بٷگٸن مەجٸلٸس سپيكەرٸ نۇرلان نىعماتۋليننٸڭ تٶراعالىعىمەن پالاتا بيۋروسى ٶتٸپ, وندا الداعى جالپى وتىرىستىڭ كٷن تەرتٸبٸ ناقتىلاندى, دەپ حابارلايدى "ۇلت اقپارات" پارلامەنت مەجٸلٸسٸنٸڭ باسپاسٶز قىزمەتٸنە سٸلتەمە جاساپ.
بيۋرو وتىرىسىندا دەپۋتاتتار قاراۋىنا قازاقستان رەسپۋبليكاسىنداعى ادام قۇقىقتارى جٶنٸندەگٸ ۋەكٸل تۋرالى جەنە وعان ٸلەسپە زاڭ جوبالارى بٸرٸنشٸ وقىلىمدا ۇسىنىلادى. ادام قۇقىقتارى جٶنٸندەگٸ ۋەكٸل قىزمەتٸنٸڭ مەسەلەلەرٸ بويىنشا ەكٸمشٸلٸك قۇقىق بۇزۋشىلىق تۋرالى جەنە سالىق كودەكستەرٸنە ٶزگەرٸستەر مەن تولىقتىرۋلار ەنگٸزۋ كٶزدەلٸپ وتىر.
كٷن تەرتٸبٸنٸڭ جوباسىندا جانۋارلارعا جاۋاپكەرشٸلٸكپەن قاراۋ تۋرالى زاڭ جوباسىن بٸرٸنشٸ وقىلىمدا ٸلەسپە تٷزەتۋلەرٸمەن قاراۋ قاراستىرىلعان. سونداي-اق, بٸرٸنشٸ وقىلىمدا ەكٸمشٸلٸك قۇقىق بۇزۋشىلىق تۋرالى كودەكسكە جانۋارلارعا جاۋاپكەرشٸلٸكپەن قاراۋ مەسەلەلەرٸ بويىنشا تٷزەتۋلەر ەنگٸزۋ تۋرالى جوسپارلانعان.
وسى زاڭ جوباسىنىڭ نەگٸزگٸ مٸندەتتەرٸ - جانۋارلارعا قاراۋ كەزٸندە جالپى جەنە ارنايى تالاپتار بەلگٸلەۋ, جانۋارلاردى قاتىگەزدٸك تانىتۋدان, ازاپ پەن قىرىلۋدان قورعاۋ, جانۋارلاردى قاتىگەزدٸكپەن ٶلتٸرۋگە جول بەرمەۋ, قوعامنىڭ ادامگەرشٸلٸگٸ مەن ٸزگٸلٸگٸن نىعايتۋ, قاڭعىباس جانۋارلاردىڭ سانىن رەتتەۋ سالاسىنداعى اقپاراتتىڭ قاۋٸپسٸزدٸگٸن, اشىقتىعىن, ازاماتتاردىڭ ٶزگە دە قۇقىقتارى مەن زاڭدى مٷددەلەرٸن قامتاماسىز ەتۋ بولىپ تابىلادى.
سونىمەن قاتار, مەجٸلٸستٸڭ بەيٸندٸ كوميتەتتەرٸ الداعى جالپى وتىرىستا قازاقستان رەسپۋبليكاسىنىڭ حالىقارالىق شارتتارى تۋرالى زاڭ جوباسىن جەنە سالىق جەنە بيۋدجەتكە تٶلەنەتٸن باسقا دا مٸندەتتٸ تٶلەمدەر تۋرالى سالىق كودەكسٸن جۇمىسقا الادى.
