ەلدٸڭ ٸشكٸ قۋاتىنا كٶپ نەرسە بايلانىستى. قر پرەزيدەنتٸنٸڭ جولداۋىنا وراي سەنات دەپۋتاتى نۇرتٶرە جٷسٸپ وسىنداي پٸكٸر بٸلدٸردٸ, دەپ حابارلايدى قازاقپارات.
«پرەزيدەنتتٸڭ بيىلعى جولداۋى تاريحي مەنگە يە. قاڭتار دٷربەلەڭٸنەن كەيٸن بٸر جاعى ٷرەي, بٸر جاعى ٷمٸت قۇشاعىندا قالعان جۇرتتىڭ ەڭسەسٸ كٶتەرٸلدٸ. ساناعا سٸلكٸنٸس ەكەلدٸ. سەنٸم وتى تۇتاندى. جولداۋدىڭ تٷيٸندٸ تۇسىندا پرەزيدەنت قاسىم-جومارت توقاەۆ: «بٸز ەر قادامىمىزدى سارالاپ, تاڭداعان جولىمىزبەن العا سەنٸمدٸ قادام باسامىز. بٸز جاڭا قازاقستاندا «تٷرلٸ كٶزقاراس, بٸراق بٸرتۇتاس ۇلت» قاعيداتىن بەرٸك ۇستانۋعا تيٸسپٸز. بٸر-بٸرٸمٸزدٸ جات كٶرمەي, جاقىن تارتىپ, قوعامدا ناقتى ٶزگەرٸستەرگە دەگەن سەنٸمدٸ ورنىقتىرامىز. جۇرتىمىزدىڭ كٷش-جٸگەرٸنە, دارىنى مەن ەڭبەكقورلىعىنا سٷيەنەمٸز. ەر ازاماتتىڭ ٶز قابٸلەتٸن ٸسكە اسىرۋىنا بارىنشا قولايلى جاعداي جاسايمىز. بٸز وسىلايشا عانا حالقىمىزدىڭ جاسامپازدىق ەلەۋەتٸن ارتتىرا الامىز. وسىلايشا عانا ٶمٸردٸڭ بارلىق سالاسىن ٶزگەرتٸپ, رەفورمالار دەۋٸرٸن ٶز قولىمىزبەن جاسايمىز. بٸز كەز كەلگەن سىن-قاتەردٸ بٸرگە ەڭسەرٸپ, قازاقستانىمىزدىڭ قۋاتىن بٸرگە ارتتىرامىز دەپ سەنەمٸن» دەدٸ. حالقىمىز مۇندايدا «جۇمىلا كٶتەرگەن جٷك جەڭٸل» دەيتٸن. شىن مەنٸندە حالىقتىڭ ٸشكٸ قۋاتىنا كٶپ نەرسە بايلانىستى. قازٸر قاۋٸپ-قاتەر جان-جاقتان تٶنگەن كەز. ەلەمدٸك ساياسات مىڭ قۇبىلىپ تۇر. رۋستٸڭ ەكٸ بالاسى بٸر-بٸرٸنە قانجار كەزەپ تۇر. ٸرگەدەگٸ الىپ مەملەكەتكە سالىنعان سانكتسييالار سالقىنى قازاقستانعا دا تيمەي قالمايتىن سيياقتى...تەڭگە تەڭسەلٸپ, ازىق-تٷلٸك قىمباتتاپ بارادى. الدا كٶكتەمگٸ جەر جىرتۋ, ەگٸن ەگۋ تەرٸزدٸ كەزەك كٷتتٸرمەس شارۋالار بار. مەملەكەتتٸڭ ازىق-تٷلٸك قاۋٸپسٸزدٸگٸن قامتاماسىز ەتۋ ٷكٸمەتتٸڭ الدىندا تۇرعان بٸرٸنشٸ كەزەكتەگٸ مٸندەت. «توق بالا اش بالامەن ويناماس» دەگەندەي, ەلدٸڭ توقتىعى, ەلەۋمەتتٸك جاعدايى كٷن تەرتٸبٸنەن تٷسپەۋٸ تيٸس», - دەدٸ سەناتور.
ونىڭ اتاپ ٶتۋٸنشە, مەملەكەت باسشىسى ٶز جولداۋىندا بارلىق مەسەلەنٸ اشىق ايتتى.
«بٸز ەدەتتە جىل سايىنعى جولداۋدان سوڭ جەلپٸلدەگەن جيىندارعا يەك ارتامىز. ونىڭ ارتى جالعان اقپار بەرۋگە, بولماعاندى بولدى, تولماعاندى تولدى دەۋگە ۇلاسادى. مەملەكەت باسشىسى ٶز جولداۋىندا بارلىق مەسەلەنٸ اشىق ايتتى. ناقتى ايتتى. بٸر ٸس بولسا دا بٸتكەنٸ جاقسى. «ەرتەڭ جاقسى بولادى, نەمەسە 2030-دا جاقسى ٶمٸر سٷرەمٸز» دەگەن بۇلدىر دا بۇلىڭعىر ٷمٸتپەن ٶمٸر سٷرۋگە بولمايدى. وسى رەتتە پرەزيدەنت «مەن ازاماتتارىمىزدىڭ ەرتەڭ ەمەس, بٷگٸن باقىتتى ٶمٸر سٷرگەنٸن قالايمىن. ەڭ باستىسى – ەلٸمٸزدٸڭ ەگەمەندٸگٸ! شىن مەنٸندە, بٸز ٷشٸن قازاقستاننىڭ تەۋەلسٸزدٸگٸ بەرٸنەن قىمبات. وسى تۇراقسىز, قۇبىلمالى ەلەمدە قازاقستانىمىز بٸزدەن باسقا ەشكٸمگە كەرەك ەمەس. سوندىقتان ماعان ەلٸمنٸڭ اماندىعى مەن جەرٸمنٸڭ تۇتاستىعىنان اسقان ەشبٸر قۇندىلىق جوق» دەدٸ. وسى جولداۋ جارييالانعانعا دەيٸن ەل-جۇرت «ەندٸ نە بولار ەكەن, ەرتەڭٸمٸز قالاي بولادى, قانداي ساياسي ٶزگەرٸستەر جاسالادى?» دەپ كٷپتٸ كٶڭٸلدە بولدى», - دەدٸ ول.
