اۋىر قىلمىستاردىڭ بارلىق تٷرلەرٸ ٷشٸن جازانى قاتايتۋ ازاماتتاردىڭ قۇقىعى مەن قاۋٸپسٸزدٸگٸن زاڭ جاعىنان قورعاۋعا مٷمكٸندٸك بەرەدٸ. بۇل تۋرالى پارلامەنت مەجٸلٸسٸنٸڭ تٶراعاسى نۇرلان نىعماتۋلين مەلٸم ەتتٸ, دەپ حابارلايدى "ۇلت اقپارات".
ايتا كەتەيٸك, بٷگٸن جالپى وتىرىستا پالاتا دەپۋتاتتارى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قىلمىستىق جەنە قىلمىستىق-پروتسەستٸك زاڭنامانى جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن تالقىلاپ, بٸرٸنشٸ وقىلىمدا ماقۇلدادى.
«بٷگٸن بٸرٸنشٸ وقىلىمدا ماقۇلدانعان ماڭىزدى زاڭ جوباسى ەڭ الدىمەن مەملەكەت باسشىسى قاسىم-جومارت توقاەۆتىڭ جولداۋدا ٷكٸمەتكە جەنە پارلامەنتكە بەرگەن تاپسىرمالارىن ورىنداۋدى قامتاماسىز ەتەتٸن بولادى. جوبادا ەسٸرتكٸ تاراتۋ, ادام ساۋداسى جەنە جەكە تۇلعاعا قارسى باسقا دا اۋىر قىلمىستار ٷشٸن جازانى قاتايتۋ قاراستىرىلعان. العاش رەت مال ۇرلىعىنا قاتىستى قىلمىستىق نورما ەنگٸزٸلدٸ. بٷگٸن جالپى وتىرىستا ايتىلعان اۋىر قىلمىستاردىڭ بارلىق تٷرلەرٸ ٷشٸن جازانى قاتايتۋ ەرەجەلەرٸ ازاماتتاردىڭ قۇقىعى مەن قاۋٸپسٸزدٸگٸن زاڭ جاعىنان قورعاۋعا مٷمكٸندٸك بەرەدٸ دەپ سەنەمٸز», - دەدٸ نۇرلان نىعماتۋلين.
ايتا كەتەيٸك, ۇرلىققا قاتىستى ەرەكەتتەر اۋىر قىلمىستار ساناتىنا كٶشەتٸنٸ مەلٸم بولدى.
بۇل تۇرعىدا مال ۇرلىعىنا ەرەكشە نازار اۋدارىلىپ وتىر.
سونىمەن قاتار, ينسپەكتوردى جەنە قورىقشىنىڭ ٶمٸرٸنە قاۋٸپ تٶندٸرٸپ, كٷش قولدانعانى ٷشٸن جاۋاپكەرشٸلٸك ەنگٸزۋ قاراستىرىلعان. وسىنداي قىلمىستار ٷشٸن جيىرما جىلعا دەيٸن باس بوستاندىعىنان ايىرىلماق.
زاڭ جوباسىندا پەدوفيلدەردٸ ٶمٸر بويى باس بوستاندىعىنان ايىرۋ ەسكەرٸلگەن.
ەكٸمشٸلٸك قۇقىق بۇزۋشىلىق كودەكسٸنە ماس كٷيٸندە كٶلٸك ايداعانى ٷشٸن 30 تەۋلٸككە دەيٸن ەكٸمشٸلٸك قاماۋ مەرزٸمٸ ۇزارتىلىپ, جٷرگٸزۋ قۇقىعىنان ايىرۋ مەرزٸمٸ سەگٸز جىلعا ۇلعايادى.
«ەكٸنشٸ وقىلىمعا دەيٸن اۋقىمدى جۇمىستاردى اتقارۋ قاجەتتٸ بار. وسى ورايدا مەملەكەت باسشىسىنىڭ تاپسىرمالارىن تولىقتاي جٷزەگە اسىرۋ نازارعا الىنادى», - دەدٸ مەجٸلٸس تٶراعاسى.
