2021 جىلعى 18 قازاندا نيۋ-يوركتٸڭ وڭتٷستٸك وكرۋگٸ بويىنشا اقش وكرۋگتٸك سوتىنىڭ سۋدياسى ەليسون دج. ناتان م.ابليازوۆ پەن ي.حراپۋنوۆ بەرگەن تٷرلٸ قارسىلىقتاردى قابىلداماي, «بتا بانكٸ» اق مەن الماتى قالاسى ەكٸمدٸگٸنٸڭ (بۇدان ەرٸ – بٸرلەسكەن تالاپكەرلەر) بٸرلەسكەن تالاپ-ارىزى بويىنشا باستالعان سوت قاراۋى كەزٸندە زاڭسىز ەرەكەتتەرٸ ٷشٸن ولارعا سانكتسييالار سالدى, دەپ حابارلايدى "ۇلت اقپارات" قازاقستان ەدٸلەت مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
سۋديا ناتاننىڭ شەشٸمٸندە سونىمەن قاتار ابليازوۆ پەن حراپۋنوۆقا سانكتسييالار سالعان اقش بٸتٸستٸرۋشٸ سوتىنىڭ بۇرىنعى بٸرنەشە قاۋلىلارى (2019 جىلعى 3 شٸلدە, 2019 جىلعى 15 شٸلدە, 2020 جىلعى 7 اقپان, 2020 جىلعى 19 مامىر جەنە 2020 جىلعى 3 قىركٷيەك) راستالدى.
بۇل شەشٸم سوتتىڭ الدىڭعى شەشٸمدەرٸمەن قاتار, ابليازوۆ, ۆيكتور حراپۋنوۆ جەنە ٸليياس حراپۋنوۆتىڭ بٸرلەسكەن تالاپكەرلەردٸڭ اقش-تا ونداعان ميلليون دوللاردى جىلىستاتقانى ٷشٸن ابليازوۆقا, حراپۋنوۆقا جەنە Triadou SPV SA جاساندى كومپانيياسىنا قويىلاتىن تالاپتارى ٷشٸن «ٷلكەن ماڭىزى بار» دەلەلدەمەلەردٸ تابۋىنا كەدەرگٸ كەلتٸرگەنٸن انىقتادى.
سوت جاۋاپكەرلەردٸڭ جاسىرعان جەنە قاساقانا جويعان دەلەلدەرٸ بولعاندىعىن, جالعان ايعاقتار بەرگەندٸگٸن, سوت بۇيرىقتارىن بۇزعاندىعىن جەنە سوت پروتسەسٸن «مىسىق-تىشقان ويىنى» رەتٸندە قابىلداعاندىقتارىن انىقتادى.
اتالعان شەشٸمدە ايتىلعان ناقتى زاڭسىزدىقتاردىڭ ٸشٸندە سوت مىنالاردى اتاپ ٶتتٸ:
- ابليازوۆ «سوتتىڭ ودان دەلەلدەمەلەر ۇسىنۋدى تالاپ ەتكەن قاۋلىسىن ورىندامادى»;
- «ابليازوۆ ٶزٸندە جوعارىدا اتالعان دەلەلدەردٸڭ جوق ەكەندٸگٸن مەلٸمدەدٸ, بٸراق بۇل مەلٸمدەمە ونىڭ ٶزٸنٸڭ انت بەرۋ ارقىلى بەرگەن ايعاقتارىنا قايشى كەلدٸ»;
- حراپۋنوۆتار «ەشقانداي سەبەپسٸز بٸر دە بٸر قارجىلىق ەسەپ بەرگەن جوق»;
