وڭتٷستٸك قازاقستان وبلىسىندا «باقىتتى وتباسى» بايقاۋى ٶتتٸ. تٶلەبي اۋدانىنىڭ بەلسەندٸ جاستارى ۇيىمداستىرعان سايىسقا 11 جانۇيا مٷشەلەرٸ قاتىستى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
قاتىسۋشىلار بايقاۋ بارىسىندا كٶپشٸلٸككە ٶنەگەلٸ وتباسىدا عانا ٷلگٸلٸ ۇرپاق ٶسەتٸنٸن جەتكٸزۋگە تىرىستى. وتباسىلىق سايىس 8 كەزەڭدٸ قامتىدى. بايقاۋدا حالقىمىزدىڭ قانىنا سٸڭگەن, سٷيەگٸنە ٶتكەن, ۇلتتىق كودىمىز بولار سالت-دەستٷرلەر جاڭعىردى.
«نەگٸزگٸ ماقساتىمىز - وتباسىنداعى ىنتىماق, بٸرلٸك, قۇندىلىقتار, تاتۋلىق, سىيلاستىقتى دامىتۋ بولدى. الدىڭعى جىلى بۇل سايىس سپورتتىق ٸس-شارا رەتٸندە ٶتەتٸن. بۇل جىلى مەدەني ٶنەرٸمەن شىڭدالۋ ٷشٸن ساحنادا ٶتكٸزٸپ جاتىرمىز. ەر ٷي ٶز وتاۋىندا ورناعان شاتتىق سىرىمەن بٶلٸستٸ», - دەيدٸ تٶلەبي اۋداندىق جاستار رەسۋرستىق ورتالىعىنىڭ باسشىسى قايرات قىپشاقوۆ.
ٶزارا تارتىستى ٶتكەن سايىستا ەربٸر قاتىسۋشى كومانداسى ٷشٸن بارىن سالدى. قاي وتباسىنىڭ بٸرلٸگٸنٸڭ بەكەمدٸگٸ, ىرىسى تاسقانى, مەرەيٸ اسقانى دا جارىس بارىسىندا بەلگٸلٸ بولدى. تاعىلىمدى شارادا وتباسى مٷشەلەرٸنٸڭ سپورتتىق ٶنەرٸمەن بٸرگە, بالا تەربيەلەۋدەگٸ بٸلٸكتٸلٸگٸ دە باعالاندى.
«بالالاردى ساحناعا شىڭداپ, ٶنەرگە بەيٸمدەپ, وتباسىلىق جىلۋلىقتى جاستايىنان سەزٸنٸپ ٶسسە دەيمٸز. ەلباسىمىز ماقالاسىندا ايتقان, بالالاردى بٸلٸمدٸ, بٸلٸكتٸ, وتباسىلىق قۇندىلىقتاردى دەرٸپتەۋ, جەكە تۇلعانى دايارلاۋ ماقساتىندا جۇمىس جاساپ جاتىرمىز», - دەيدٸ رىسپاەۆتار ەۋلەتٸنٸڭ وتاناسى.
بايقاۋ نەتيجەسٸ بويىنشا باس جٷلدەنٸ ساتىبالديەۆتەر وتباسى جەڭٸپ الدى. ال, بٸرٸنشٸ ورىندى سيقىمباەۆتار ەۋلەتٸ يەلەنسە, ەكٸنشٸ ورىندى رىسپاەۆتار شاڭىراعى مٸسە تۇتتى. قالعان قاتىسۋشالار ەر تٷرلٸ نوميناتسييالار بويىنشا ىنتالاندىرۋ سىيلىقتارىنا يە بولدى.
