حالىقارالىق قارتتار كٷنٸنە وراي وبلىستا الدىڭعى بۋىن ٶكٸلدەرٸنە قۇرمەت-ٸلتيپات كٶرسەتۋ شارالارى ودان ەرٸ جالعاسىن تابۋدا. وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ قازىنالى قارييالاردى قۇتتىقتاۋ ٷشٸن وبلىستىق ارداگەرلەر كەڭەسٸنە ارنايى ات باسىن بۇردى, دەپ حابارلايدى قازاقپارات تٸلشٸسٸ.
ايماق باسشىسى ورتالىق ساياباققا جينالعان ەل اعالارىمەن كەزدەسٸپ, ولاردىڭ حال-جاعدايىن سۇرادى. «قارتى بار ٷيدٸڭ قازىناسى بار» ەكەنٸن اتاپ ٶتٸپ, قوعام ٶمٸرٸندەگٸ ارداگەرلەر اتقارىپ وتىرعان اۋقىمدى جۇمىستاردى سٶز ەتتٸ. ەلدٸڭ بٸرلٸگٸ, تۇراقتىلىق, ۇرپاقتار ساباقتاستىعى تۋرالى ويىن ورتاعا سالدى.
«وڭتٷستٸك ٶڭٸرٸندە وبلىستا بٷگٸندە 200 مىڭنان اسا زەينەتكەر تۇرادى. 218 ۇلى وتان سوعىسىنىڭ ارداگەرٸ بار. ولاردىڭ اراسىندا كەشەگٸ كٷنٸ ەل قورعاعان ەرلەر دە, شارۋاشىلىقتىڭ سان-سالاسىندا ەڭبەك ەتكەن كٶپتەگەن ماماندىق يەلەرٸ دە كەزدەسەدٸ. ارداگەرلەر ٶز ۋاقىتىندا بويىنداعى بٸلٸمٸ مەن بٸلٸگٸن, كٷش-جٸگەرٸن ەل يگٸلٸگٸ ٷشٸن جۇمسادى, ەلباسىمىز اتاپ كٶرسەتكەندەي ەندٸ ولاردىڭ قاي-قايسىسى دا ۇمىت قالماۋى تيٸس», - دەدٸ جانسەيٸت تٷيمەباەۆ.
وبلىس باسشىسى اقساقالدارعا قۇتتىقتاۋ سٶزٸن ايتىپ, وتباسىلىق قۇندىلىقتار, بالا تەربيەسٸ جٶنٸندەگٸ ەڭبەكتەرٸ ٷشٸن جىلى لەبٸزٸن ارنادى.
«مىناۋ تٸرشٸلٸكتە, جالپى قوعامدا سٸزدەردٸڭ الاتىن ورىندارىڭىز ەرەكشە. سٸزدەر وڭتٷستٸك ٶڭٸرٸنٸڭ دامۋىنا, ەلٸمٸزدٸڭ ەگەمەندٸگٸ ٷشٸن ايرىقشا ەڭبەك سٸڭٸردٸڭٸزدەر. سٸزدەردٸ بٸزدٸڭ التىن قازىنامىز دەپ ەسەپتەيمٸز. سوندىقتان دا اقىل-كەڭەستەرٸڭٸز, ٶمٸرلٸك تەجٸريبەلەرٸڭٸز كەيٸنگٸ جاستار ٷشٸن ٷلگٸ ٶنەگە», - دەدٸ وبلىس باسشىسى.
ايتا كەتەيٸك, وبلىستاعى زەينەتكەرلەردٸڭ 600-گە جۋىعى جاسى 100-دەن اسقان اتا-ەجەلەر, 80-نەن استامى - جالعىزٸلٸكتٸ قارييالار. قۋانتارلىعى سول, قارتتارعا دەگەن قامقورلىق جىلدان جىلعا ارتىپ كەلەدٸ. مەسەلەن, جالعىزباستى قارييالارعا اي سايىن بٸر ايلىق ەسەپتٸك كٶرسەتكٸش ەسەبٸندە قارجىلاي كٶمەك بەرٸلەدٸ, 10 مىڭعا جۋىق قارت بٷگٸندە كوممۋنالدىق قىزمەتتٸ تٶلەۋدەن بوساتىلىپ, قوعامدىق كٶلٸكتەردە تەگٸن جٷرۋگە مٷمكٸندٸك الىپ وتىر. ونىمەن قوسا, 3 مىڭنان اسا قارييانى تٷرلٸ باسىلىمدارعا تەگٸن جازدىرۋ ۇيىمداستىرىلعان.
