قالىپتاسقان دەستٷر بويىنشا الماتى وبلىسىنىڭ ەكٸمٸ اماندىق باتالوۆ ۇلى وتان سوعىسىنىڭ 75 جىلدىعىمەن سوعىس ارداگەرلەرٸن قۇتتىقتاپ, تالدىقورعان قالاسىنىڭ تۇرعىندارى, «پاراۆوز-اپا» اتانعان التىناي ەسبولاتوۆا مەن ميحايل بارانوۆتىڭ ٷيٸنە باردى, دەپ حابارلايدى "ۇلت اقپارات" ٶڭٸر باسشىسىنىڭ باسپاسٶز قىزمەتٸنە سٸلتەمە جاساپ.
التىناي ەسبولاتوۆاعا اماندىق باتالوۆ الدىمەن ەل پرەزيدەنتٸ قاسىم-جومارت توقاەۆتىڭ قۇتتىقتاۋ حاتىن وقىپ بەردٸ. قۇتتىقتاۋ حاتتا: «سٸزدٸ ۇلى وتان سوعىسىنداعى جەڭٸستٸڭ 75 جىلدىعىمەن شىن جٷرەكتەن قۇتتىقتايمىن! سٸزدەردٸڭ ادامزات تاريحىنداعى ەرەن ەرلٸكتەرٸڭٸز بٷگٸنگٸ بەيبٸت ٶمٸرٸمٸزگە, جارقىن بولاشاعىمىزعا جول اشتى. بۇل ەشقاشان ۇمىتىلمايدى. ارداگەرلەرٸمٸزدٸڭ داڭقتى ٶمٸر جولى - وتانعا قىزمەت ەتۋدٸڭ جەنە پاتريوتيزمنٸڭ وزىق ٷلگٸسٸ, ٶسكەلەڭ ۇرپاق ەردايىم ٶزدەرٸڭٸزگە قاراپ بوي تٷزەيدٸ. سٸزگە زور دەنساۋلىق, اماندىق جەنە باق-بەرەكە تٸلەيمٸن», - دەلٸنگەن قۇتتىقتاۋدا.
مەرەكەلٸك سىيلىقتار تاپسىرعان اماندىق باتالوۆ:
- الماتى وبلىسىندا 64 سوعىس ارداگەرٸ بار, ولاردىڭ قاتارى جىلدان جىلعا ازايىپ بارادى. ولاردىڭ ەڭ كٸشٸسٸنٸڭ جاسى 95-كە كەلدٸ. بٸزدٸڭ مٸندەتٸمٸز – ولارعا قۇرمەت كٶرسەتٸپ, قامقورلىق جاساۋ. اۋىرماڭىز, اپا, 100 جاساڭىز, - دەدٸ وبلىس ەكٸمٸ.
ەسكە سالساق, التىناي ەسبولاتوۆا 1923 جىلى اقسۋ اۋدانى ماتاي ستانساسىندا تۋعان. ۇلى وتان سوعىسىنىڭ العاشٶى جىلدارىندا پاراۆوز ماشينيسٸنٸڭ جەدەلدەتٸلگەن كۋرسىن بٸتٸرٸپ, ٶمٸرٸنٸڭ سوڭىنا دەيٸن تەمٸر جول سالاسىندا ەڭبەك ەتتٸ. جاۋدىڭ بومبالاعانىنا قاراماستان پوەزدى گەرمانيياعا دەيٸن جٷرگٸزٸپ باردى, ال كٶپتەن كٷتكەن جەڭٸستٸ فرانكفۋرتتە قارسى الدى. التىناي اپانىڭ ماراپاتتارىنىڭ ٸشٸندە ٸ دەرەجەلٸ وتان سوعىسى وردەنٸ, «ستالينگرادتى قورعاعانى ٷشٸن», «قىرىمدى ازات ەتكەنٸ ٷشٸن», «گەرمانييانى جەڭگەنٸ ٷشٸن» مەدالدارى جەنە باسقا دا ماراپاتتارى بار.
مۇنان كەيٸن اماندىق باتالوۆ سوعىس ارداگەرٸ ميحايل بارانوۆتى قۇتتىقتادى. ول 1941 جىلى ٸ دەرەجەلٸ وتان سوعىسى وردەنٸمەن ماراپاتتالعان.
اماندىق باتالوۆ پرەزيدەنتتٸڭ قۇتتىقتاۋىن وقىپ بەرٸپ, ميحايل ۆاسيلەۆيچكە ٶڭٸردە شىققان جەتٸسۋ ارداگەرلەرٸ تۋرالى كٸتاپتى كٶرسەتتٸ:
- وبلىستاعى بارلىق ارداگەرلەر تۋرالى مىناداي كٸتاپ شىعاردىق, ونىڭ ٸشٸندە سٸز تۋرالى دا ماقالالار بار, ميحايل ۆاسيلەۆيچ. سٸزدەر تۋرالى, سٸزدەردٸڭ ەرلٸكتەرٸڭٸز جايلى ەستەلٸكتەر بٸزدٸڭ جادىمىزدا مەڭگٸ ساقتالادى. سٸزدەر – ناعىز باتىرسىزدار, جاستارعا ٷلگٸسٸزدەر. دەنساۋلىعىڭىز مىقتى بولسىن, امان-ساۋ 100 جاسقا جەتٸڭٸز, ساۋلىعىڭىزدى تٸلەيمٸن, - دەدٸ وبلىس ەكٸمٸ.
ٶز كەزەگٸندە ارداگەر دە العىسىن بٸلدٸردٸ: «بۇل بەرٸمٸز ٷشٸن كەرەمەت مەرەكە. قۇتتىقتاپ, قۇرمەت كٶرسەتكەندەرٸڭە راحمەت ايتامىن», - دەدٸ 97 جاستاعى ميحايل بارانوۆ.
اتاپ ٶتسەك, الماتى وبلىسىندا 64 ۇلى وتان سوعىسىنىڭ ارداگەرٸ بار, ولارعا 1 ملن. تەڭگەدەن ماتەريالدىق كٶمەك بەرٸلدٸ.
