يزرايل ۋكرايناعا يراننىڭ "شاحيد-136" كاميكادزە-درونىن اتىپ قۇلاتۋعا كەرەكتٸ بارلاۋ مەلٸمەتتەرٸن بەرگەن. مۇنى جازعان The New York Times گازەتٸ ۋكراينانىڭ اتى اتالماعان شەنەۋنٸگٸنە سٷيەنگەن, دەپ حابارلايدى ازاتتىق.
شەنەۋنٸك باسىلىممەن ەڭگٸمە كەزٸندە يزرايل يران دروندارىن كٶزدەۋگە پايدالى مەلٸمەتتەر بەرگەنٸن ايتقان. يزرايل دە, ۋكراينا دا بۇل جٶنٸندە رەسمي اقپارات تاراتپاعان.
ٶتكەن اپتادا ۋكراينا بيلٸگٸ يزرايلدەن بايىرعى قارسىلاسى يران دروندارىن جوياتىن ەۋە قورعانىسى جٷيەسٸن سۇراعان. يزرايل قورعانىس مينيسترٸ بەنني گانتس باس تارتقانىمەن, ەۋە شابۋىلىن الدىنا الا ەسكەرتەتٸن قۇرال جەتكٸزۋگە ۋەدە بەرگەن.
بريتانييادا ورنالاسقان, "ادام قۇقىعىنا مونيتورينگ جاسايتىن سيرييا ورتالىعى" يزرايل 21 قازاندا سيريياعا سوققى جاساپ, يران دروندارى شىعاتىن تسەحتى جويعانىن حابارلاعان. الايدا مۇنى راستايتىن تەۋەلسٸز اقپارات جوق.
مەسكەۋ مەن تەگەران يراننىڭ رەسەيگە درون بەرگەنٸن جوققا شىعارىپ كەلەدٸ. بٸراق كەيٸنگٸ كەزدەرٸ رەسەي ەسكەرٸ ۋكراينادا قولدانىپ جٷرگەن "گەران-2" دروندارى شىن مەنٸندە يراننىڭ "شاحيد-136" دروندارى ەكەنٸ مەلٸم بولعان. رەسەي بۇل دروندارىمەن ۋكراينانىڭ ٸرٸ قالالارىنىڭ ازاماتتىق نىساندارىن اتقان.
ۇلىبريتانييا قورعانىس مينيسترلٸگٸنٸڭ بارلاۋ قىزمەتٸ 24 قازاندا ۋكراينا كاميكادزە درونداردىڭ 85 پايىزىن اتىپ تٷسٸرٸپ جاتقانىن حابارلادى. ۋكراينا ەسكەري بارلاۋ قىزمەتٸنٸڭ باسشىسى كيريلل بۋدانوۆ "ۋكراينسكايا پراۆدا" گازەتٸنە بەرگەن سۇقباتىندا رەسەي دروندارىنىڭ 70 پايىزىن اتىپ تٷسٸرۋ مٷممٸكن بولىپ تۇرعانىن مەلٸمدەگەن. ونىڭ سٶزٸنشە, رەسەي يراننان 1700 درون الاتىن بولىپ كەلٸسكەن, ونىڭ 600-گە جۋىعى جەتكٸزٸلگەن, 300-گە جۋىعى قازٸردٸڭ ٶزٸندە قولدانىلعان.
