ قۇرامىندا دٷنيەجٷزٸ قازاقتارى قاۋىمداستىعىنىڭ پاۆلودار وبلىستىق فيليالىنىڭ باسشىسى زاۋىت بولات, اقسۋ قالاسى, قالقامان اۋىلدىق وكرۋگٸنٸڭ ەكٸمٸ وردا ەرمەكباەۆ, ەكٸباستۇز قالاسى, سولنەچنىي اۋىلدىق وكرۋگٸنٸڭ ەكٸمٸ مارجان الشىمباەۆا, اقسۋ قالاسى, قىزىلجار اۋىلدىق وكرۋگٸنٸڭ ەكٸمٸ جەڭٸس ەبٸكەن, ماي اۋدانى, مالايسارى اۋىلدىق وكرۋگٸنٸڭ ەكٸمٸ جانار كوماشەۆا, ەكٸباستۇز قالاسى ەكٸمدٸگٸنٸڭ اۋىلشارۋاشىلىعى بٶلٸمٸنٸڭ باس مامانى ايگەرٸم شەكٸربەكوۆالار بار.
ٷگٸت-ناسيحات جٷرگٸزۋدٸ ماقسات تۇتقان توپ الدىمەن تٶلە بي اۋدانىنا اتباسىن بۇردى. اۋداننىڭ اۋىل-ايماعىن ارالاپ, حالىقپەن جٷزدەسكەن دەلاگاتسييا سولتٷستٸككە كٶشۋگە نيەتتٸ ازاماتتارعا مەملەكەت تاراپىنان ۇسىنىلاتىن باسىمدىقتار مەن جەڭٸلدٸكتەردٸ بايانداپ بەردٸ. جيىنعا قاتىسۋشىلارعا پاۆلودار وبلىسىنداعى جۇمىس كٷشٸن تالاپ ەتٸپ وتىرعان ەلدٸ-مەكەندەر تۋرالى قىسقاشا بەينەروليك كٶرسەتٸلدٸ. بوس جۇمىس ورىنداردىڭ دەنٸن مەملەكەتتٸك قىزمەت, بٸلٸم سالاسى, دەنساۋلىق ساقتاۋ, اۋىلشارۋاشىلىعى سالالارىنداعى ماماندىقتار قۇرايدى.
«بٸزدە سوڭعى جىلدارى مامان تاپشىلىعى قاتتى سەزٸلٸپ وتىر. ەسٸرەسە, مەملەكەتتٸك قىزمەت تٷرلەرٸنە ماماندار جەتٸسپەيدٸ. بۇل رەتتە بالاباقشا, مەكتەپ مۇعالٸمدەرٸ, دەنساۋلىق ساقتاۋ سالاسىندا ەڭبەك ەتەم دەۋشٸلەرگە ەسٸگٸمٸز ايقارا اشىق. ەڭ باستىسى - سولتٷستٸككە كٶشۋگە نيەتتٸ مامانداردىڭ ٶز ىنتا -جٸگەرٸ, قىزىعۋشىلىعى بولسا, قابىلداۋعا دايارمىز», دەدٸ اقسۋ قالاسى, قالقامان اۋىلدىق وكرۋگٸنٸڭ ەكٸمٸ وردا ەرمەكباەۆ.
جالپى, پاۆلودار وبلىسى ەگٸس ەگۋمەن, مال شارۋاشىلىعىمەن اينالىسۋعا دا ٶتە قولايلى. ول جاقتاعى اۋىلدى جەرلەردە باسپانا باعاسى دا اسا قىمبات ەمەس. وسى جايتتارعا توقتالعان توپ مٷشەلەرٸ تٶلەبيلٸكتەردٸ پاۆلودار وبلىسىنا قونىس اۋدارىپ, جۇمىسقا ورنالاسىپ, جەكە كەسٸپكەرلٸكپەن اينالىسۋعا شاقىردى.
پاۆلودار وبلىسىنىڭ كەلگەن تاعى بٸر توپ تٷلكٸباس اۋدانىنىڭ تۇرعىندارىمەن كەزدەستٸ. اۋدان ەكٸمشٸلٸگٸنٸڭ كٸشٸ مەجٸلٸس زالىندا ٶتكەن جيىنعا باس-اياعى 42 ادام قاتىسىپ, اتالعان وبلىستاعى بوس جۇمىس ورىندارىنىڭ جاي-كٷيٸنەن حاباردار بولدى. جينالعانداردىڭ ٸشٸنەن 4 وتباسى پاۆلودار وبلىسىنا قونىس اۋدارۋعا نيەتتٸ ەكەندٸكتەرٸن جەتكٸزدٸ.
ايتا كەتەيٸك, 2017 جىلدىڭ 10 ايىندا تٷلكٸباس اۋدانىنان پاۆلودار وبلىسىنىڭ ەرتٸس اۋدانىنا 3 وتباسى, سولتٷستٸك قازاقستان وبلىسىنىڭ اققايىڭ اۋدانىنا 1 وتباسى ٶز ەركٸمەن قونىس اۋدارعان. قونىس اۋدارعان وتباسىلاردىڭ مٷشەلەرٸ تۇراقتى جۇمىسقا ورنالاسىپ, بالالارى مەكتەپ-بالاباقشالارعا ورنالاستىرىلعان.
