بٷگٸن مەجٸلٸستٸڭ جالپى وتىرىسىندا بالانىڭ قۇقىقتارىن قورعاۋ مەسەلەلەرٸنە قاتىستى دەپۋتاتتاردىڭ باستاماسىمەن ەزٸرلەنگەن زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى "ۇلت اقپارات".
وتىرىس بارىسىندا دەپۋتاتتار مەن مەملەكەتتٸك ورگان ٶكٸلدەرٸ بالالاردىڭ قۇقىقتارىن قورعاۋعا قاتىستى پٸكٸر الماسىپ, زاڭ جوباسىن جان-جاقتى تالقىلادى.
مەجٸلٸس تٶراعاسى نۇرلان نىعماتۋلين دەپۋتاتتاردىڭ باستاماسىمەن ەزٸرلەنگەن زاڭ جوباسىندا بالالاردىڭ تۇرعىن ٷي جەنە وتباسىلىق جاعدايدا مٷددەلەرٸن قورعاۋعا, قاداعالاۋسىز جەنە پاناسىز قالۋدىڭ الدىن الۋ مەسەلەلەرٸ قاراستىرىلعانىن اتاپ ٶتتٸ.
نۇرلان نىعماتۋليننٸڭ ايتۋىنشا, سونىڭ ٸشٸندە, بۋللينگ پەن كيبەربۋللينگ قوعامدا قاتتى الاڭداۋشىلىق تۋدىرىپ وتىر.
بالالاردى وسى قاۋٸپتەن قورعايتىن ناقتى نورمالار قاجەت.
مەلٸمەتكە جٷگٸنسەك, 18 جاسقا دەيٸنگٸ جاستار اراسىندا ٶتكەن جىلى 143 سۋيتسيد جەنە 306 ٶز-ٶزٸنە قول جۇمساۋعا ەرەكەت ەتۋ جاعدايى بولعان.
تەك جارتى جىلدىڭ ٸشٸندە 105 سۋيتسيد پەن 193 ٶزٸنە قول سۇعۋ ەرەكەتٸ بولعان.
- شىنىمەن بۋللينگ جەنە كيبەربۋللينگ دەگەن – ول ٶتە قاۋٸپتٸ نەرسە. ول بالالاردىڭ پسيحولوگيياسىن بۇزاتىن, سۋيتسيدكە الىپ باراتىن جول. سوندىقتان, جاڭا ايتىپ كەتكەندەي, بالالاردى, ەسٸرەسە, مەكتەپ بالالاردى, بۋللينگ جەنە كيبەربۋللينگتەن تولىقتاي قورعايتىن ناقتى نورمالار ەنگٸزۋٸمٸز كەرەك. وسىعان بايلانىستى, ەكٸنشٸ وقىلىمعا دەيٸن تيٸستٸ جۇمىس ٶتكٸزۋ قاجەت, - دەدٸ پالاتا سپيكەرٸ.
نۇرلان نىعماتۋليننٸڭ ايتۋىنشا, بۇل زاڭ جوباسى قازٸرگٸ قوعامعا قاجەتتٸ كٶپتەگەن مەسەلەلەردٸ, ەسٸرەسە, بالالاردىڭ قۇقىعىن قورعاۋ جولىنداعى پروبلەمالاردى شەشۋگە تيٸس.
پالاتا سپيكەرٸ اتاپ ٶتكەندەي, قازٸر بالالاردى قورعاۋ ٷشٸن وتباسىلىق قاتىناستار, بٸلٸم بەرۋ, دەنساۋلىق ساقتاۋ سالالارىندا قوسىمشا شارالار قاراستىرىلدى.
زاڭ جوباسىندا جازىلعان نورمالار, سونىڭ ٸشٸندە ينتەرنەتتە ازاماتتاردى, ەسٸرەسە, بالالاردى وسىنداي بۋللينگ جەنە كيبەربۋللينگ سيياقتى قۇبىلىستاردان قورعاۋ كەرەك.
بۇل نورمالار زامان تالابى ەكەنٸن ايتقان نۇرلان نىعماتۋلين وسى زاڭ جوباسى مەملەكەت باسشىسى قاسىم-جومارت كەمەلۇلى توقاەۆتىڭ ازاماتتاردى ينتەرنەت ارقىلى قىسىم كٶرسەتۋدەن زاڭ دەڭگەيٸندە قورعاۋ جٶنٸندەگٸ تاپسىرماسىن ورىنداۋعا باعىتتالعانىن .ايتتى.
سونىمەن قاتار, مەجٸلٸس تٶراعاسىنىڭ پٸكٸرٸنشە, بٸر عانا زاڭ جوباسىمەن بالالاردىڭ قۇقىقتارىن قورعاۋ سالاسىنداعى پروبلەمالاردى شەشۋ مٷمكٸن ەمەس.
- بۇل جەردە, ەرينە, جٷيەلٸ شارالار, كەشەندٸ تەسٸلدەر قاجەت. ول ٷشٸن, بارلىق مٷددەلٸ مەملەكەتتٸك ورگانداردىڭ, پەداگوگتار مەن اتا-انالار قاۋىمىنىڭ بٸرلەسكەن جۇمىسى قاجەت. ال, دەپۋتاتتىق كورپۋس ٶز تاراپىنان بالالاردىڭ قۇقىقتارىن قورعاۋ تەتٸگٸن جەتٸلدٸرۋ بويىنشا زاڭنامالىق جاعىنان قولداۋ كٶرسەتۋگە دايىن, - دەدٸ نۇرلان نىعماتۋلين.
ايتا كەتۋ كەرەك, زاڭ جوباسىمەن جۇمىس ٸستەۋ بارىسىندا بالالاردىڭ تۇرعىنجايعا قۇقىقتارىن قامتاماسىز ەتۋگە, سونداي-اق وتباسىلىق قاتىناستاردا بالانىڭ مٷددەلەرٸن قورعاۋعا جەنە ينتەرنەت جەلٸسٸندەگٸ قۇقىققا قارسى كونتەنتتٸڭ الدىن الۋعا ارنالعان بٸرقاتار نورمالار قاراستىرىلدى.
