وڭتٷستٸك قازاقستان مەملەكەتتٸك پەداگوگيكالىق ۋنيۆەرسيتەتٸ بيىل 80 جىلدىق مەرەيتويىن اتاپ ٶتتٸ. اتالعان وقۋ ورداسىنىڭ مەرەيلٸ مەرەكەلٸك شاراسىنا قر بٸلٸم جەنە عىلىم مينيسترٸ ەرلان ساعاديەۆ پەن وبلىس ەكٸمٸ جانسەيٸت تٷيمەباەۆ, قر پارلامەنتٸ سەناتىنىڭ جەنە مەجٸلٸسٸنٸڭ دەپۋتاتتارى مەن قر ۇلتتىق عىلىم اكادەميياسىنىڭ اكادەميكتەرٸ, وبلىستىق ماسليحات دەپۋتاتتارى جەنە جوعارى وقۋ ورىندارىنىڭ رەتكورلارى مەن پرورەكتورلارى قاتىستى, دەپ حابارلايدى ۇلت.كز تٸلشٸسٸ.
جوعارعى وقۋ ورنىن سەكسەن جىلدىق مەرويتويىمەن قۇتتىقتاعان ايماق باسشىسى ۋنيۆەرسيتەت ۇزاق جىلعى داڭقتى تاريحىندا ٷلكەن بەدەلگە يە بولعانىن اتاپ ٶتتٸ.
«ساپالى پروفەسسورلىق-وقىتۋشىلىق قۇرامىمەن وتاندىق عىلىم مەن بٸلٸمنٸڭ كٶشباسشىسى اتانعان بۇل بٸلٸم ورداسى - 60 مىڭعا جۋىق پەداگوگتار مەن كٶپتەگەن مەملەكەتتٸك جەنە قوعامدىق قايراتكەرلەرگە التىن ۇيا بولدى. شىمكەنت مۇعالٸمدەر ينستيتۋتى بولىپ اشىلعان 1937 جىلدان باستاپ ۇلتتىڭ زييالى, مەدەني جەنە رۋحاني ەلەۋەتٸن قۇرۋدىڭ نەگٸزٸ بولا بٸلگەن ۋنيۆەرسيتەت كٷنٸ بٷگٸنگە دەيٸن قابٸلەتتٸ, بەسەكەلەسە الاتىن العىر جاڭاشىل مامانداردى دايىنداپ كەلەدٸ. حح عاسىردىڭ العاشقى جىلدارىندا قوعامدىق قاجەتتٸلٸكتەن دٷنيەگە كەلگەن ەكٸ جىلدىق مۇعالٸمدەر ينستيتۋتى ٶز تاريحىندا دامۋ مەن ٶركەندەۋگە قول جەتكٸزدٸ», - دەدٸ جانسەيٸت تٷيمەباەۆ.
بۇدان بٶلەك, سالتاناتتى جيىندا جاس ۇرپاقتى وقىتۋ جەنە تەربيەلەۋ ٸسٸندەگٸ ەلەۋلٸ تابىستارى ٷشٸن «ىبىراي التىنسارين» تٶسبەلگٸسٸمەن, عىلىم جەنە بٸلٸم بەرۋ سالاسىنداعى ەرەكشە ەڭبەگٸ ٷشٸن «قازاقستان رەسپۋبليكاسىنىڭ عىلىمىن دامىتۋعا سٸڭٸرگەن ەڭبەگٸ ٷشٸن», «قازاقستان رەسپۋبليكاسىنىڭ بٸلٸم بەرۋ ٸسٸنٸڭ قۇرمەتتٸ قىزمەتكەرٸ» تٶسبەلگٸلەرٸمەن جەنە وڭتٷستٸك قازاقستان وبلىسىنا سٸڭٸرگەن ەڭبەگٸ ٷشٸن مەدالٸمەن, وبلىس ەكٸمٸنٸڭ گراموتاسىمەن جالپى سانى وتىز ازامات ماراپاتتالدى.
ايتا كەتەيٸك, اتالمىش وقۋ ورنى 1937 جىلى شىمكەنت پەداگوگيكا ينستيتۋتى بولىپ, 2011 جىلى ەلباسىنىڭ تٸكەلەي ارالاسۋىمەن وڭتٷستٸك قازاقستان مەملەكەتتٸك پەداگوگيكالىق ينستيتۋتى بولىپ قايتا اشىلدى. اعىمداعى جىلدىڭ 17 قاراشاسىندا ٷكٸمەت قاۋلىسىمەن ينستيتۋت - ۋنيۆەرسيتەت مەرتەبەسٸنە يە بولدى.
