سىربويىلىقتار ريو وليمپياداسىنىڭ قولا جٷلدەگەرٸ زٸلتەمٸرشٸ الەكساندر زايچيكوۆتٸ زور قوشەمەتپەن قارسى الدى.
قىزىلوردالىق جاستار الەكساندردىڭ قۇرمەتٸنە ەۋەجايعا جينالىپ, ىستىق ىقىلاستارىنا بٶلەدٸ. مۇنان سوڭ ريو وليمپياداسىنىڭ جٷلدەگەرٸن وبلىس ەكٸمٸ قىرىمبەك كٶشەرباەۆ قۇتتىقتاپ, جىلى لەبٸزٸن جەتكٸزدٸ.
- وليمپيادادا سەن تەك زٸلتەمٸردٸ كٶتەرٸپ قانا قويعان جوقسىڭ, بٷكٸل قازاقستاندىقتاردىڭ رۋحىن اسقاقتاتتىڭ. الەكساندردىڭ كەلەسٸ مەدالٸ التىن بولاتىنىنا سەنەمٸن. بٸز الەكساندردىڭ الداعى جارىستارعا, ەسٸرەسە توكيودا ٶتەتٸن وليمپياداعا دايىندىعى ٷشٸن بارلىق جاعدايدى جاساۋعا دايىنبىز. سونىمەن قاتار, باتىر ۇلدى تەربيەلەپ, ٶسٸرگەن اناسىنا زور العىس ايتامىز, - دەدٸ وبلىس ەكٸمٸ.
وبلىس ەكٸمٸ قىرىمبەك كٶشەرباەۆ الداعى ۋاقىتتا زٸلتەمٸرشٸلەردٸ دايىنداۋ ٷشٸن قىزىلوردادا حالىقارالىق تالاپتارعا ساي اۋىر اتلەتيكا ورتالىعى سالىناتىندىعىن جەتكٸزدٸ.
- مەن بارلىق قازاقستاندىقتارعا, ەسٸرەسە جەرلەستەرٸمە ٷلكەن العىسىمدى ايتامىن. ريودا جٷرٸپ, ولاردىڭ قولداۋىن سەزٸندٸم. قىزىلوردالىقتار تاڭعى 4-تە جينالىپ, مەنٸڭ ٶنەرٸمدٸ تاماشالاعاندارىن بٸلەمٸن. سٸزدەردٸڭ قولداۋلارىڭىز ماعان كٷش بەردٸ, - دەيدٸ الەكساندر زايچيكوۆ.
الەكساندردىڭ اناسى مەن باپكەرٸ دە بارشا قولداۋ كٶرسەتكەن قازاقستاندىقتارعا, جەرلەستەرٸنە العىستارىن ايتتى.
مۇنان سوڭ ايماق باسشىسى الەكساندرعا «Toyota Land Cruiser » اۆتوكٶلٸگٸنٸڭ كٸلتٸن تابىستاپ, باپكەرٸنە 5 ملن. تەڭگەنٸڭ سەرتيفيكاتىن تاپسىردى.
وبلىس ەكٸمٸمەن كەزدەسۋدەن كەيٸن الەكساندر ورتالىق الاڭدا ٶزٸنٸڭ جانكٷيەرلەرٸمەن كەزدەستٸ.
