وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ تٷركٸستان قالاسىنا جاساعان جۇمىس ساپارى بارىسىندا قىمىز بەن شۇباتتان قۇرعاق سٷت ٶنٸمٸن ٶندٸرەتٸن «Golden camel group LTD» كەسٸپورنىندا بولدى, دەپ حابارلايدى "ۇلت اقپارات".
يندۋستريالدى ايماقتا سالىنىپ جاتقان ينۆەستيتسييالىق جوبا كەلەر جىلدىڭ مامىر ايىندا ٸسكە قوسىلادى. بٷگٸندە نىسان قۇرىلىسىنىڭ 75 پايىزى اياقتالعان. جٷرگٸزٸلٸپ جاتقان قۇرىلىستىڭ بارىسىمەن تانىسقان وبلىس باسشىسى مۇنداي زاۋىت تمد ەلدەرٸندە بالاماسى جوق ەكەنٸن ايتىپ, بۇل جوبانىڭ ٶڭٸرٷشٸن ماڭىزدى ەكەنٸنە توقتالدى.
«تٷيە مەن بيەنٸڭ سٷتٸنەن قۇرعاق ٶنٸم دايىندايتىن زاۋىتتار وبلىس ٷشٸن ٶتە تيٸمدٸ. ٶيتكەنٸ ٶڭٸردە تٷيە شارۋاشىلىعى داميتىن بولادى. سونداي-اق, جەرگٸلٸكتٸ جۇرت جۇمىسپەن قامتىلادى. باستىسى, وتاندىق شيپالى ٶنٸمدٸ شەتەلگە ەكسپورتتاۋعا مٷمكٸندٸك تۋادى», - دەدٸ جانسەيٸت قانسەيٸتۇلى.
قۇنى 7,5 ملرد. تەڭگەنٸ قۇرايتىن زاۋىت بولاشاقتا جىلىنا 2500 توننا قۇرعاق سٷت ٶندٸرەتٸن بولادى. ينۆەستيتسييالىق جوبا ٸسكە قوسىلعاندا 150-دەن استام ازامات جۇمىسپەن قامتىلادى دەپ جوسپارلانۋدا. الداعى ۋاقىتتا مۇندا ەزٸرلەنگەن دايىن ٶنٸمدەر رەسپۋبليكا نارىعىنان بٶلەك, قىتاي, ساۋد ارابييا, گونكونگ ەلدەرٸنە ەكسپورتتالاتىن بولادى.
بۇدان بٶلەك, ەكٸم وسى جىلدىڭ شٸلدە ايىندا ٸسكە قوسىلعان ورانعاي اۋىلدىق وكرۋگٸندەگٸ «ينار ا.س.» جىلىجاي كەشەنٸن ارالاپ كٶرٸپ, قىزاناقتىڭ ٶنٸمدٸلٸگٸن بايقادى. اۋماعى 0,5 گەكتاردى قۇرايتىن جىلىجايدان بٷگٸنگە دەيٸن 20 توننا قىزاناق الىنعان. الدا 40 توننا شاماسىندا ٶنٸم بەرەتٸن كەشەندە قىزاناق پٸسۋدٸڭ الدىندا تۇر. كەسٸپكەر ينارا نامازباەۆانىڭ ايتۋىنشا, العاشقى ٶنٸم تٷركٸستان بازارىنا شىعارىلعان. قۇنى 45 ميلليون تەڭگەنٸ قۇرايتىن كەشەندە 10 ادام جۇمىسپەن قامتىلعان.
