وڭتٷستٸك قازاقستان وبلىسىندا مەملەكەتتٸك قىزمەتكە مامان تاڭداۋدا دامىعان ەلدەردٸڭ تەجٸريبەسٸ كەڭٸنەن قولدانىلاتىن بولادى. بۇل رەتتە ەلەمدٸك تەجٸريبەدە كەڭ قولدانىلاتىن «تالانتتاردى باسقارۋ» ەدٸسٸنٸڭ بەرەرٸ مول. بٷگٸن بۇل تۋرالى بٸر توپ مەملەكەتتٸك قىزمەتكەرلەرمەن كەزدەسكەن وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ مەلٸم ەتتٸ, دەپ حابارلايدى "ۇلت اقپارات".
كەزدەسۋ بارىسىندا مەملەكەتتٸك قىزمەتشٸلەر ٶڭٸر باسشىسىنا بٸلٸكتٸلٸكتٸ جەتٸلدٸرۋ, ەلەۋمەتتٸك جاعدايدى كٶتەرۋ, ىنتالاندىرۋ مەسەلەرٸ بويىنشا ٶز ۇسىنىستارىن ايتىپ, ەمٸن-ەركٸن پٸكٸر الماستى.
«مەملەكەتتٸك قىزمەتكەر بولۋ – وڭاي شارۋا ەمەس. ٶيتكەنٸ بۇل ٶتە جاۋاپتى ٸس. بۇل جولدا ەربٸر قىزمەتكەردٸڭ كەسٸبيلٸگٸمەن قاتار بٸلٸكتٸلٸگٸ, بٸلٸمدٸلٸگٸ, ادالدىعى مەن ار-وجدانى تازا بولۋى كەرەك. سوندا عانا ەلگە ساپالى قىزمەت كٶرسەتە الاسىزدار», - دەدٸ جانسەيٸت قانسەيٸتۇلى.
ايتا كەتەيٸك, بٷگٸندە جەرگٸلٸكتٸ بيلٸك كادر تاڭداۋدا «ٷزدٸكتەردٸ» كونكۋرسقا قاتىسۋشىلار اراسىنان ٸزدەۋ سيياقتى ٷيرەنشٸكتٸ ەدٸسكە عانا جٷگٸنبەي, ەلەمدەگٸ دامىعان ەلدەر ٷلگٸسٸمەن «تالانتتاردى باسقارۋ» ەدٸسٸن پايدالانۋدى قولعا العان. سونىڭ نەتيجەسٸندە ساپالى ماماندار قاتارى ارتىپ, مەملەكەتتٸك قىزمەت كٶرسەتۋ ساپاسى دا ەدەۋٸر جاقسارىپ كەلەدٸ. قازٸرگٸ تاڭدا وڭتٷستٸك قازاقستان وبلىسىنداعى جەرگٸلٸكتٸ اتقارۋشى ورگانداردا 4573 مەملەكەتتٸك ەكٸمشٸلٸك لاۋازىم يەسٸ قىزمەت ەتەدٸ. ونىڭ 1122-سٸ ەيەل ازاماتتار. ٶڭٸردەگٸ مەملەكەتتٸك قىزمەتشٸلەردٸڭ ورتاشا جاسى 39 قۇرايدى.
ٶتكەن جىلى وبلىسىمىزدا «بولاشاق» باعدارلاماسىنىڭ جەنە مەملەكەتتٸك باسقارۋ اكادەميياسى تٷلەكتەرٸن مەملەكەتتٸك قىزمەتكە تارتۋ جٶنٸندەگٸ تيٸمدٸ ٸس-شارالار قولعا الىنعان بولاتىن. قازٸردٸڭ ٶزٸندە جەرگٸلٸكتٸ اتقارۋشى ورگاندار قىزمەتشٸلەرٸنٸڭ قاتارىنان 7-ٸ «بولاشاق» باعدارلاماسى بويىنشا, ال 3-ٸ اكادەمييادا بٸلٸمدەرٸن جەتٸلدٸرۋدە.
شارانى قورىتقان ٶڭٸر باسشىسى وسىنداي كەزدەسۋلەردٸ الداعى ۋاقىتتا تۇراقتى تٷردە ٶتكٸزٸپ وتىرۋعا كەڭەس بەردٸ.
