وڭتٷستٸك قازاقستان وبلىسى ەكٸمدٸگٸنٸڭ مەجٸلٸس زالىندا ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ سۆەتلانا جاقىپوۆانىڭ قاتىسۋىمەن جاڭا فورماتتاعى اتاۋلى ەلەۋمەتتٸك كٶمەك كٶرسەتۋ بويىنشا تيٸستٸ مەكەمەلەردٸڭ دايىندىق بارىسى تالقىلاندى.
باسقوسۋدا سٶز العان وبلىستىق جۇمىسپەن قامتۋ جەنە ەلەۋمەتتٸك باعدارلامالار باسقارماسىنىڭ باسشىسى مۇحيت وتارشيەۆ 2018 جىلى جاڭا فورماتتاعى اتاۋلى ەلەۋمەتتٸك كٶمەك 300 مىڭعا جۋىق ادامعا كٶرسەتٸلەتٸنٸن جەتكٸزد, دەپ حابارلايدى وبلىس ەكٸمٸنٸڭ باسپاسٶز قىزمەتٸ.
«بيىل وبلىسىمىزدا «ٶرلەۋ» جوباسىن ٸسكە اسىرۋ ٷشٸن 22,8 مىڭ وتباسى شارتتى اقشالاي كٶمەكپەن جەنە 27,3 مىڭ ادامدى جۇمىسپەن قامتۋ جوسپارلانعان بولاتىن. ەگەر 2016 جىلى وبلىستاعى «ٶرلەۋ» جوباسىنا قاتىسۋشىلاردىڭ سانى 26,3 پايىزدى قۇراسا, 2017 جىلى جوسپارلانعان كٶرسەتكٸش 75,2 پايىزعا دەيٸن ارتقان. سونداي-اق, بٷگٸنگٸ تاڭدا وبلىستا 260 وتباسى اتاۋلى ەلەۋمەتتٸك كٶمەك جەنە 62,2 مىڭ وتباسى 18 جاسقا دەيٸنگٸ بالالارعا ارنالعان جەردەماقى الۋدا», - دەدٸ مۇحيت وتارشيەۆ.
ايتا كەتەيٸك, 2017 جىلدىڭ 1 قاراشاسىنداعى ەسەپ بويىنشا 118,9 مىڭ ادامعا 7,2 ملرد تەڭگەگە شارتتى اقشالاي كٶمەك تاعايىندالعان. 2018 جىلدىڭ 1 قاڭتاردان باستاپ قازٸرگٸ ۇسىناتىن ٷش تٷرلٸ ەلەۋمەتتٸك تٶلەمدەردٸڭ ورنىنا اتاۋلى ەلەۋمەتتٸك كٶمەكتٸڭ جاڭا فورماتى ەنگٸزٸلمەك. جيىندا سٶز العان ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ سۆەتلانا جاقىپوۆا زەينەتاقىنى تاعايىنداۋ جٷيەسٸ ٶزگەرٸپ, تيٸستٸ ەلەۋمەتتٸك كٶمەكتەردٸڭ كٶلەمٸ ۇلعاياتىنىن جەتكٸزدٸ.
«2018 جىلدىڭ 1 شٸلدەسٸنەن باستاپ بازالىق زەينەتاقى جٷيەگە قاتىسۋ ٶتٸلٸنە قاراي بەرٸلەدٸ. ەگەر بۇل سوما قازٸر 14 مىڭ تەڭگەنٸ كٶرسەتسە, 2018 جىلدىڭ 1 شٸلدەسٸنەن باستاپ زەينەتكەرلەردٸڭ اتالعان توبى ىنتىماقتى جەنە جيناقتاۋشى زەينەتاقىعا قوسا 28 مىڭ تەڭگەنٸ يەمدەنەتٸن بولادى. ال 2018 جىلدىڭ 1 قاڭتارىنان باستاپ از قامتىلعان وتباسىلار سوماسى كٶبەيگەن جەردەماقى الادى دەپ جوسپارلانۋدا. اتالعان جەردەماقى جۇمىس ٸستەمەيتٸن ەڭبەككە جارامدى وتباسى مٷشەلەرٸ مەملەكەت ۇسىنعان جۇمىسپەن قامتۋ شارالارىنا قاتىسقاندا عانا تٶلەنەتٸن بولادى», - دەدٸ سۆەتلانا جاقىپوۆا.
جيىن سوڭىندا وبلىس ەكٸمٸنٸڭ ورىنباسارى ەربول سادىر زەينەتاقى جەنە جەردەماقى سالاسىنداعى جاڭا ٶزگەرٸستەر جايلى ٶڭٸر حالقىنا تٷسٸندٸرۋ جۇمىستارىن سالا باسشىلارىنا كٷشەيتۋدٸ تاپسىردى.
