بٷگٸن مەجٸلٸس سپيكەرٸ نۇرلان نىعماتۋليننٸڭ تٶراعالىعىمەن ٶتكەن جالپى وتىرىستا دەپۋتاتتار «كۆازيمەملەكەتتٸك سەكتوردىڭ جەكەلەگەن سۋبەكتٸلەرٸنٸڭ ساتىپ الۋى تۋرالى» زاڭ جوباسىن بٸرٸنشٸ وقىلىمدا ماقۇلدادى, دەپ حابارلايدى "ۇلت اقپارات".
نۇرلان نىعماتۋلين اتالعان زاڭ جوباسى ەلٸمٸزدٸڭ ەكونوميكاسى ٷشٸن ەرەكشە ماڭىزدى ەكەنٸن ايتا كەلە: «ەلباسىمىز نۇرسۇلتان ەبٸشۇلى نازارباەۆ ٶز باستاماسىمەن «سامۇرىق-قازىنا» ۇلتتىق قورىن قۇرعان كەزدە, وسىنداي كۆازيمەملەكەتتٸك سۋبەكتٸلەر جۇمىسىنىڭ اشىق جەنە تيٸمدٸ بولۋىنا باسا نازار اۋدارعان بولاتىن. مەملەكەت باسشىسى قاسىم-جومارت كەمەلۇلى توقاەۆ تا ٶزٸنٸڭ جولداۋىندا كۆازيمەملەكەتتٸك ساتىپ الۋلار مەسەلەسٸنە كٶڭٸل بٶلٸپ, ارنايى زاڭ دايىنداۋ تۋرالى تاپسىرما بەردٸ. وسىعان وراي, كۆازيمەملەكەتتٸك سەكتوردىڭ اشىق جەنە بەسەكەگە قابٸلەتٸن ارتتىراتىن جاڭا زاڭ جوباسى ەزٸرلەندٸ بۇل زاڭ جوباسىنا قاتىستى بٸرقاتار وتىرىستار, بٸرقاتار تالقىلاۋلار ٶتتٸ. كٶپتەگەن ۇسىنىستار, تٷزەتۋلەر دە ەنگٸزٸلدٸ», - دەدٸ.
مەجٸلٸس تٶراعاسىنىڭ پٸكٸرٸنشە, ەندٸ وسى سالاداعى بارلىق ساتىپ الۋلار بويىنشا باقىلاۋ جاسالادى. سونىمەن بٸرگە, وتاندىق ٶنٸمدەرٸمٸزدٸ قولداۋعا جول اشىلادى.
نۇرلان نىعماتۋليننٸڭ ايتۋىنشا, زاڭ قابىلدانعاننان كەيٸن جاعداي ٶزگەرۋٸ تيٸس. ٶيتكەنٸ, ونىڭ نورمالارى «سامۇرىق-قازىنا» قورىنىڭ, «بەيتەرەك», «قازاگرو» حولدينگتەرٸنٸڭ عانا ەمەس, سونداي-اق ساتىپ الۋدىڭ جالپى سوماسى جىل سايىن شامامەن 3,5 تريلليون تەڭگەنٸ قۇرايتىن 253 ۇلتتىق كومپانييا مەن ولاردىڭ ەنشٸلەس ۇيىمدارىنىڭ قىزمەتٸن رەتتەيتٸن بولادى. بۇل قازٸرگٸ ەلٸمٸزدٸڭ ەكونوميكالىق بەلسەندٸلٸگٸ قالپىنا كەلە باستاعان ۋاقىتتا ەرەكشە ماڭىزدى.
پالاتا سپيكەرٸ اتاپ ٶتكەندەي, كۆازيمەملەكەتتٸك سەكتورداعى ساتىپ الۋلاردىڭ اشىقتىعى مەن تيٸمدٸلٸگٸن ارتتىراتىن زاڭ جوباسى ساتىپ الۋلار ٷشٸن بەسەكەلٸك جاعدايلار جاساۋعا, سونداي-اق, وتاندىق ٶندٸرۋشٸلەردٸ قولداۋعا باعىتتالعان.
سونىمەن قاتار, زاڭ جوباسى قازاقستاندىق كەسٸپورىنداردىڭ ٶندٸرٸستٸك قۋاتىن بارىنشا ارتتىرىپ, جۇمىس ورىندارىن ساقتاپ عانا قويماي, جاڭا جۇمىس ورىندارىن قۇرۋعا مٷمكٸندٸك بەرەدٸ.
ايتا كەتۋ كەرەك, زاڭ جوباسى كۆازيمەملەكەتتٸك سەكتور, «اتامەكەن» ۇلتتىق كەسٸپكەرلەر پالاتاسى, ساراپتاما ۇيىمدارى جەنە قوعامدىق بٸرلەستٸكتەر ٶكٸلدەرٸنٸڭ قاتىسۋىمەن جان-جاقتى تالقىلانىپ, قارالدى.
