وڭتٷستٸك قازاقستان وبلىسى ماقتارال اۋدانىنداعى جاڭا اۋىل ەلدٸ مەكەنٸندە 180 بالاعا ارنالعان جاڭا بالاباقشا پايدالانۋعا بەرٸلدٸ. "تۋعان جەر" باعدارلاماسى اياسىندا سالىنعان مەكتەپكە دەيٸنگٸ مەكەمەنٸ جەرگٸلٸكتٸ كەسٸپكەر باحتييار قازىباەۆ ەلباسىنىڭ باستاماسىنا قولداۋ رەتٸندە جەنە تۋعان جەردٸ تٷلەتۋ ماقساتىندا اشىپ وتىر, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
كەسٸپكەردٸڭ ايتۋىنشا, بالاباقشانىڭ قۇرىلىسىنا 124 ملن تەڭگە قارجى جۇمسالعان. ەندٸ 6 توپتا تەربيەلەنەتٸن 180 بالا مەملەكەتتٸك تٸلدە بٸلٸم الادى. سونداي-اق, اۋىلداعى 24 ادام تۇراقتى جۇمىسقا تارتىلىپ وتىر.
"بالاباقشا سالىپ, پايدا تابۋدى كٶزدەپ وتىرعان جوقپىن. ەلباسى ۇسىنعان "تۋعان جەر" باعدارلاماسىن جٷزەگە اسىرۋدى ٶزٸمە بورىش ەرٸ قۇرمەت دەپ سانايمىن. اۋىل بالالارى جاستايىنان بويىنا پاتريوتتىق تەربيەنٸ سٸڭٸرٸپ, ەرتەڭ ەلٸمٸزدٸڭ ٶركەندەۋٸنە ٷلەس قوساتىن سانالى ازامات بولىپ قالىپتاسۋىنا ىقپال ەتسەم دەيمٸن" - دەدٸ باحتييار قازىباەۆ.
بٸلٸم بەرۋ مەكەمەسٸنٸڭ اشىلۋ سالتاناتىنا ماقتارال اۋدانىنىڭ ەكٸمٸ عالىم يسمايلوۆ, وبلىستىق قازاقستان حالقى اسسامبلەياسى تٶراعاسىنىڭ ورىنباسارى مۇراتەلٸ قالمۇراتوۆتار قاتىسىپ, تۇرعىنداردى جاڭا بالاباقشانىڭ اشىلۋىمەن قۇتتىقتادى. مۇنان سوڭ قوناقتار اۋىل تۇرعىندارىمەن بٸرگە بالاباقشا عيماراتىن ارالاپ كٶرٸپ, توپتاردىڭ جۇمىسىمەن تانىستى. سونداي-اق, بالالاردىڭ ەزٸرلەگەن كونتسەرتتٸك نٶمٸرلەرٸن تاماشالادى.
ايتا كەتەيٸك, زاماناۋي ٷلگٸدە سالىنعان بالاباقشا عيماراتى اسحانا, كونتسەرت زالى سيياقتى ت.ب. بٸلٸم بەرۋگە قاجەتتٸ قۇرال-جابدىقتاردىڭ بارلىعىمەن قامتىلعان.
