وبلىس ەكٸمدەرٸ جاناما سايلاۋ ارقىلى تاعايىندالادى. بۇل تۋرالى قر پرەزيدەنتٸ قاسىم-جومارت توقاەۆ قازاقستان حالقىنا جولداۋىندا ايتتى, دەپ حابارلايدى قازاقپارات.
«سونداي-اق مەسليحاتتاردىڭ ىقپالىن بارىنشا كٷشەيتۋ ٷشٸن وبلىس ەكٸمدەرٸن تاعايىنداۋ تەرتٸبٸن ٶزگەرتۋ قاجەت دەپ سانايمىن. قازٸر مەسليحات دەپۋتاتتارى مەملەكەت باسشىسى ۇسىناتىن بٸر عانا كانديداتۋراعا كەلٸسٸم بەرەدٸ نەمەسە كەلٸسٸم بەرمەيدٸ», - دەدٸ مەملەكەت باسشىسى.
وسىعان وراي قاسىم-جومارت توقاەۆ پرەزيدەنتكە وبلىستاردىڭ, رەسپۋبليكالىق ماڭىزى بار قالالاردىڭ ەكٸمٸ لاۋازىمىنا بالاما نەگٸزدە كەمٸندە ەكٸ كانديدات ۇسىنۋ قۇقىعىن رەگلامەنتتەيتٸن زاڭناماعا ٶزگەرتۋلەر ەنگٸزۋ قاجەتتٸگٸن ايتتى.
«وسىلايشا, پرەزيدەنت مەسليحاتتاردىڭ قاراۋ نەتيجەسٸن ەسكەرە وتىرىپ, وبلىستاردىڭ جەنە رەسپۋبليكالىق ماڭىزى بار قالالاردىڭ ەكٸمدەرٸن تاعايىندايتىن بولادى. تٷپتەپ كەلگەندە ٶڭٸرلەردٸڭ باسشىلارىن جاناما سايلاۋ تۋرالى سٶز بولىپ وتىر. سونىمەن قاتار مەملەكەت باسشىسىندا ٶڭٸر باسشىلارىن مەسليحاتپەن كەڭەسپەي جۇمىستان بوساتۋ قۇقىعى ساقتالادى», - دەدٸ قاسىم-جومارت توقاەۆ.
