وڭتٷستٸك قازاقستان وبلىسىندا 2017 جىلى 17 مىڭ پەداگوگ بٸلٸكتٸلٸگٸن ارتتىردى. سونداي-اق, اۋدانداردا موبيلدٸ توپتار قۇرىلىپ, وبلىستىڭ الدىڭعى قاتارلى مۇعالٸمدەرٸ ەرٸپتەستەرٸنە ونلاين رەجيمٸندە ساباق ٶتكٸزٸپ, وزىق تەجٸريبەلەرٸمەن بٶلٸسۋدە. بۇل تۋرالى وقو ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە وبلىستىق بٸلٸم باسقارماسىنىڭ باسشىسى يساتاي ساعىندىقوۆ مەلٸم ەتتٸ, دەپ حابارلايدى "ۇلت اقپارات" ايماق باسشىسىنىڭ باسپاسٶز قىزمەتٸنە سٸلتەمە جاساپ.
ونىڭ ايتۋىنشا, ٶڭٸردەگٸ 61 مەكتەپ بيولوگييا, حيمييا, فيزيكا جەنە ينفورماتيكا پەندەرٸن اعىلشىن تٸلٸندە وقىتۋدى باستاعان پيلوتتىق مەكتەپتەردٸڭ تٸزٸمٸنە ەنٸپ وتىر. سونىمەن قاتار, وبلىس بويىنشا 18 جاسقا دەيٸنگٸ دامۋ مٷمكٸندٸگٸ شەكتەۋلٸ بالا سانى 35 مىڭنان اسقان. وبلىسىمىزدا ەرەكشە بٸلٸم بەرۋدٸ قاجەت ەتەتٸن بالالارعا ارنالعان ارنايى 12 مەكتەپ-ينتەرناتتار, 5 بالاباقشا مەن كەڭەس بەرۋ مەكەمەلەرٸ جەنە وڭالتۋ ورتالىعى قىزمەت ەتەدٸ.
«سونداي-اق, «بارشاعا تەگٸن كەسٸپتٸك-تەحنيكالىق بٸلٸم» جوباسى نەگٸزٸندە وبلىستا 2017-2018 وقۋ جىلىندا 75 مىڭعا جۋىق ستۋدەنت بٸلٸم الۋدا. وبلىستىق بيۋدجەت ەسەبٸنەن 91 ماماندىق جەنە 160 بٸلٸكتٸلٸك بويىنشا ماماندار دايارلانۋدا. اتالعان مەملەكەتتٸك باعدارلاما اياسىندا كٶپبالالى وتباسىنان 3 مىڭعا جۋىق بالا, 220 جەتٸم بالا جەنە از قامتىلعان وتباسىنان 8 مىڭنان استام بالا بٸلٸم الۋدا», - دەدٸ يساتاي ٶمٸرزاقۇلى.
بۇدان بٶلەك, «نەتيجەلٸ جۇمىسپەن قامتۋدى جەنە جاپپاي كەسٸپكەرلٸكتٸ دامىتۋدىڭ 2017-2021 جىلدارعا ارنالعان باعدارلاماسىنىڭ» بٸرٸنشٸ باعىتى بويىنشا 4 500-دەن استام ستۋدەنت 26 جۇمىسشى ماماندىقتارى بويىنشا وقۋمەن قامتىلعان.
ايتا كەتەتٸنٸ, بٸلٸم باسقارماسى تاراپىنان وبلىستاعى بٸلٸم بەرۋ ۇيىمدارىنىڭ باسشىلارىن تاعايىنداۋ ٷشٸن ارنايى كوميسسييا قۇرىلىپ وتىر. قازٸرگٸ تاڭدا كوميسسيياسىنىڭ ٷش وتىرىسى ٶتٸپ, وعان جالپى سانى 131 ٷمٸتكەر قاتىسىپتى. نەتيجەسٸندە بارلىق ٷمٸتكەردٸڭ 120-سى زاڭ تالاپتارىنا سەيكەس كەلەدٸ دەپ تانىلسا, كوميسسييا شەشٸمٸمەن قالعان 11 ٷمٸتكەردٸڭ بٸلٸكتٸلٸك تالاپتارىنا سەيكەس كەلمەيتٸنٸ انىقتالعان.
