دانييار نۇرتازا. فوتو: جەكە مۇراعاتتان/تٷركٸستان گازەتٸ
نيۋ-يورك پوليتسيياسىندا ەل اراسىندا تانىلىپ ٷلگەرگەن بوكسشى ديماش نييازوۆتان بٶلەك تاعى بٸر قازاق ازاماتى جۇمىس ٸستەيدٸ. ول - الماتىلىق دانييار نۇرتازا. دانييار بٷگٸندە نيۋ-يورك قالالىق پوليتسييا دەپارتامەنتٸنٸڭ وفيتسەرٸ. ەر ادام تٷركٸستان باسىلىمىنا بەرگەن سۇقباتىندا الىپ مەملەكەتتە قاراپايىم جۇمىسشىدان پوليتسييا قىزمەتكەرٸنە دەيٸن قالاي ٶسكەنٸن ايتىپ بەردٸ.
دانيياردىڭ سٶزٸنشە, ول اقش-تا تۇرۋدى ارمانداماعان. بۇل ەلگە تەك ٸنٸسٸ ٷشٸن بارعان ەكەن.
"2002 جىلى مەكتەپ بٸتٸرگەن ٸنٸم كولۋمبييا ۋنيۆەرسيتەتٸندە وقىعىسى كەلدٸ. ماقتانعانىم ەمەس, بٸراق ٸنٸم – ٶتە تالانتتى جان, ماتەماتيكادان وليمپيادالارعا قاتىسىپ, جٷلدەلٸ ورىندار يەلەنگەن. وتباسىمىزبەن اقىلداسا كەلە, وقيمىن, تالپىنامىن دەگەن بالانى بەتٸنەن قاقپاي, كەرٸسٸنشە قولداۋ بٸلدٸرەيٸك دەپ شەشتٸك. ونىڭ ٷستٸنە, ونى بٶتەن ەلگە جالعىز جٸبەرگٸمٸز كەلمەدٸ. وعان قوسا, ٸنٸمنٸڭ وقۋ اقىسىن تٶلەۋدٸ ٶز مٸندەتٸم دەپ سانادىم. ول كەزدە مەن جيىرما جاستا بولاتىنمىن.
سٶيتٸپ, الماتىداعى جوعارى وقۋ ورىندارىنىڭ بٸرٸندە وقىپ جاتقان وقۋىمدى تاستاپ, وسىندا كەلٸپ, جۇمىس ٸستەدٸم. باستاپقىدا بەينەتاسپا ساتاتىن سالوندا جۇمىس ٸستەدٸم. قولىم قالت ەتكەن ۋاقىتتا اعىلشىن تٸلٸن ٷيرەتەتٸن وقۋلىقتار ارقىلى تٸل ٷيرەنٸپ, ويىمدى ەركٸن جەتكٸزەتٸن, ٶزگەلەردٸڭ ايتقانىن قالتقىسىز تٷسٸنەتٸن بولدىم.
سوسىن اۆتوكٶلٸكتٸ تۇراققا قويۋشى بولىپ جۇمىس ٸستەدٸم. كەيٸننەن داياشىلار جاقسى جالاقى الاتىنىن ەستٸپ, "باكۋ" مەيرامحاناسىنا جۇمىسقا تۇردىم. داياشى بولىپ جۇمىس ٸستەپ جٷرٸپ, جەرگٸلٸكتٸ ۋنيۆەرسيتەتتە تۋريزم ماماندىعى بويىنشا بٸلٸم الدىم.
ديپلوم العان سوڭ, Delta ەۋەكومپانيياسىنا كليەنتتەرگە قىزمەت كٶرسەتۋ بٶلٸمٸندە بەس جىل بويى ەڭبەك ەتتٸم. مۇندا جٷرٸپ كٶپ نەرسەنٸ, ەسٸرەسە ادامدارمەن قالاي تٸل تابىسۋ كەرەك ەكەنٸن ٷيرەندٸم", - دەپ ەڭگٸمەسٸن باستادى دانييار.
ول قازاقستانعا كٶلٸك ەكەلۋ ٸسٸمەن دە اينالىسقان. بۇل كٸشٸگٸرٸم بيزنەسٸ بٸرتە-بٸرتە ۇلعايىپ, ٷلكەن كەسٸپكە دە اينالعان. الايدا قازاقستان كەدەن وداعىنا كٸرگەننەن كەيٸن بۇل بيزنەستٸ بٸرجولا توقتاتقان.
"بۇل قانشا جەردەن تابىسى مول كەسٸپ بولسا دا, زاڭدى تٷردە جۇمىس ٸستەۋٸمە مٷمكٸندٸك بەرەتٸن ەرٸ جانىما جاقىن قىزمەتپەن اينالىسقىم كەلدٸ", - دەيدٸ ول.
سٶيتٸپ الماتىلىق ازامات بالا كٷنگٸ ارمانىن ورىنداۋ ٷشٸن ياعني پوليتسييا قىزمەتكەرٸ بولۋ ٷشٸن بۇل ٸستٸ شىنداپ قولعا الادى.
