نيۋ-يورك قالاسىنىڭ باسشىلىعى كوروناۆيرۋستىڭ تارالۋىنا جول بەرمەۋگە بارلىق كٷشٸن جۇمىلدىرۋدا, دەپ حابارلايدى CNN.
نيۋ-يورك قالاسىنىڭ 11 تۇرعىنىنان كوروناۆيرۋستىڭ جاڭا تٷرٸ انىقتالعان. شتات ٷكٸمەتٸ ٸندەتكە شالدىققاندارمەن بايلانىستا بولعان 1000-عا جۋىق ادامعا ٷيدەگٸ كارانتيندە وتىرۋعا كەڭەس بەردٸ.
سونداي-اق, نيۋ-يورك ماڭىندا ورنالاسقان ماۋنت-ۆەرنونداعى بارلىق مەكتەپتەر 9 ناۋرىزعا دەيٸن جابىلاتىنى تۋرالى حابارلاندى. قىزمەتكەرلەرٸنٸڭ بٸرٸنەن جاڭا كوروناۆيرۋس انىقتالعان Facebook كومپانيياسى سيەتلدەگٸ كەڭسەسٸن جاپتى.
بۇدان باسقا, بٷگٸن تەحاس جەنە نيۋ-دجەرسي شتاتتارىنىڭ بيلٸگٸ كوروناۆيرۋسقا شالدىعۋدىڭ بٸرٸنشٸ وقيعالارىنىڭ تٸركەلگەنٸن راستادى. تەحاستا ٸندەتكە شالدىققان ادام حيۋستون ماڭىنداعى فورت وكرۋگٸندە انىقتالدى. 70 جاستاعى ەر ادام بۇعان دەيٸن شەتەلگە بارىپ كەلگەن. قازٸرگٸ كەزدە ول اۋرۋحانادا جاتىر.
نيۋ-دجەرسيدە كوروناۆيرۋس 30 جاستاعى ەر ادامنان انىقتالعان. 3 ناۋرىز كٷنٸ ول بەرگەن وكرۋگٸندە اۋرۋحاناعا جاتقىزىلدى.
قۇراما شتاتتار جاڭا كوروناۆيرۋستى جۇقتىرۋدىڭ 158 وقيعاسى تۋرالى حابارلادى. سونىڭ ٸشٸندە 48 ادام شەتەلگە بارىپ كەلگەن سوڭ اۋىردى: ٷش ادام قىتايلىق ۋحانعا بارسا, 45 ادام جاپونييانىڭ Diamond Princess كرۋيزدٸك لاينەرٸنەن تٷسكەن. اۋرۋعا شالدىعۋدىڭ تاعى 110 وقيعاسى ەل اسپاعان ازاماتتاردان انىقتالدى.
