بٷگٸن مەجٸلٸستە قازاقستاندا تٸركەلگەن پارتييا ٶكٸلدەرٸنٸڭ كەزدەسۋٸ ٶتٸپ, وتىرىس بارىسىندا پالاتا تٶراعاسى نۇرلان نىعماتۋلين مەجٸلٸس جانىنان پارتيياارالىق كەڭەس قۇرۋدى ۇسىندى, دەپ حابارلايدى "ۇلت اقپارات".
مەجٸلٸستە ٶتكەن جيىنعا «Adal», «اق جول», «اۋىل» پارتييالارىنىڭ جەنە قازاقستان حالىق پارتيياسىنىڭ, «Nur Otan» جەنە جسدپ ٶكٸلدەرٸ جينالدى.
«ەرقايسىمىزدىڭ العا قويعان جوسپارلارىمىز, مٸندەتتەرٸمٸز, جۇمىس جاساۋ تەسٸلدەرٸمٸز ەرتٷرلٸ بولعانىمەن, ماقساتىمىز بٸر. ول – ەلباسىمىز نۇرسۇلتان ەبٸشۇلى نازارباەۆتىڭ, مەملەكەت باسشىسى قاسىم-جومارت كەمەلۇلى توقاەۆتىڭ ەلٸمٸزدٸ دامىتۋ باستامالارىن قولداپ, حالقىمىزدىڭ ٶمٸر ساپاسىن جاقسارتۋعا ىقپال ەتۋگە ٷلەس قوسۋ», - دەدٸ وتىرىستا نۇرلان نىعماتۋلين.
وسى جولدا مەجٸلٸس ەرقاشاندا قوعامدىق ۇيىمدارمەن, تەۋەلسٸز ساراپشىلارمەن, جۋرناليستەرمەن اشىق, قولجەتٸمدٸ جەنە جارييا جۇمىس ٸستەپ كەلە جاتقانىن العا تارتقان پالاتا سپيكەرٸ: «مەجٸلٸس جانىنان پارتيياارالىق كەڭەستٸ ۇيىمداستىرۋدى ۇسىنا وتىرىپ, بٸز, ەڭ الدىمەن, پارلامەنتتٸك جەنە پارلامەنتتٸك ەمەس پارتييالاردىڭ ديالوگىن كەڭەيتۋ ٷشٸن جاڭا مٷمكٸندٸكتەر اشقىمىز كەلەدٸ. وسى جاڭا پٸكٸرتالاس الاڭىندا ەزٸرلەنەتٸن تالقىلاۋلار, ۇسىنىستار, ۇسىنىمدار زاڭ شىعارۋ پروتسەسٸن ودان دا تيٸمدٸ ەتۋگە مٷمكٸندٸك بەرەدٸ دەپ ٷمٸتتەنەمٸز. جالپى, بٸزدٸڭ پارتيياارالىق كەڭەس اياسىنداعى ىنتىماقتاستىعىمىز ٶزەكتٸ مەسەلەلەردٸ شەشۋدٸڭ تاعى بٸر قۇرالى بولا الادى, - دەدٸ.
مەجٸلٸس سپيكەرٸنٸڭ پٸكٸرٸنشە, پارتيياارالىق كەڭەس كونسۋلتاتيۆتٸك-كەڭەسشٸ ورگان بولۋى تيٸس. سونىمەن قاتار, نۇرلان نىعماتۋلين دەپۋتاتتىق كورپۋستىڭ پارتييا ٶكٸلدەرٸنٸڭ قانداي دا بٸر زاڭ جوبالارى بويىنشا جۇمىس توپتارىنىڭ قۇرامىنا كٸرۋٸنە مٷددەلٸلٸگٸن بٸلدٸردٸ.
«سٸزدەردٸڭ يدەيالارىڭىز, ۇسىنىستارىڭىز ٸس جٷزٸندە جٷزەگە اسىرىلۋى كەرەك. بٸز بٸرلەسكەن جۇمىسقا دايىنبىز. مۇنداي ىنتىماقتاستىق پارلامەنتتٸك ەمەس پارتييالار ٷشٸن دە پايدالى بولادى دەپ ويلايمىن», - دەدٸ مەجٸلٸس سپيكەرٸ كەزدەسۋگە قاتىسۋشىلارعا ارناعان سٶزٸندە.
وتىرىس بارىسىندا «اۋىل» پاتريوتتىق پارتيياسى تٶراعانىڭ بٸرٸنشٸ ورىنباسارى ت. راحىمبەكوۆ, جالپىۇلتتىق سوتسيال-دەموكراتييالىق پارتييانىڭ تٶراعاسى ا. راحىمجانوۆ جەنە «Adal» پارتيياسىنىڭ حاتشىسى ە. جۇماعازيەۆ مەجٸلٸس تٶراعاسى ۇسىنعان باستامانى قولداپ, بۇل مەجٸلٸس جۇمىسىنداعى جاڭا بەتبۇرىس ەكەنٸن ايتتى.
سونىمەن قاتار, نۇرلان نىعماتۋلين ۇلتتىق قوعامدىق سەنٸم كەڭەسٸنٸڭ V وتىرىسىندا ەل پرەزيدەنتٸ قاسىم-جومارت توقاەۆتىڭ كٶتەرگەن تاپسىرمالارىنا, سونىڭ ٸشٸندە جاڭا زاڭ جوبالارىن ەزٸرلەۋگە قاتىستى مەسەلەلەرگە نازار اۋداردى.
- بٸز پارتيياارالىق كەڭەستٸڭ تۇراقتى جۇمىس ٸستەيتٸن جۇمىس الاڭىنا اينالۋىن قامتاماسىز ەتۋٸمٸز كەرەك. وندا ۇسىنىمدار ەزٸرلەنەدٸ, سودان كەيٸن ولار پارلامەنتتەگٸ زاڭنامالىق پروتسەستٸڭ بارلىق ساتىلارىندا پايدالانىلاتىن بولادى, - دەدٸ سٶزٸن قورىتىندىلاعان مەجٸلٸس تٶراعاسى.
