نيۋ-يوركتە ٷندٸ تەكتٸ بريتاندىق جازۋشى سالمان رۋشديگە شابۋىل جاسالدى. بۇل تۋرالى Bloomberg اگەنتتٸگٸ حابارلادى, دەپ جازادى Massaget.kz پورتالى.
حاباردا ايتىلعانداي, رۋشدي Chautauqua ينستيتۋتىندا دەرٸس وقۋى كەرەك بولعان. دەرٸس باستالار الدىندا ساحناعا بەلگٸسٸز بٸرەۋ جٷگٸرٸپ شىعىپ, رۋشديدٸ پىشاقتاي باستاعان. ول تۇتقىنعا الىندى. پوليتسييا كٷدٸكتٸنٸڭ 24 جاستاعى حادي ماتار ەكەنٸن, نيۋ-دجەرسي شتاتىنىڭ فەرۆيۋ قالاسىنان كەلگەنٸن انىقتادى.
دەرٸگەر زالدا جازۋشىعا العاشقى كٶمەك كٶرسەتكەن, سودان كەيٸن ونى تٸكۇشاقپەن اۋرۋحاناعا جەتكٸزگەن.
جاڭا اقپارات بويىنشا, رۋشديگە بٸرنەشە ساعات بويى وتا جاسالعان. جازۋشى جاساندى دەمالدىرۋ اپپاراتىنا قوسىلعان.
"جاڭالىق جاقسى ەمەس. سالمان بٸر كٶزٸنەن ايىرىلۋى مٷمكٸن, قولىنداعى جٷيكە تامىرلارى ٷزٸلٸپ, باۋىرى زاقىمدالعان", - دەدٸ ونىڭ كٸتاپ اگەنتٸ ەندريۋ ۋايلي.
شابۋىل كەزٸندە شارانىڭ مودەراتورى گەنري ريز دە باسىنان جەڭٸل جاراقات الدى.
پوليتسييا ٶلتٸرۋدٸڭ سەبەبٸن انىقتاۋ ٷشٸن فەدەرالدى تەرگەۋشٸلەرمەن جۇمىس ٸستەپ جاتقانىن ايتتى. ولار قانداي قارۋ قولدانىلعانىن سيپاتتامادى.
1980 جىلدارى ول "ٸبٸلٸس ٶلەڭدەرٸ" رومانىن جازعاننان كەيٸن شيٸت مۇسىلماندارىنىڭ قاھارىنا ۇشىرادى. يراننىڭ دٸني جەتەكشٸسٸ اياتوللا حومەيني سالمان رۋشديدٸ ٶلتٸرۋ تۋرالى پەتۋا شىعاردى.
رۋشدي ون جىلعا جۋىق جاسىرىنىپ جٷردٸ. روماننىڭ جاپون تٸلٸنە اۋدارعان حيتوشي يگاراشي 1991 جىلى ٶلتٸرٸلدٸ. 1998 جىلى يران ٷكٸمەتٸ پەتۋانى بۇدان بىلاي قولدامايتىنىن ايتتى, ال رۋشدي كەيٸنگٸ جىلدارى سالىستىرمالى تٷردە اشىق ٶمٸر سٷردٸ.
جازۋشى اقش ازاماتتىعىن 2016 جىلى العان.
ايتا كەتەيٸك, سەر احمەد سالمان رۋشدي (اعىلش. Ahmed Salman Rushdie, ۋردۋ أحمد سلمان) “تٷن ورتاسىنداعى بالالار” رومانى ٷشٸن 2008 جىلى “بۋكەر” سىيلىعىن يەلەنگەن. رىتسار-باكالاۆر. كورولدٸك ەدەبي قوعامنىڭ مٷشەسٸ. سىنشىلار اتالعان جازۋشىنى ماگييالىق رەاليزم ەدٸسٸن قولداناتىن قالامگەرلەر قاتارىنا جاتقىزادى.
سالمان رۋشدي 1947 جىلى 19 ماۋسىمدا بومبەيدە كاشميري تەكتەس مۇسىلمان وتباسىندا دٷنيەگە كەلدٸ. ونىڭ اتاسى ۋردۋ تٸلٸندە جازعان اقىن بولعان. 14 جاسىندا انگليياعا وقۋعا كەتٸپ, كەيٸننەن كينگ كوللەدجٸندە, كەمبريدج ۋنيۆەرسيتەتٸندە تاريحتى وقىدى. تەاتردا, سودان كەيٸن جۋرناليست رەتٸندە جۇمىس ٸستەدٸ. 1964 جىلى ۇلىبريتانييا ازاماتتىعىن الدى.
2004 جىلدان 2006 جىلعا دەيٸن ول اقش-تىڭ حالىقارالىق پەن ورتالىعىنىڭ پرەزيدەنتٸ بولدى.
2008 جىلدىڭ 10 شٸلدەسٸندە لوندوندا ينتەرنەتتەگٸ وقىرمانداردىڭ داۋىس بەرۋٸنٸڭ نەتيجەلەرٸ بويىنشا سالمان رۋشدي “بۋكەر” سىيلىعىنىڭ نوميناتتارى اراسىندا ٷزدٸك دەپ تانىلدى. ونىڭ بالالارىنا (رۋشديدٸڭ ٶزٸ رەسٸمگە قاتىسا المادى) بۋكەردٸڭ ارنايى سىيلىعى مەن 50 مىڭ فۋنت ستەرلينگ بەرٸلدٸ.
