قازىعۇرت اۋدانىنداعى «ساپا - 2002» سەرٸكتەستٸگٸ قۇنى 275 ملن تەڭگە بولاتىن مال بورداقىلاۋ كەشەنٸنٸڭ قۇرىلىسىن جٷرگٸزٸپ جاتىر. مۇندا سالماعى 90-95 كەلٸ تارتاتىن قازاقتىڭ اسىل تۇقىمدى قىلشىق جٷندٸ قۇيرىقتى قويى مەن مەرينوس قويى ٶسٸرلۋدە. وسىنداي يگٸ جۇمىستاردىڭ بارىسىمەن وبلىس ەكٸمٸ جانسەيٸت تٷيمەباەۆ اۋدانعا جاساعان جۇمىس ساپارى كەزٸندە تانىسىپ شىقتى, دەپ ۇلت.كز تٸلشٸسٸ.
شارۋاشىلىقتىڭ جۇمىسىمەن تانىستىرعان سەرٸكتەستٸك باسشىسى نۇرجان ەشٸروۆ ەت ەكسپورتىن دامىتۋدى قولعا الىپ جاتقانىن اتاپ ٶتتٸ.
وسى رەتتە, جانسەيٸت تٷيمەباەۆ ٶڭدەۋ ٶنەركەسٸبٸنە كٶڭٸل بٶلۋ كەرەكتٸگٸن ايتىپ, مالدى تٸرٸدەي ساتۋدان بٶلەك, ونىڭ ەتٸن تەرەڭ ٶڭدەپ ساتۋ مەسەلەسٸن دە قولعا الۋدى ۇسىندى.
«تٷرلٸ تاعامدارعا ارنايى دايىنداپ, ەتتٸ شەتەلگە ەكسپورتتاۋعا بولادى. بۇل قاي جاعىنان الىپ قاراساق تا تيٸمدٸ», - دەگەن ٶڭٸر باسشىسى اۋدان ەكٸمٸنە كەسٸپكەرلٸكتٸ دامىتۋ باعىتىنداعى جۇمىستاردى جالعاستىرۋدى تاپسىردى.
بٷگٸندە مۇندا قۇنى 275 ملن تەڭگە بولاتىن مال بورداقىلاۋ كەشەنٸنٸڭ قۇرىلىسى جٷرگٸزٸلٸپ جاتىر. قازٸر ونىڭ 170 ميلليونى يگەرٸلٸپ, 6,5 مىڭ قوي سيياتىن الاڭنىڭ قۇرىلىسى بٸتكەن.
«ساپا - 2002» جشس-نٸڭ باسشىسى نۇرجان ەشٸروۆتٸڭ ايتۋىنشا, بٷگٸندە مۇندا 4,5 مىڭ قوي بورداقىلانىپ جاتىر ەكەن. الداعى ۋاقىتتا جىلىنا 1 مىڭ توننا جوعارى ساپالى قوي ەتٸن ٶندٸرۋدٸ ماقسات ەتٸپ وتىرعان شارۋاشىلىق جوبا تولىق اياقتالسا, بۇل كەشەندە بٸر مەزگٸلدە 10 مىڭ قويدى بورداقىلاۋعا مٷمكٸندٸك تۋاتىنىن ايتۋدا. سونداي-اق, مۇنداعى قوزى ەتٸنە يراندىقتار مەن ارابتار قىزىعۋشىلىق تانىتسا, سەمٸز قويلارعا ٶزبەكستان ەلٸنەن سۇرانىس بار كٶرٸنەدٸ. مەملەكەتتٸك قولداۋلار نەتيجەسٸندە جاڭا تەحنيكالارعا قول جەتكٸزٸپ كەسٸبٸن ٶركەندەتٸپ وتىرعانىن ايتقان شارۋاشىلىق يەسٸ جۇمىسپەن 120 ادامدى قامتىپ وتىرعانىنا توقتالدى.
ايتا كەتەيٸك, «ساپا - 2002» جشس-دە قويدان بٶلەك, جىلقى مەن ٸرٸ قارا دا بار. جالپى, مال باسى 9 مىڭنان اسقان. مالدىڭ جەم-شٶبٸ دە وسىندا ەزٸرلەنەدٸ. سەبەبٸ «ساپا-2002» جشس مال شارۋاشىلىعىمەن قاتار ەليتالى بيداي, ماقسارى جەنە جوڭىشقا تۇقىمىن ٶندٸرۋمەن اينالىسادى. ٶسٸمدٸك مايىن شىعاراتىن تسەحى دا جۇمىس ٸستەيدٸ.
