وبلىستار اراسىنداعى كٶلٸك قاتىناسىنا قاتىستى شەكتەۋلەر قالا بەرەدٸ. بۇل تۋرالى مەملەكەت باسشىسى قاسىم-جومارت توقاەۆ تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ وتىرىسىندا مەلٸم ەتتٸ, دەپ حابارلايدى "ۇلت اقپارات".
«ٷكٸمەت جاڭا سانيتارلىق ەرەجەلەردٸ دايىنداپ, ەنگٸزۋٸ قاجەت. شاعىن, ورتا, ٸرٸ كومپانييالار جاڭا ەرەجەلەرگە سەيكەس جۇمىس ٸستەۋٸ كەرەك. ەلەۋمەتتٸك ارا قاشىقتىقتى ساقتاۋ, كٶپشٸلٸك جينالعان جەردە بەتپەردە تاعىپ جٷرۋ قالىپتى جاعدايعا اينالۋعا تيٸس. وبلىستار اراسىنداعى كٶلٸك قاتىناسىنا قاتىستى شەكتەۋلەر قالا بەرەدٸ», - دەدٸ مەملەكەت باسشىسى.
بٷگٸندە كٶپتەگەن سالانىڭ قىزمەتٸ قالپىنا كەلە باستاعانىنا توقتالعان پرەزيدەنت: «قازٸردٸڭ ٶزٸندە 1 ميلليون 100 مىڭنان استام ازامات جۇمىسقا شىقتى. بٷگٸننەن باستاپ ەلٸمٸز بويىنشا دٷكەندەردٸڭ بٸرازى اشىلادى, سەن سالوندارىنىڭ, بٸلٸم ورتالىقتارىنىڭ, تاعى باسقا نىسانداردىڭ قىزمەتٸ قايتا جاندانادى. ساياباقتار اشىلادى. جولاۋشىلارعا ارنالعان ەۋە تاسىمالىنىڭ جۇمىسى قالپىنا كەلەدٸ. بۇعان دەيٸن 6 قالانىڭ ەۋەجايى اشىلعان بولاتىن. ەندٸ وعان تاعى 7 قالا قوسىلادى. كٶپتەگەن شەكتەۋلەر الىنىپ تاستالدى», - دەدٸ.
