وڭتٷستٸك قازاقستان وبلىسىندا العاش رەت «دوستىق كٶكپارى» ۇيىمداستىرىلدى. تٷرلٸ ۇلت ٶكٸلدەرٸ جاستارىنىڭ باسىن قوسقان ۇلتتىق ويىننىڭ ٶتۋٸنە وبلىستىق قازاقستان حالقى اسسامبلەياسى مەن وبلىس ەكٸمدٸگٸنە قاراستى «قوعامدىق كەلٸسٸم» مەكەمەسٸ مۇرىندىق بولدى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
ماقتاارال اۋدانىندا ٶتكەن ۇلتتىق ويىنعا ەلۋدەن استام شاباندوز قاتىستى. ۇلتتىق قۇندىلىقتاردى ناسيحاتتاۋ ەرٸ جاستار اراسىندا دوستىقتى نىعايتۋ ماقساتىندا ٶتكەن شارانىڭ اشىلۋ سالتاناتىندا ماقتاارال اۋدانىنىڭ ەكٸمٸ عالىم يسمايلوۆ پەن «قوعامدىق كەلٸسٸم» مەكەمەسٸنٸڭ باسشىلارى سٶز سٶيلەپ, شاباندوزدارعا سەتتٸلٸك تٸلەدٸ.
«وڭتٷستٸكتٸڭ جاستارى اراسىندا بۇرىن-سوڭدى مۇنداي «دوستىق كٶكپارى» ٶتپەگەن. جارىسقا تٷرلٸ ەتنوس جاستارى قاتىسىپ وتىر. بۇل ويىن سالاۋاتتى ٶمٸر سالتىن قالىپتاستىرۋمەن قاتار, جاستاردىڭ ٶزارا تاتۋلىق پەن ىنتىماعىن ارتتىرادى. ۇلتتىق سپورتتى ۇلىقتاۋعا ارنالعان شارالار الداعى ۋاقىتتا دا جالعاسادى دەپ سەنەمٸن», - دەدٸ ماقتارال اۋدانىنىڭ ەكٸمٸ عالىم يسمايلوۆ.
كٶكپاردا «ىنتىماق», «بٸرلٸك», «دوستىق», «بايشۇبار» دەپ اتالاتىن تٶرت كوماندانىڭ ات قۇلاعىندا ويناعان پالۋان جٸگٸتتەرٸ باس جٷلدەنٸ جەڭٸپ الۋ ٷشٸن بارىن سالدى. تارتىستى ويىننان ەرەكشە ەسەر العان كٶپشٸلٸك جارىستى سوڭىنا دەيٸن تاپجىلماي تاماشالادى. ويىن سوڭىندا جەڭٸمپازدار مەن جٷلدەگەرلەرگە ۇيىمداستىرۋشىلار تاراپىنان ديپلوم جەنە قارجىلاي سىياقى تابىس ەتٸلدٸ. سونىمەن قاتار, ويىن بارىسىندا ەپتٸلٸگٸمەن كٶزگە تٷسكەن شاباندوزدار دا ارنايى نوميناتسييالارمەن ماراپاتتالدى.