- سوت «اقپاراتتى اشۋ تەرتٸبٸنٸڭ نەگٸزگٸ بۇزۋشىسى» دەپ اتاعان ٸليياس حراپۋنوۆ بٸرلەسكەن تالاپكەرلەر ٶزدەرٸنٸڭ بٸرلەسكەن تالاپ-ارىزىن بەرۋدەن ازعانا بۇرىن ٶزٸنٸڭ بارلىق حاتتارىن ٶشٸرٸپ تاستاپ, ونىڭ ورنىنا «جٷزدەگەن» شيفرلانعان ەلەكتروندىق پوشتا ادرەستەرٸن قولدانا باستادى, سودان كەيٸن ولاردىڭ ەشقايسىسىنا قول جەتكٸزە المايتىندىعى تۋرالى «ويعا قونبايتىن» مەلٸمدەمەلەر جاسادى;
- يلياس حراپۋنوۆ سونىمەن بٸرگە ٶزٸ ٷشٸنشٸ تۇلعالارعا جٸبەرگەن ەلەكتروندىق حاتتارىن مويىنداۋدان باس تارتتى جەنە «ونداعان نەمەسە جٷزدەگەن ميلليون دوللارلارعا قاتىستى قارجىلىق وپەراتسييالار تۋرالى ەشتەڭە بٸلمەيمٸن», دەپ مەلٸمدەدٸ;
- ابليازوۆ ٶزٸنٸڭ مەنشٸكتٸ كاپيتالى 20 ميلليارد اقش دوللارىنان اساتىنىن ايتىپ, بٸراق وعان وسى اقشانى تابۋعا جەنە باسقارۋعا جەردەمدەسكەن ادامداردى اتاي المايتىنىن مەلٸمدەدٸ;
زاڭسىز ەرەكەت تۋرالى وسى جەنە وسىعان ۇقساس تۇجىرىمداردىڭ نەگٸزٸندە سوت بٸرلەسكەن تالاپكەرلەردٸڭ پايداسىنا ابليازوۆتىڭ 140 115,16 اقش دوللارى مٶلشەرٸندە ايىپپۇل تٶلەۋ قاجەتتٸگٸ تۋرالى شەشٸم شىعاردى.
سوت ي.حراپۋنوۆقا قاتىستى سانكتسييانىڭ مٶلشەرٸن ونىڭ مٸنەز-قۇلقىنىڭ سالدارىنان بولعان شىعىندار تۋرالى بٸرلەسكەن تالاپكەرلەردەن قوسىمشا دەلەلدەر العاننان كەيٸن انىقتايدى.
سوت سونىمەن بٸرگە «ونىڭ شەشٸمٸنە كەز-كەلگەن اپەللياتسييا بەرٸلگەن جاعدايدا, بۇل ەرەكەت «شەشٸمدٸ ٶز ەركٸمەن ورىنداۋدان باس تارتۋ» رەتٸندە قابىلدانادى» دەپ قاۋلى ەتتٸ.
نيۋ-يورك ٸسٸ بٸرلەسكەن تالاپكەرلەر اتىنان بەس جىل بۇرىن م.ابليازوۆتىڭ جەنە ونىڭ سىبايلاستارىنىڭ ۇرلانعان اقشانى اقش-تا جىلىستاتقانى ٷشٸن ايىپتاۋى بويىنشا باستالعان.
بٷكٸل ەلەم بويىنشا سوتتار انىقتاعانداي, ابليازوۆ جالعان نەسيەلەر بەرۋ ارقىلى بتا بانكٸنەن ميللياردتاعان دوللار ۇرلادى – بۇل ٷشٸن ول قازاقستاندا سوتتالىپ, ۇلىبريتانييانىڭ سوتتارىندا ازاماتتىق جاۋاپكەرشٸلٸككە تارتىلدى.
اقش-تاعى سوت تالقىلاۋى بارىسىندا تالاپكەرلەر ابليازوۆ قىلمىستارىنىڭ قوسىمشا ەلەۋلٸ دەلەلدەرٸن جينادى, سونداي-اق وسى قىلمىستاردىڭ كٶپتەگەن كۋەلەرٸنٸڭ ايعاقتارىن قامتاماسىز ەتتٸ. قازٸرگٸ ۋاقىتتا اقش-تىڭ نيۋ-يوركتەگٸ القابيلەرٸنە قاتىستى سوت ٸسٸن 2022 جىلدىڭ اقپان ايىندا باستاۋ جوسپارلانۋدا.