"كەسٸپكەرلٸكتەن قول ٷزگەن سوڭ, سول ارماندى ماقساتقا اينالدىراتىن كەز كەلگەنٸن تٷسٸنٸپ, پوليتسييا اكادەميياسىندا وقۋعا تٷسۋگە بەل بۋدىم. "اكادەميياعا وقۋعا تٷسۋ" دەپ ايتا سالۋ وڭاي, نەگٸزٸنەن سول اكادەميياعا قابىلدانۋ ٷشٸن ٶتە كٷردەلٸ بايقاۋدان ٶتۋٸڭ قاجەت. وندا بٸر ورىنعا 15 ادام تالاسادى. الدىمەن ەستە ساقتاۋ, بايقامپازدىق قابٸلەتٸن تەكسەرەتٸن تەستٸلەۋدەن ٶتٸپ, سوڭىندا پسيحولوگييالىق تەست تاپسىردىم. ەمتيحاننان جوعارى بالل العان سوڭ, فيزيكالىق ەمتيحاننان ٶتتٸم. بٸراز سالماقتان سول كەزدە ارىلدىم (كٷلٸپ).
نەگٸزٸ, ٷمٸتكەرلەردٸڭ باسىم كٶپشٸلٸگٸ پسيحولوگييالىق جەنە فيزيكالىق تەستٸلەۋدەن ٶتە الماي قينالىپ, اقىرىندا وقۋدان شىعىپ تىندى. نەگٸزٸ, بٸز, قازاقتار جان اياماي كٷرەسە بٸلگەن جاۋىنگەر, جىلقى مٸنەزدەس حالىقپىز عوي. سول مٸنەز, سول دالا ٶمٸرٸنٸڭ داعدىسى قيىن تاپسىرمالاردى ورىنداپ, قاۋٸپتٸ سىناقتاردان ٶتٸپ, تٷرلٸ قيىندىقتاردى ەڭسەرۋگە سەپتٸگٸن تيگٸزەدٸ.
سول سەبەپتٸ پوليتسييا قىزمەتكەرلەرٸ قاتارىنا قوسىلۋ ٷشٸن بارىمدى سالىپ, تىرىسىپ باقتىم. جالپى ايتقاندا, پوليتسييا دەپارتامەنتٸنە جۇمىسقا تۇرۋ ٷشٸن 4 جىل ۋاقىتىم كەتتٸ", - دەيدٸ دانييار.
بٷگٸندە دانيياردىڭ نيۋ-يورك قالالىق پوليتسييا دەپارتامەنتٸندە قىزمەت ەتٸپ جٷرگەنٸنە جەتٸ جىل بولعان. جۇمىس بابىندا ول نيۋ-يوركتەگٸ مەترودا تولعاعى قىسقان ەيەلدٸ بوساندىرىپ الۋعا دا كٶمەكتەسكەن.
ودان بٶلەك, دانييار ٶزٸ سەكٸلدٸ نيۋ-يورك پوليتسيياسىندا جۇمىس ٸستەيتٸن تاعى بٸر قازاق ديماش نييازوۆپەن ٷنەمٸ بايلانىستا ەكەنٸن ايتادى.
"ديماشپەن جۇمىس بارىسىندا بٸرنەشە رەت كەزدەسكەنبٸز. ودان بٶلەك, ونىڭ شارشى الاڭدا ٶتكٸزگەن بارلىق كەزدەسۋٸنە بارىپ, جانكٷيەر بولامىن. ارا-تۇرا وسىندا ٶتەتٸن ٸس-شارالاردا دا كەزدەسٸپ قالامىز, ٷنەمٸ بايلانىستامىز. مەن سەكٸلدٸ نيۋ-يورك پوليتسيياسىندا قىزمەت ەتەتٸندٸكتەن, ەرٸ ۇلتىمىز قازاق بولعاندىقتان ەكەۋٸمٸزگە ورتاق دٷنيە كٶپ ەكەنٸ ايتپاسا دا تٷسٸنٸكتٸ.
جالپى, مەن وسىنداعى قازاقستان ەلشٸلٸگٸ نەمەسە قازاقتار ۇيىمداستىراتىن ٸس-شارالاردان قالماۋعا تىرىسامىن. امەريكاعا كەلٸپ, ٶزگەرٸپ كەتكەن تٷگٸم جوق. ەلدەن جىراق جٷرسەم دە, كٸندٸك قانىم تامعان جەرمەن بايلانىسىم ٷزٸلگەن جوق, ٷزٸلمەيدٸ دە", - دەيدٸ دانييار نۇرتازا.
ەڭگٸمەلەسكەن - ەلييا تٸلەۋجانقىزى. ماقالانىڭ تولىق نۇسقاسىن تٷركٸستان گازەتٸنٸڭ سايتىنان مىنا سٸلتەمە ارقىلى وقي الاسىز.
