بٷگٸن وڭتٷستٸك قازاقستان وبلىسىندا «قازٸرگٸ كەزەڭدەگٸ تراۆماتولوگييا جەنە ورتوپەدييانىڭ ٶزەكتٸ مەسەلەلەرٸ» اتتى حالىقارالىق عىلىمي-پراكتيكالىق كونفەرەنتسيياسى ٶتتٸ.
كونفەرەنتسييا جۇمىسىنا وبلىس ەكٸمٸ ج.تٷيمەباەۆ, اقش, گەرمانييا, رەسەي, پولشا, قىرعىزستان, ٶزبەكستان, سەربييا سىندى ون مەملەكەتتەن 14 عالىم مەن ٷش جٷزگە جۋىق دەرٸگەرلەر, مەديتسينالىق جوعارى وقۋ ورنىنىڭ ستۋدەنتتەرٸ قاتىستى.
مەديتسينا شەكارا تاڭدامايتىنىن ايتقان ايماق باسشىسى شەتەلدٸڭ بٸلٸكتٸ ورتوپەد, تراۆماتولوگ ماماندارى قاتىسىپ وتىرعان بٷگٸنگٸ حالىقارالىق عىلىمي-پراكتيكالىق كونفەرەنتسييانىڭ ماڭىزى زور ەكەنٸن اتاپ ٶتتٸ, دەپ حابارلايدى وقو ەكٸمٸنٸڭ باسپاسٶز قىزمەتٸ.
بٷگٸنگٸ كونفەرەنتسيياداعى كٶتەرٸلٸپ وتىرعان تاقىرىپتىڭ قوعام ٷشٸن ٶتە ماڭىزدى ەكەندٸگٸن باسا ايتقىم كەلەدٸ. سوڭعى جىلدارى وتاندىق مەديتسينا سالاسىندا دەرٸگەرلەرٸمٸز ەلەۋلٸ جەتٸستٸكتەرگە جەتٸپ, حالىقتىڭ دەنساۋلىعىن قورعاۋدا تىڭ تەحنولوگييالاردى قولدانىسقا ەنگٸزۋدە. مەملەكەت باسشىسىنىڭ 2015-2019 جىلدارعا ارنالعان «دەنساۋلىق» مەملەكەتتٸك باعدارلاماسىنىڭ نەتيجەسٸندە مەديتسينا سالاسىن قارجىلاندىرۋ جىلدان جىلعا ۇلعايىپ, اۋرۋحانالار مەن ەمحانالاردىڭ ماتەريالدىق-تەحنيكالىق جاعدايى جاقسارۋدا. دەرٸگەرلەر مەديتسيناسى وزىق ەلدەردٸڭ كلينيكالارىندا تەجٸريبە جيناقتاپ, كەسٸبي شەبەرلٸكتەرٸن شىڭداۋدا. ۇلت دەنساۋلىعىن ساقتاۋدا اۋرۋدىڭ الدىن الۋعا باسا مەن بەرٸلٸپ, سالاماتتى ٶمٸر سالتىن ۇستانۋدا», - دەدٸ ەكٸم.
كونفەرەنتسييا بارىسىندا قازاقستان جەنە ونىڭ حالقى از قونىستانعان ەلدٸ مەكەندەرگە جەنە مامانداندىرىلعان كٶمەك كٶرسەتۋ ورتالىقتارىنىڭ اراسىنداعى ٷلكەن ارا قاشىقتىق ٷشٸن ٶتە ٶزەكتٸ بولىپ كەلەتٸن تراۆماتولوگييا جەنە ورتوپەدييادا يننوۆاتسييالىق تەحنولوگييالاردى ەنگٸزۋ جەنە قولدانۋ, ورتوپەدييالىق - تراۆماتولوگييالىق كٶمەك ۇيىمداستىرۋ, جاراقاتتانۋشىلىقتى الدىن الۋ مەسەلەلەرٸ بويىنشا پلەنارلىق جەنە سەكتسييالىق وتىرىستار ٶتكٸزٸلدٸ. سونداي - اق, بالالار ورتوپەديياسى مەن تراۆماتولوگيياسى, ورتوپەدييالىق - تراۆماتولوگييالىق پراكتيكاداعى قاتەلٸكتەرٸ جەنە اسقىنۋلاردىڭ ٶزەكتٸ مەسەلەلەرٸ دە وسى باسقوسۋدا تالقىلاندى.
حالىقارالىق دەرٸگەرلەر جيىنىندا فارماتسەۆتيكالىق كومپانييالار قازٸرگٸ زامانعى مەديتسينالىق جابدىقتار مەن مەديتسينالىق ماقساتتاعى بۇيىمداردى سونداي - اق, جەتەكشٸ مەديتسينالىق ٶندٸرۋشٸ فيرمالار دەرٸلٸك پرەپاراتتارىن ۇسىندى.
كونفەرەنتسييا قاتىسۋشىلارى بٷگٸنگٸ باسقوسۋ حالىقارالىق تەجٸريبەنٸ ٷيرەنۋ, بٸلٸمدەرمەن الماسۋ, ودان ەرٸ كونسترۋكتيۆتٸ جەنە ٶزارا تيٸمدٸ ىنتىماقتاستىقتى ارتتىرۋ ٷشٸن جەنە عىلىمي, ٸسكەرلٸك بايلانىستاردى قۇرۋ الاڭى بولىپ قىزمەت ەتەتٸنە سەنٸم بٸلدٸرٸپ, تارقاستى.
ٷش ميلليونعا جۋىق حالىق بار وڭتٷستٸك قازاقستاندا بيىل وبلىستىڭ دەنساۋلىق ساقتاۋ سالاسىنا بٶلٸنگەن قارجى 125 ميلليارد تەڭگەنٸ قۇراعان. سونىڭ نەتيجەسٸندە ٶڭٸردٸڭ شالعاي اۋىلدارىندا دا مەديتسينالىق قىزمەتتٸڭ ساپاسى جاقسارعان. مەملەكەت تاراپىنان جاسالىپ جاتقان وسىنداي قامقورلىقتىڭ نەتيجەسٸندە بٷگٸندە بۇرىن-سوڭدى بولماعان كٷردەلٸ وتالاردى استانا, الماتى قالالارىندا عانا ەمەس, شىمكەنتتە دە جاساۋ مٷمكٸن بولىپ وتىر. سوڭعى جەتٸ جىلدا وبلىس حالقىنىڭ ٶمٸر سٷرۋ ۇزاقتىعى 69-دان 72-گە دەيٸن جوعارىلاسا, انا مەن بالا ٶلٸم-جٸتٸمٸ سوڭعى بەس جىل ٸشٸندە ەدەۋٸر تٶمەندەگەن.
