وڭتٷستٸك قازاقستاندا وبلىس ەكٸمٸنٸڭ ورىنباسارى ۇلاسبەك سەدٸبەكوۆتٸڭ تٶراعالىعىمەن وبلىستىق ونوماستيكا كوميسسيياسىنىڭ وتىرىسى ٶتتٸ.
باسقوسۋعا كوميسسييا مٷشەلەرٸ مەن اۋداندىق, قالالىق مەدەنيەت جەنە تٸلدەردٸ دامىتۋ بٶلٸمدەرٸنٸڭ باسشىلارى جەنە تٸل ماماندارى قاتىستى, دەپ حابارلايدى قازاقپارات تٸلشٸسٸ.
بٷگٸندە ەلٸمٸزدە مورالدىق, يدەولوگييالىق تۇرعىدان ەسكٸرگەن اتاۋلاردان ارىلۋ جەنە تاريحي اتاۋلاردى جاڭعىرتۋ باعىتىندا تيٸستٸ جۇمىستار جٷرگٸزٸلۋدە. وسى ماقساتتا ۇيىمداستىرىلعان مەجٸلٸسكە ارىس, شىمكەنت قالالارى مەن بەيدٸبەك, قازىعۇرت, ماقتارال, وتىرار, ورداباسى, تٷلكٸباس اۋداندارىنداعى مەكەمەلەر جەنە ەكٸمشٸلٸك-اۋماقتىق بٸرلٸكتەردٸڭ اتاۋلارى قارالدى. ونداعى قۇرامداس بٶلٸكتەرٸنە اتاۋ بەرۋ مەن اتاۋلارىن قايتا ٶزگەرتٸ جٶنٸندە تٷسكەن 133 ۇسىنىس تالقىلاندى.
كوميسسييا مٷشەلەرٸ ۇسىنىستىڭ بارلىعىن وڭ قورىتىندىلاپ, زاڭ اياسىندا تيٸستٸ جۇمىستاردى جالعاستىرۋ جٶنٸندە شەشٸم قابىلدادى. ەندٸ بۇل شەشٸمدەر جەرگٸلٸكتٸ اتقارۋشى ورگاندارعا جولدانادى.
قارالعان ۇسىنىستاردىڭ ٸشٸندە مەكتەپتەردٸڭ اتاۋىن ٶزگەرتۋ مەسەلەلەرٸ دە بار. مەسەلەن, ارىس قالاسىنداعى «متف» شاعىن جيناقتى باستاۋىش مەكتەبٸ ەندٸ «ىنتىماق» شاعىن جيناقتى باستاۋىش مەكتەبٸ, «لەسحوز» شاعىن جيناقتى باستاۋىش مەكتەبٸ «بٸرلٸك» شاعىن جيناقتى باستاۋىش مەكتەبٸ, بەيدٸبەك اۋدانىنداعى «كومسومول» جالپى ورتا مەكتەبٸ «قاراتاۋ» جالپى ورتا مەكتەبٸ دەپ قايتا اتالماق. تەك وبلىستىق مەسليحاتتان قولداۋ تاپقان جاعدايدا رەسپۋبليكالىق ونوماستيكا كوميسسيياسىنىڭ قاراۋىنا ەنگٸزٸلەدٸ.
سونىمەن بٸرگە, ماقتارال اۋدانىنداعى جەتٸساي قالاسى مەن مىرزاكەنت كەنتٸندەگٸ بٸرشاما ۋاقىتتان بەرٸ سىنعا ٸلٸگٸپ جٷرگەن كەڭەستٸك دەۋٸردەن قالعان سادوۆىي, مەحتۋپيك, كيروۆ, كومسومول, وكتيابر, يۋجنىي, اپتەچنىي, دەۋ 300 سيياقتى اتاۋلار جويىلىپ, كٶشەلەر ۇلتتىق تانىمعا جاقىن اتاۋلارمەن قايتا اتالاتىن بولدى.
ەسكە سالايىق, وبلىستىق ونوماستيكا كوميسسييانىڭ بيىلعى سەۋٸر ايىندا ٶتكەن وتىرىسىندا وسىنداي 86 ۇسىنىس قارالىپ, ۇسىنىستار بٸراۋىزدان ماقۇلدانعان بولاتىن.
