وڭتٷستٸك قازاقستان وبلىسىندا قازاقستاننىڭ ەڭبەك سٸڭٸرگەن ٶنەر قايراتكەرٸ, قر مەملەكەتتٸك سىيلىعىنىڭ, تەۋەلسٸز «پلاتينالى تارلان» سىيلىعىنىڭ لاۋرەاتى, «قۇرمەت» وردەنٸنٸڭ يەگەرٸ, كەنتاۋ قالاسىنىڭ بٸرتۋار تۋماسى ەشٸربەك سىعايعا 70 جىل تولۋىنا وراي ەسكە الۋ كەشٸ ٶتتٸ, دەپ حابارلايدى قازاقپارات تٸلشٸسٸ.
كەنتاۋ قالاسىندا ٶتكەن شارا مەملەكەت باسشىسىنىڭ «بولاشاققا باعدار: رۋحاني جاڭعىرۋ» ماقالاسىنداعى «تۋعان جەر» باعدارلاماسىن جٷزەگە اسىرۋ اياسىندا ۇيىمداستىرىلدى. الدىمەن شەمشٸ قالداياقوۆ اتىنداعى مەدەنيەت سارايىندا ورتالىق كٸتاپحانا مەن كەنتاۋ قالالىق مۋزەي تاراپىنان كٶرنەكتٸ تەاتر سىنشىسىنا ارنالعان كٸتاپ كٶرمەسٸ ۇيىمداستىرىلدى. ونان سوڭ جيىن ٶتٸپ, ونى وبلىستىق مەدەنيەت باسقارما باسشىسىنىڭ مٸندەتٸن اتقارۋشى اسىلبەك ەمٸرحانوۆ اشتى. جينالعان قاۋىم الدىندا سٶز سٶيلەگەن باسشى ەشٸربەك سىعايدىڭ وتباسىنا وبلىس ەكٸمٸ جانسەيٸت تٷيمەباەۆتىڭ ارنايى قۇتتىقتاۋىن تاپسىردى. كەيٸننەن كٶپشٸلٸك «ٶمٸر جولى» اتتى بەينەفيلم مەن تەاتر سىنشىسىنىڭ ٶمٸر جولىنا ارنالعان ەكٸ كٶرٸنٸستٸك قويىلىمدى تاماشالادى. ونىڭ ٶمٸرٸ مەن ەڭبەكتەرٸ تۋرالى ايتىپ, اقىن-جازۋشىلاردىڭ ارناۋلارى وقىلدى. قالا ەكٸمٸ ەبدٸباقىت ماقۇلباەۆ تەاتر سىنشىسىنىڭ جاساعان ەڭبەكتەرٸن اتاپ ٶتٸپ, اسىل جارى كٷلەش دۋلاتبەكقىزى مەن ۇلى قانات ەشٸربەكۇلىنا قۇرمەت كٶرسەتتٸ.
«ەشٸربەك تٶرەبايۇلى كٶزٸ تٸرٸسٸندە تەاتر, دراماتۋرگييا تۋرالى 20-عا جۋىق كٸتاپ, مىڭعا تارتا تاماشا ماقالا جازعان. قازاق تەاتر سىنىندا جاڭاشا جول سالعان ايرىقشا تۇلعا. ول قازاق ٶنەرتانۋشىلارى اراسىندا تەاتردى ٶنەر رەتٸندە, ۇلت ٷشٸن ماڭىزى بار قوعامدىق قۇبىلىس رەتٸندە العاش تانىعان سارابدال سىنشى», - دەدٸ كەنتاۋ قالاسىنىڭ ەكٸمٸ.
جيىندا ەشٸربەك سىعايعا ارنالعان ەۋەندەر مەن ٶلەڭ جولدارى جينالعان قاۋىمنىڭ جانىن تەبٸرەنتٸپ, ەرەكشە كٷيگە بٶلەدٸ. مارقۇمنىڭ زامانداستارى, اعايىن-تۋىستارى, دوستارى بٸرتۋار ازامات تۋرالى ەستەلٸكتەرٸمەن, قىزىقتى ەڭگٸمەلەرٸمەن بٶلٸستٸ. سالتاناتتى شارا سوڭىندا ەشٸربەك سىعايدىڭ اۋدارماسى «جٷرەيٸكشٸ جٷرەك اۋىرتپاي» قويىلىمى كٶرسەتٸلدٸ.
