قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ تٶراعالىعىمەن قاۋٸپسٸزدٸك كەڭەسٸنٸڭ وتىرىسى ٶتتٸ, دەپ حابارلايدى "ۇلت اقپارات" ەلباسىنىڭ رەسمي سايتىنا سٸلتەمە جاساپ.
وتىرىستا ٶڭٸرلٸك قاۋٸپسٸزدٸكتٸڭ جاڭا جاعدايلارىندا ەكسترەميزم مەن تەرروريزم قاتەرلەرٸنە قارسى ٸس-قيمىل مەسەلەلەرٸ قارالدى.
قاۋٸپسٸزدٸك كەڭەسٸنٸڭ تٶراعاسى اۋعانستاندا بولىپ جاتقان وقيعالارعا بايلانىستى بۇل مەسەلەنٸڭ ٶزەكتٸلٸگٸ ارتا تٷسكەنٸن اتاپ ٶتتٸ.
نۇرسۇلتان نازارباەۆ اۋعانستانداعى جاعداي بٷگٸنگٸ تاڭدا ورتالىق ەۋرازييا كەڭٸستٸگٸندەگٸ ماڭىزدى ٶزگەرٸستەرگە تٷرتكٸ بولىپ, ۇزاق مەرزٸمدٸ سىن-قاتەرلەر تۋدىرىپ وتىرعانىن ايتتى. وسىعان وراي ٶڭٸرلٸك قاۋٸپسٸزدٸكتٸڭ قازٸرگٸ تەتٸكتەرٸن نىعايتىپ, جاڭا مەحانيزمدەر قالىپتاستىرۋ كەرەكتٸگٸنە توقتالدى.
قازاقستاننىڭ تۇڭعىش پرەزيدەنتٸ ەكسترەميزم مەن تەرروريزم كٶرٸنٸستەرٸنە قارسى جان-جاقتى دايىندىقتى قامتاماسىز ەتۋ كەرەكتٸگٸنە نازار اۋداردى.
– ٶڭٸرلٸك قاۋٸپسٸزدٸككە تٶنگەن جاڭا سىن-قاتەرلەر قورعانىس قابٸلەتٸن ودان ەرٸ كٷشەيتۋ شارالارىن تالاپ ەتٸپ وتىر. قازاقستان ارميياسى زاماناۋي وزىق ستاندارتتارعا ساي بولۋعا تيٸس. قارۋلى كٷشتەردٸڭ جاڭعىرۋىن, قورعانىس ٶنەركەسٸبٸ كەشەنٸنٸڭ دامۋىن ايقىندايتىن بارلىق بازالىق قۇجاتتار بەكٸتٸلدٸ. قازٸرگٸ تاڭدا ەڭ باستىسى – بٸز قابىلداعان شەشٸمدەردٸڭ بەرٸ دۇرىس ورىندالۋىن قامتاماسىز ەتۋ, – دەدٸ قاۋٸپسٸزدٸك كەڭەسٸنٸڭ تٶراعاسى.
سونداي-اق, ازاماتتاردىڭ قاۋٸپسٸزدٸگٸن ارتتىرۋ باعىتىندا قۇقىق قورعاۋ جٷيەسٸندە جٷزەگە اسىرىلىپ جاتقان ٷدەمەلٸ رەفورمالاردىڭ ماڭىزدىلىعى اتاپ ٶتٸلدٸ.
ەلباسى قوعامداعى تىنىشتىق پەن كەلٸسٸم مەملەكەتتٸڭ تۇراقتى دامۋىنىڭ نەگٸزٸ ەكەنٸنە توقتالىپ, ۇلتتىق رۋحاني كەڭٸستٸگٸمٸزدٸڭ قاۋٸپسٸزدٸگٸن قورعاۋ ماڭىزدى ەكەنٸن ايتتى.
قاۋٸپسٸزدٸك كەڭەسٸنٸڭ تٶراعاسى مەملەكەتتٸڭ تۇراقتىلىعىنىڭ قوعامدىق-ساياسي جەنە ەلەۋمەتتٸك-ەكونوميكالىق بٶلٸگٸن ٷنەمٸ باقىلاۋ قاجەت ەكەنٸن اتاپ ٶتتٸ.
– ازاماتتاردىڭ ناقتى كٸرٸسٸن ارتتىرۋ, ساپالى جۇمىس ورىندارىن اشۋ, شاعىن جەنە ورتا بيزنەستٸ دامىتۋ, ازىق-تٷلٸك قاۋٸپسٸزدٸگٸن قامتاماسىز ەتۋ, وسىنىڭ بەرٸنە ەكونوميكانىڭ ٶسٸمٸ ارقىلى قول جەتكٸزەمٸز. دەنساۋلىق ساقتاۋ مەن بٸلٸم بەرۋدٸ قولداۋ, ازاماتتاردىڭ ٶزەكتٸ مەسەلەلەرٸن شەشۋ ەردايىم مەملەكەتتٸك ورگانداردىڭ باستى نازارىندا بولۋعا تيٸس. مۇنىڭ بەرٸ – قازاقستاندىقتاردىڭ ەلەۋمەتتٸك ەل-اۋقاتى مەن سەنٸمدٸلٸگٸنٸڭ كەپٸلٸ. ەكسترەميزم مەن راديكاليزمنٸڭ ٶرٸستەۋٸنە جول بەرۋگە بولمايدى, – دەدٸ قازاقستاننىڭ تۇڭعىش پرەزيدەنتٸ.
جيىندا پرەمەر-مينيستردٸڭ ورىنباسارى – سىرتقى ٸستەر مينيسترٸ م.تٸلەۋبەردٸنٸڭ, ۇلتتىق قاۋٸپسٸزدٸك كوميتەتٸنٸڭ تٶراعاسى ك.مەسٸموۆتٸڭ, اقپارات جەنە قوعامدىق دامۋ مينيسترٸ ا.بالاەۆانىڭ باياندامالارى تىڭدالدى.
وتىرىس قورىتىندىسى بويىنشا نۇرسۇلتان نازارباەۆ ٶڭٸرلٸك قاۋٸپسٸزدٸك سالاسىنداعى ۇلتتىق مٷددەمٸزدٸ قورعاۋعا, ازاماتتاردىڭ قاۋٸپسٸزدٸگٸن قامتاماسىز ەتۋگە جەنە قوعامنىڭ ورنىقتى دامۋىنا باعىتتالعان بٸرقاتار ناقتى تاپسىرما بەردٸ.
