قمدب-نىڭ تٶراعاسى, باس مٷفتي ەرجان قاجى مالعاجىۇلى وڭتٷستٸك قازاقستان وبلىسى ورداباسى اۋدانى شۇبارسۋ ەلدٸ مەكەنٸندە كٶپ بالالى 4 اناعا ٷيدٸڭ كٸلتٸن تابىس ەتتٸ, دەپ حابارلايدى "ۇلت اقپارات".
شارانى قازاقستان مۇسىلماندارى دٸني باسقارماسىنىڭ وڭتٷستٸك قازاقستان وبلىسى بويىنشا ٶكٸلدٸگٸ مەن وبلىستىق «زەكەت» قورى بٸرلەسٸپ ۇيىمداستىرعان بولاتىن.
«دٸني باسقارما جاعدايى تٶمەن, كٶپ بالالى, التىن قۇرساقتى انالار مەن ٶمٸر تاۋقىمەتٸن تارتقان وتباسىلارعا ٷي سالىپ بەرۋ جۇمىسىن دەستٷرلٸ تٷردە جٷرگٸزٸپ كەلەدٸ. بيىلعى جىلى وڭتٷستٸكتە 8 ٷي سالىندى. بۇل شارالارعا دٸن قىزمەتكەرلەرٸ مەن جەرگٸلٸكتٸ قولى اشىق جومارت جاندار دەمەۋشٸلٸك جاسادى. مۇنداي يگٸ ٸستەر جىل سايىن جالعاسىن تاباتىن بولادى», - دەپ اتاپ ٶتتٸ باس مٷفتي.
قمدب تٶراعاسى قايىرىمدىلىق شارا كەزٸندە 4 وتباسىعا ازىق-تٷلٸك, ٷي جيھازدارى مەن ٶزگە دە تۇرمىستىق زاتتاردى تارتۋ ەتتٸ.
جالپى, ەربٸر وتباسىعا بٶلٸنگەن جەر تەلٸمٸ 8 سوتىق, سالىنعان ەر ٷيدٸڭ كٶلەمٸ 120 شارشى مەتر. اۋىز سۋمەن قامتاماسىز ەتۋ ماقساتىندا 280 مىڭ تەڭگەگە ەر ٷيگە قوسىمشا جەراستى قۇدىق سۋى تارتىلدى. سونىمەن قاتار, 273 مىڭ تەڭگەگە بٸر شاقىرىم جەردەن 15 باعانا ورناتىلىپ, ەلەكتر جارىعى تارتىلدى. سالىنعان ەر جەكە ٷيگە 7 ملن تەڭگە كٶلەمٸندە قاراجات جۇمسالدى.
باس مٷفتي اسىل دٸنٸمٸزدٸڭ ٶركەندەۋٸنە جان-جاقتى ٷلەس قوسىپ, حالىقتىڭ ەلەۋەتٸن كٶتەرۋگە اتسالىسىپ كەلە جاتقان جەرگٸلٸكتٸ قايىرىمدى جاندارعا ايرىقشا العىسىن جەتكٸزدٸ.
