بيىل وڭتٷستٸك قازاقستان مەملەكەتتٸك پەداگوگيكالىق ينستيتۋتىنا 80 جىل تولىپ وتىر. وسى ايتۋلى داتاعا وراي ستۋدەنتتەر مۇراجايى اشىلدى. سونداي-اق وقۋ ورنى ۋنيۆەرسيتەت بولىپ ٶزگەردٸ, دەپ حابارلايدى ۇلت.كز تٸلشٸسٸ.
تالاي تالانت تٷلەپ ۇشقان بٸلٸم ورداسىنداعى مەرەكەلٸك شارا اياسىندا ستۋدەنتتەر قالاشىعىنداعى عيماراتتان «ۇلتتىق مۇرا» ستۋدەنتتەر مۇراجايى سالتاناتتى تٷردە اشىلدى. مۇندا كٶنەنٸڭ كٶزٸ, ۇرپاق ساناسىنا ۇلتتىق دەستٷردٸ سٸڭٸرەتٸن 100-گە جۋىق ەكسپونات قويىلعان. بۇل كٷنٸ سونىمەن قاتار ستۋدەنتتەر جاتاقحاناسىنىڭ الدىنان اشىق سپورت الاڭشاسى پايدالانۋعا بەرٸلدٸ. 80 جىلدىققا وراي تاعى 80 تٷپ اعاش وتىرعىزىلدى. وعان ۋنيۆەرسيتەت ۇجىمى مەن بايىرعى تٷلەكتەر بولىپ, بارلىعى بٸر كٸسٸدەي اتسالىستى. ايتۋلى شارا اياسىندا ۋنيۆەرسيتەت ٸشٸنەن «كٶركەم ەدەبيەت» ورتالىعى دا اشىلدى. وندا ينستيتۋتتىڭ دامۋ تاريحىندا ەڭبەگٸ سٸڭگەن ەزٸمحان وسپانۇلى مەن كەرٸمبەك سىزدىقوۆتىڭ كٸتاپتارى قويىلعان.
بۇدان بٶلەك, «سەندٸك ٶنەر» ورتالىعى, «نۇر شاڭىراق» ستۋدەنتتەر تەاترىنىڭ تۇساۋى كەسٸلدٸ. مەرەيتوي بارىسىندا حالىقارالىق عىلىمي-تەورييالىق كونفەرەنتسييا, «ٶركەندەگەن وڭتٷستٸك» اتتى رەسپۋبليكالىق اقىندار ايتىسى ٶتتٸ.
ايتا كەتەيٸك, ٸرگەلٸ وقۋ ورنىنىڭ ٸرگەتاسى سوناۋ 1937 جىلى قالاندى. العاشقىدا ەكٸ جىلدىق مۇعالٸمدەر ينستيتۋتى بولىپ اشىلىپ, 4 كافەدرا عانا جۇمىس ٸستەدٸ. ينستيتۋتتىڭ دەربەس عيماراتى دا بولمادى. ۇستازدار قالاداعى مەكتەپتەردٸڭ بٶلمەلەرٸندە دەرٸس وقىدى. سوعان قاراماستان, ەل مەكتەپتەرٸنە اسا قاجەت بولعان مۇعالٸمدەردٸ دايارلاپ شىعاردى. توقسانىنشى جىلدارداعى رەفورمالاۋ كەزٸندە كەلبەتٸ كٶمەسكٸلەنٸپ, اتاۋى ۇمىت بولا باستادى. تەك ەل تەۋەلسٸزدٸگٸنٸڭ 20 جىلدىق مەرەيلٸ مەرەكەسٸنٸڭ تۇسىندا عانا بٸلٸم ورداسى قايتا ەڭسە تٸكتەدٸ. ٷكٸمەت قاۋلىسىمەن ٶز الدىنا دەربەس ينستيتۋت بولىپ قۇرىلدى. بٷگٸندە وردالى وقۋ ورنىنا اينالدى.