نۇرتٶرە جٷسٸپ پرەزيدەنت جولداۋىندا ەلدٸ ەلەڭ ەتكٸزگەن كٶپتەگەن جاڭالىقتار بولعانىنا نازار اۋدارتادى.
«اباي, ۇلىتاۋ وبلىستارىنىڭ قۇرىلۋى, الماتى جەنە جەتٸسۋ وبلىستارىنىڭ ٸرگەسٸ اجىراپ, جاڭا اۋماقتىق-ەكٸمشٸلٸك قۇرىلىمعا اينالۋى حالىقتىڭ كٶكەيٸنەن شىقتى. قاپشاعاي قالاسىنا دٸنمۇحاممەد قوناەۆ ەسٸمٸن بەرۋ تۋرالى ۇسىنىس تا ٶتە ورىندى. مەملەكەت باسشىسى: «ماقساتقا جەتۋ ٷشٸن مەملەكەتتٸك اپپاراتتى جاڭارتۋ نەمەسە كادرلىق اۋىس-تٷيٸس جاساۋ جەتكٸلٸكسٸز. ٶزگەرٸستٸ ەرقايسىمىز ٶزٸمٸزدەن باستاۋىمىز كەرەك. ەربٸر ادام جەنە بٷكٸل قوعام جاڭعىرۋى قاجەت. قۇندىلىقتارىمىز تٷبەگەيلٸ جاڭارۋعا تيٸس. مۇنىڭ بەرٸ – وڭاي جۇمىس ەمەس, بٸرتٸندەپ قالىپتاسىپ, جىلدار بويى جالعاساتىن ٷدەرٸس. بۇل جۇمىس بٸزدەن جوعارى جاۋاپكەرشٸلٸكتٸ, ەلٸمٸزگە جەنە بٸر-بٸرٸمٸزگە دەگەن جاناشىرلىقتى تالاپ ەتەدٸ. بٸزگە ەشكٸم سىرتتان كەلٸپ, ەشتەڭە جاساپ بەرمەيتٸنٸ انىق, بەرٸ ٶز قولىمىزدا. سوندىقتان بارشاڭىزدى جاڭا قازاقستاندى قۇرۋعا بٸر كٸسٸدەي جۇمىلۋعا شاقىرامىن. حالىقتىڭ قولداۋىمەن ماقساتىمىزعا جەتەمٸز دەپ سەنەمٸن» دەگەندە قوعامداعى ٶزگەرٸستەردٸ جاساۋدا جۇرتتىڭ جۇمىلا كٸرٸسۋٸ قاجەتتٸگٸن مەڭزەپ وتىر. ۇلت ۇستازى احمەت بايتۇرسىنۇلىنىڭ «جۇرت جۇمىسى – قۇمىرسقانىڭ يلەۋٸندەگٸ جۇمىسقا ۇقسايدى: قۇمىرسقاشا جابىلا تىنباي ٸستەسە ٶنەدٸ. ۇلتىن كەرەك قىلىپ, حالىققا قىزمەت قىلامىن دەگەن قازاق بالالارى قازاق جۇمىسىنا قولىنان كەلگەنشە قاراپ تۇرماي كٸرٸسٸپ ٸستەي بەرسە – ۇلت جۇمىسى ۇلعايىپ, تولىقپاقشى», - دەگەن اتالى سٶزٸ بار. بٸزگە دە تىنىمسىز تٸرلٸك, تۇراقتى بٸرلٸك قاجەت», - دەدٸ سەناتور.
سونىمەن قاتار ول پرەزيدەنت باستامالارى مەن ۇسىنىستارى ٶتە اۋقىمدى ەكەندٸگٸن دە باسا ايتتى.
«ەلٸمٸزدٸڭ ساياسي جٷيەسٸ مەن ەكٸمشٸلٸك-اۋماقتىق قۇرىلىمىندا بٸرقاتار ەلەۋلٸ ٶزگەرٸستەر بولادى. مەملەكەت باسشىسى ۇسىنعان شارالاردى جٷزەگە اسىرۋ ٷشٸن كونستيتۋتسييانىڭ 30-دان استام بابىنا ٶزگەرٸس ەنگٸزۋ قاجەت. سونداي-اق جىلدىڭ سوڭىنا دەيٸن تاعى 20-دان استام زاڭ قابىلداۋ كەرەك. پارلامەنت دەپۋتاتتارى وسى باعىتتا ايانباي جۇمىس ٸستەيدٸ دەگەن ويدامىن», - دەدٸ نۇرتٶرە جٷسٸپ.
