نيۋ-يورك گۋبەرناتورىن ۇياتتى قىلىق كٶرسەتتٸ دەپ وسىمەن ٷشٸنشٸ ەيەل ايىپتادى

نيۋ-يورك شتاتىنىڭ گۋبەرناتورى ەندريۋ كۋومونى ۇياتتى ەرەكەت جاساعانى ٷشٸن تاعى بٸر ەيەل ايىپتادى. بۇل تۋرالى The New York Times گازەتٸ حابارلادى.

باسىلىمنىڭ 33 جاستاعى اننا رۋحتىڭ سٶزٸن جازعان. ونداعى مەلٸمەتكە ساي, وقيعا 2019 جىلدىڭ قىركٷيەك ايىندا, ونىڭ دوستارىنىڭ ٷيلەنۋ تويىندا ورىن العان. بۇل تويدا كۋومو دا بولعان. ەيەلدٸڭ ايتۋىنشا, نيۋ-يورك گۋبەرناتورى ونىڭ قاسىنا كەلٸپ, بٸر-ەكٸ اۋىز سٶز ايتىپ, بەلٸنەن قۇشاقتاعان. ەيەلدٸڭ قارسىلىق تانىتقانىنىنا قاراماستان, كۋومو ونىڭ بەتٸنە قولىن قويىپ, ەرنٸنەن سٷيمەك بولدى. 

رۋح گۋبەرناتوردىڭ بۇل ەرەكەتٸنەن ٶزٸن ىڭعايسىز سەزٸنگەنٸن ايتقان. The New York Times-تٸڭ جازۋىنشا, كۋومونىڭ كەلٸسپەيتٸن قىلىق تانىتقانىن رۋحتىڭ سول كٷنٸ ٶز دوستارىنا جٸبەرگەن حابارلامالارى راستاپ وتىر. 

بۇعان دەيٸن كۋومونىڭ بۇرىن قاراماعىندا جۇمىس ٸستەگەن ەكٸ قىزمەتكەر شارلوتتا بەننەت پەن ليندسي بويلان باسشىسى قىرىنداعانىن جارييالادى. بەننەت كۋوموعا قاتىستى ايىبىن سەنبٸ كٷنٸ ايتسا, بويلان بۇل تۋرالى 2020 جىلدىڭ جەلتوقسانىندا ايتقان بولاتىن. گۋبەرناتور بولسا, ەكٸ وقيعاعا قاتىسىن جوققا شىعارىپ وتىر. 

بۇل نيۋ-يورك گۋبەرناتورىنىڭ قاتىسۋىمەن بولعان بٸرٸنشٸ جانجال ەمەس. بۇعان دەيٸن اقش-تىڭ فەدەرالدىق بيلٸگٸ مەن نيۋ-يوركتٸڭ برۋكلين اۋدانىنىڭ پروكۋراتۋراسى بىلتىر كٶكتەمدە جەنە جازدا قارتتار ٷيٸندە كوروناۆيرۋسقا شالدىعۋ سالدارىنان قايتىس بولعان ادامدار سانىن جاسىرۋ كٷدٸگٸنە ٸلٸنگەن كۋومو ەكٸمشٸلٸگٸنە قاتىستى تەرگەۋ امالدارىن باستاعان ەدٸ.