وڭتٷستٸك قازاقستان وبلىسىنىڭ شىمكەنت, تٷركٸستان مەن كەنتاۋ قالالارىنىڭ تۇرعىندارىنا 18 ميلليون تەڭگەگە دەيٸن نەسيە الۋعا مٷمكٸندٸك بار, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
مەرزٸمٸ 7 جىلعا دەيٸن بەرٸلەتٸن نەسيەنٸڭ جىلدىق مٶلشەرلەمەسٸ 6 پايىزدى قۇرايدى. بۇل قارجى نەتيجەلٸ جۇمىسپەن قامتۋ جەنە جاپپاي كەسٸپكەرلٸكتٸ دامىتۋدىڭ 2017-2021 جىلدارعا ارنالعان باعدارلاماسىنىڭ ەكٸنشٸ باعىتى اياسىندا ۇسىنىلىپ وتىر.
باعدارلاما جۇمىسسىزدارعا, ٶزٸن-ٶزٸ قامتىعان ازاماتتارعا, اۋىل شارۋاشىلىعى كووپەراتيۆتەرٸ مەن ولاردىڭ مٷشەلەرٸنە, سونداي-اق, باستاۋىش جەنە جۇمىس ٸستەپ تۇرعان كەسٸپكەرلەرگە ارنالعان. مەملەكەتتٸك باعدارلامانى جٷزەگە اسىرۋ ٷشٸن 2,6 ملرد تەڭگە بٶلٸنگەن. بۇل تۋرالى تٷركٸستان جەنە كەنتاۋ قالالارىندا ٶتكەن كٶشپەلٸ سەميناردا وڭتٷستٸك قازاقستان وبلىسى ەكٸمٸنٸڭ ورىنباسارى باۋىرجان جامالوۆ مەلٸمدەدٸ. ونىڭ ايتۋىنشا, باعدارلامانىڭ ماقساتى - شاعىن بيزنەستٸ دامىتۋ ٷشٸن حالىققا قارجى كٶزٸن ۇسىنۋ.
«نەتيجەلٸ جۇمىسپەن قامتۋ جەنە جاپپاي كەسٸپكەرلٸكتٸ دامىتۋدىڭ 2017-2021 جىلدارعا ارنالعان باعدارلاماسىنا ٶڭٸرٸمٸزدەگٸ 3 قالا - شىمكەنت, تٷركٸستان جەنە كەنتاۋ تۇرعىندارى قاتىسا الادى. باعدارلامانىڭ ەكٸنشٸ باعىتىن جٷزەگە اسىرۋ ٷشٸن 2,6 ملرد تەڭگە بٶلٸنگەن. بٷگٸنگٸ تاڭدا وسى باعدارلاما بويىنشا 6 قارجى ينستيتۋتى جۇمىس جاساۋدا - قازاقستاننىڭ حالىق بانكٸ, نۇربانك, اتف بانكٸ, ەۆرازييالىق بانك, Forte Bank جەنە «ىرىس» مقۇ», - دەدٸ وبلىس ەكٸمٸنٸڭ ورىنباسارى باۋىرجان جامالوۆ.
بۇل تۇستا ەگەر كەپٸلدٸككە قويىلاتىن مٷلٸك جەتكٸلٸكسٸز بولسا, وندا باستاۋىش كەسٸپكەرلەرگە كەپٸلدەندٸرٸلگەن كەپٸلدٸ قولدانۋعا مٷمكٸندٸك بار.
«ەر نەسيە رەسٸمدەۋ ٷشٸن كەپٸلدٸك كەرەك. ەگەر كەپٸلدٸك جەتٸسپەسە, وندا «دامۋ» كەسٸپكەرلٸكتٸ دامىتۋ قورى ارقىلى كەپٸلدەندٸرٸلگەن كەپٸلدٸ قولدانۋعا بولادى. بۇل باعدارلامانىڭ باسقالارىنان ەرەكشەلٸگٸ - جەڭٸلدەتٸلگەن نەسيە بەرۋدە. بۇعان قوسا نەسيە بۇرىن از مٶلشەردە بەرٸلسە, قازٸر 18 ميلليون تەڭگەگە دەيٸن قاراستىرىلعان. جەنە بۇعان دەيٸن كەپٸل مٷلكٸنە قاتىستى قيىندىقتار تۋىنداسا, قازٸر كەپٸلدەندٸرۋ قاراستىرىلىپ وتىر», - دەپ اتاپ ٶتتٸ وقو كەسٸپكەرلٸك, يندۋستريالدى-يننوۆاتسييالىق دامۋ جەنە تۋريزم باسقارماسى باسشىسىنىڭ ورىنباسارى باعلان جۇماشبەكوۆ.
ايتا كەتەيٸك, نەتيجەلٸ جۇمىسپەن قامتۋ جەنە جاپپاي كەسٸپكەرلٸكتٸ دامىتۋ باعدارلاماسى قازاقستاندا جىل باسىنان بەرٸ جٷزەگە اسىرىلۋدا. بانكتەرگە قارجى - قىركٷيەك ايىندا, ال شاعىن قارجى ۇيىمىنا ٶتكەن اپتادا بٶلٸندٸ. قازٸر ەڭ باستىسى - شاعىن بيزنەستٸ دامىتۋعا بٶلٸنگەن مەملەكەتتٸك قارجىعا قول جەتكٸزۋدٸ وڭايلاتۋ.
