مەجٸلٸس تٶراعاسى نۇرلان نىعماتۋلين بٷكٸلقىتايلىق حالىق ٶكٸلدەرٸ جينالىسى تۇراقتى كوميتەتٸنٸڭ تٶراعاسى لي چجانشۋمەن بەينەكونفەرەنتسييا بايلانىسى ارقىلى كەزدەسۋ ٶتكٸزدٸ, دەپ حابارلايدى "ۇلت اقپارات".
پالاتا سپيكەرٸ قىتاي حالىق رەسپۋبليكاسى قازاقستاننىڭ ماڭىزدى ستراتەگييالىق ەرٸپتەسٸ, دوس جەنە تاتۋ كٶرشٸسٸ ەكەنٸن اتاپ ٶتٸپ, ەكٸ ەل اراسىندا ديپلوماتييالىق قاتىناستار ورناعان 29 جىل ٸشٸندە سەنٸمدٸ ساياسي ديالوگ, تەرەڭ ەكونوميكالىق بايلانىستار ورناپ, جان-جاقتى ىنتىماقتاستىقتىڭ بەلسەندٸ دامىعانىنا نازار اۋداردى.
كەزدەسۋ بارىسىندا نۇرلان نىعماتۋلين وسىنىڭ بارلىعى قوس مەملەكەت كٶشباسشىلارىنىڭ دوستىعى مەن سەنٸمدٸ قارىم-قاتىناسىنىڭ ارقاسىندا قول جەتكٸزگەن جەتٸستٸكتەر ەكەنٸنە توقتالىپ, ودان ەرٸ قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ مەملەكەتارالىق قاتىناستاردىڭ ستراتەگييالىق ەرٸپتەستٸك دەڭگەيٸنە جەتكٸزۋ جولىنداعى ماڭىزدى رٶلٸن اتاپ ٶتتٸ. سونداي-اق, مەجٸلٸس تٶراعاسى قازاقستاننىڭ قازٸرگٸ پرەزيدەنتٸ قاسىم-جومارت توقاەۆتىڭ قىتايمەن ىنتىماقتاستىققا ٷلكەن مەن بەرەتٸنٸن ايتتى.
ٶز كەزەگٸندە, مەرتەبەلٸ مەيمان قازاقستاننىڭ جاقىن دا شىنايى دوس مەملەكەت ەكەنٸن, سونداي-اق, ەلدەر اراسىنداعى جوعارى ديپلوماتييالىق جەنە ىنتىماقتاستىق بايلانىسقا كٶڭٸل بٶلدٸ. سونىمەن قاتار, لي چجانشۋ ٶتكەن جىل ەلدەر ٷشٸن كٷردەلٸ كەزەڭ بولعانىن اتاپ ٶتٸپ, ٸندەت ۋاقىتىندا قىتاي مەن قازاقستان اراسىندا كوروناۆيرۋسقا قارسى ٶزارا قولداۋ بەلسەندٸ جٷرگٸزٸلگەنٸن ايتتى.
بٷكٸلقىتايلىق حالىق ٶكٸلدەرٸ جينالىسى تۇراقتى كوميتەتٸنٸڭ تٶراعاسى قازاقستاننىڭ گٷلدەنۋٸنە نيەتتەس بولا وتىرىپ, مەملەكەت باسشىلارىنىڭ ەلدٸ دامىتۋ جولىنداعى ايرىقشا ەڭبەكتەرٸنە توقتالدى. سونداي-اق, الدا قويعان مٸندەتتەر مەن جوسپارلاردىڭ سەتتٸ ورىندالىپ, قازاقستاننىڭ تابىستى 30 مەملەكەت قاتارىنا قوسىلاتىنا سەنٸم بٸلدٸردٸ.
كەزدەسۋ بارىسىندا مەجٸلٸس تٶراعاسى كارانتيندٸك شارالارعا قاتىستى قازاقستان-قىتاي شەكاراسىنداعى ٶتكٸزۋ بەكەتتەر ارقىلى جٷكتەردٸ تاسىمالداۋدا قيىندىق ورىن العانىنا بايلانىستى اۆتوكٶلٸك جەنە تەمٸرجول قاتىناستارىنىڭ ٷزدٸكسٸز جۇمىسىن قالپىنا كەلتٸرۋ ٷشٸن قىتايدىڭ ٶتكٸزۋ بەكەتتەرٸندە, «ەكسپرەسس-دەلٸزدەر», «جاسىل دەلٸزدەر» جەنە جٷك تاسىمالىن ۇلعايتۋ ٷشٸن «تەمٸر كەرۋەن» قۇرۋ جٶنٸندەگٸ باستامانى ٸسكە اسىرۋدى جالعاستىرۋعا ەلٸمٸزدٸڭ دايىن ەكەنٸن جەتكٸزدٸ.
نۇرلان نىعماتۋليننٸڭ پٸكٸرٸنشە, بۇل پاندەمييا جاعدايىندا ەۋرازييا قۇرلىعىنداعى «قىتاي-ەۋروپا» باعىتى بويىنشا تەمٸرجول قاتىناسىن ودان ەرٸ دامىتۋ جولىمەن ٶڭٸرلٸك ەكونوميكالىق ينتەگراتسييا شەڭبەرٸندە قازاقستان-قىتاي ىنتىماقتاستىعىن نىعايتۋعا مٷمكٸندٸك بەرەدٸ.
سونىمەن قاتار, مەجٸلٸس تٶراعاسى كەزدەسۋدٸڭ قىتاي كوممۋنيستٸك پارتيياسىنىڭ 100 جىلدىعى قارساڭىنا سەيكەس كەلگەنٸن العا تارتىپ, دوستاس قىتاي ەلٸنە ٶركەنيەت پەن باق-بەرەكە تٸلەدٸ.
