بٷگٸن ٷكٸمەتتٸڭ سەلەكتورلىق رەجيمدە ٶتكەن وتىرىسىندا نەگٸزٸ ٷش مەسەلە قارالدى. سونىڭ بٸرٸ - سۋ تاسقىنى قاتەرٸنٸڭ الدىن الۋ شارالارى بولدى. اتالعان مەسەلە جٶنٸندە وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ بايانداما جاساپ, ٶڭٸردەگٸ سۋ تاسقىنى قاتەرٸنٸڭ الدىن الۋ بويىنشا اتقارىلعان جۇمىستاردى بايانلاپ, بٸرقاتار ۇسىنىستار جاسادى, دەپ حابارلايدى "ۇلت اقپارات" ايماق باسشىسىنىڭ باسپاسٶز قىزمەتٸنە سٸلتەمە جاساپ.
ٶڭٸر باسشىسىنىڭ ايتۋىنشا, وبلىستا سۋ تاسقىنىنىڭ الدىن الۋ جۇمىستارى جوسپارعا ساي جٷرگٸزٸلۋدە. قازٸرگٸ تاڭدا سۋ قويمالار مەن ٶزەن-كٶلدەر قاداعالاۋعا الىنىپ, ونداعى جاعدايلار تۋرالى مونيتورنيگ جۇمىستارى جالعاسۋدا. دەگەنمەن وبلىستا ەڭ ٶزەكتٸ مەسەلەلەردٸڭ بٸرٸ بولىپ, ترانسشەكارالىق سىردارييا ٶزەنٸ مەن وسى ٶزەننٸڭ بويىندا ورنالاسقان شەكارالىق كٶرشٸلەس مەملەكەتتەردەگٸ سۋ قويمالارىنداعى سۋ مٶلشەرٸ الاڭداتىپ وتىر. قازٸرگٸ تاڭدا بەرٸلگەن مەلٸمەتتەر بويىنشا «توقتاعۇل» سۋ قويماسىندا 19,5 ميليارد تەكشە مەتر سۋ بولسا, قازٸرگٸ جاعدايدا 99 پايىز تولىپ تۇر. ال, «قايراقۇمنىڭ» جوبالىق كٶلەمٸ 3 ميلليارد 800 ملن تەكشە مەتر بولسا, قازٸرگٸ جاعدايدا 86 پايىزعا ياعني 3 ميليارد 281 ملن تەكشە مەترگە تولعان. بۇل «شاردارا» سۋ قويماسىنا قاۋٸپ تۋعىزادى. سەبەبٸ, «شاردارا» سۋ قويماسىنان سۋدى تٶمەن تاستاۋعا ارنالعان گيدروتەحنيكالىق جٷيەلەر جالپى سەكۋندىنا 2 مىڭ 315 تەكشە مەترگە دەيٸن مٷمكٸنشٸلٸگٸ بار. وسى مەسەلەلەرگە بايلانىستى وبلىس ەكٸمٸ نەگٸزگٸ تٶرت ۇسىنىسىن جەتكٸزدٸ.
«بٸرٸنشٸدەن, ٶتكەن جىلداردىڭ تەجٸريبەسٸن ەسكەرە وتىرىپ, «شاردارا» سۋ قويماسىن كەمٸندە 2018 جىلدىڭ قاڭتار ايىنا دەيٸن ترانزيتتٸك رەجيمدە ۇستاۋدى ۇسىنامىن. ەكٸنشٸدەن, قاۋٸپ تٶنگەن جاعدايدا كٶرشٸلەس قىرعىزستان, تەجٸكستان, ٶزبەكستان رەسپۋبليكالارىمەن كەلٸسٸم ارقىلى كەلگەن سۋدىڭ مٶلشەرٸن ازايتۋعا جەنە ارناساي ويپاتىنا سۋ تاستاۋ مەسەلەسٸن ٷكٸمەت دەڭگەيٸندە شەشۋ قاجەت. ٷشٸنشٸدەن, «شاردارا» سۋ قويماسىنان جوسپارلى تٷردە قىزىلقۇم ويپاڭىنا سەكۋندىنا 2100 تەكشە مەتر اپتاتتى سۋ تاستاۋ قۇرىلىمى قۇرىلىسىن سالۋدى قولعا الۋ كەرەك. تٶرتٸنشٸدەن, قىس مەزگٸلٸندە قاۋٸپتٸ جاعداي تٶنگەندە «شاردارا» سۋ قويماسىنان قىزىلوردا وبلىسىنا تاستالعان سۋدىڭ مٶلشەرٸن كٶبەيتٸپ, رەتتەۋدٸ ۇسىنامىن», - دەدٸ جانسەيٸت قانسەيٸتۇلى.
وبلىس ەكٸمٸنٸڭ بۇل ۇسىنىسىنا ٷكٸمەت باسشىسى ەرەكشە مەن بەرٸپ, ورىنباسارلارىنا باقىلاۋدا ۇستاۋدى تاپسىردى. جالپى قازٸرگٸ تاڭدا وڭتٷستٸك قازاقستان وبلىسىندا سۋ تاسقىنى قاۋٸپٸ جوق.
ايتا كەتەيٸك, بيىل وبلىسىمىزداعى تٶتەنشە جاعدايلاردىڭ الدىن الۋعا 1,3 ملرد. تەڭگە قارالعان. بۇل قارجىعا وبلىستاعى قورعانىس بٶگەتتەرٸ نىعايتىلىپ, 23,2 شاقىرىم جاڭا بٶگەت سالىندى.
بۇدان بٶلەك, 25,6 شاقىرىم ٶزەندەردٸڭ جاعالاۋلارى بەكٸتٸلٸپ, 295,2 شاقىرىم ارىق-كانالدار مەن 186 بٸرلٸك سۋ ٶتكٸزۋ قۇبىرلارى تازالانعان. قازٸردٸڭ ٶزٸندە ٶڭٸردە 1167 ادامى بار قۇرام جاساقتالىپ, 304 دانا تەحنيكاسى بار كٷش قۇرىلدىمدارىمەن كەلٸسٸم جاسالعان.
