ساپار اياسىندا قازاقستان پرەزيدەنتٸ ٶڭٸردەگٸ بٸرقاتار ەلەۋمەتتٸك جەنە ٶنەركەسٸپتٸك نىسانداردى ارالاپ كٶردٸ. بۇل تۋرالى اقوردانىڭ باسپاسٶز قىزمەتٸ حابارلايدى.
ەلباسى «DaruZharygy» جشس وفتالمولوگييا ورتالىعىنا باردى, وندا جاڭا كلينيكانىڭ ەمحانالىق, دياگنوستيكالىق جەنە ستاتسيونارلىق بٶلٸمشەلەرٸن, لازەر ورتالىعى مەن وتا جاساۋ بٶلٸمٸن ارالاپ كٶردٸ, سونداي-اق كٶزگە وتا جاساۋعا ارنالعان زاماناۋي مەديتسينالىق قۇرال-جابدىقتارمەن تانىستى.
نۇرسۇلتان نازارباەۆ ٶڭٸر تۇرعىندارىنا شەت ەلدەرگە بارماي-اق, ەۋروپالىق دەڭگەيدەگٸ جوعارى مامانداندىرىلعان وفتالمولوگييالىق كٶمەك الۋعا مٷمكٸندٸك بەرەتٸن مۇنداي نىسانداردى ٸسكە قوسۋدىڭ ماڭىزدىلىعىن ايرىقشا اتاپ ٶتتٸ.
مەديتسينا قىزمەتكەرلەرٸ دەنساۋلىق ساقتاۋ سالاسىنا ٷنەمٸ كٶڭٸل بٶلٸپ, تيٸمدٸ ەلەۋمەتتٸك ساياسات جٷرگٸزٸپ جاتقانى ٷشٸن پرەزيدەنتكە العىس بٸلدٸردٸ.
سونىمەن قاتار, قازاقستان پرەزيدەنتٸنە استانا قالاسىندا سالىناتىن العاشقى مەديتسينالىق وڭالتۋ ورتالىعىنىڭ ماكەتٸ تانىستىرىلدى.
بۇدان كەيٸن مەملەكەت باسشىسى «ايالا» بالالاردى ساۋىقتىرۋ ورتالىعىنا باردى.
ەلباسى تسەرەبرالدٸ سال اۋرۋىمەن, اۋتيزممەن, نەيرو-ورتوپەدييالىق پاتولوگييامەن اۋىراتىن بالالارعا ارنالعان زاماناۋي تەحنولوگييالار مەن ستاندارتتارى بار ەلەۋمەتتٸك-پسيحولوگييالىق جەنە مەديتسينالىق وڭالتۋ باعدارلامالارىمەن تانىستى.
سونىمەن قاتار, نۇرسۇلتان نازارباەۆقا «باقىتتى بالا» وبلىستىق جوباسىنىڭ جٷزەگە اسىرىلۋ نەتيجەلەرٸ جٶنٸندە مەلٸمدەلدٸ. جوبا اياسىندا ەرەكشە مۇقتاج بالالار ٷشٸن ارنايى كوررەكتسييالىق بالاباقشا, پسيحولوگييالىق جەنە مەديتسينالىق-پەداگوگيكالىق كونسۋلتاتسييا بەرەتٸن ورىندار, «كٷنشۋاق» بالالاردى ساۋىقتىرۋ لاگەرٸ اشىلدى. اۋداندارداعى پسيحولوگييالىق-پەداگوگيكالىق كوررەكتسييا كابينەتتەرٸ جەنە اقتٶبە قالاسىنىڭ ورتا مەكتەپتەرٸندە ينكليۋزيۆتٸ بٸلٸم بەرۋ ٸسٸن دامىتۋ جٶنٸندەگٸ رەسۋرستى كابينەتتەر جاساقتالىپ, جۇمىس جٷرگٸزۋدە.
بۇدان ٶزگە, ەلباسى مەملەكەت-جەكەمەنشٸك سەرٸكتەستٸك اياسىندا سلوۆاكييا ينۆەستورلارىنىڭ قاتىسۋىمەن سالىنعان قالاداعى جاڭا مۇز سارايىنا باردى.
قازاقستان پرەزيدەنتٸ جاس حوككەيشٸلەردٸ جەنە بارشا اقتٶبەلٸكتەردٸ مۇز سارايىنىڭ اشىلۋىمەن قۇتتىقتاپ, شايباعا ەستەلٸك قولتاڭبا قالدىردى.
سونىمەن قاتار, ەلباسى مەملەكەت-جەكەمەنشٸك سەرٸكتەستٸك اياسىندا سالىنعان «ACE Tennis Center» سپورت كەشەنٸنٸڭ جۇمىسىمەن تانىسىپ, ٶڭٸرلەردە وسىنداي سپورت ينفراقۇرىلىمدارىنىڭ اشىلۋى سالاۋاتتى ٶمٸر سالتىن ناسيحاتتاۋعا جەنە ەلٸمٸزدە تەننيستٸڭ دامۋ دەڭگەيٸن ارتتىرۋعا مٷمكٸندٸك بەرەتٸنٸن اتاپ ٶتتٸ.
نۇرسۇلتان نازارباەۆ جاس سپورتشىلارمەن ەڭگٸمەلەسٸپ, تەننيس دوبىنا ەستەلٸك قولتاڭبا قالدىردى, سونداي-اق وسى ورتالىقتىڭ قوناق ٷي كەشەنٸ مەن باسقا دا ورىندارىن ارالاپ كٶردٸ.
بۇدان كەيٸن قازاقستان پرەزيدەنتٸ «اقتٶبە» يندۋسترييالىق ايماعىنا باردى. مەملەكەت باسشىسىنا يندۋسترييالىق ايماقتا ٸسكە اسىرىلىپ جاتقان جوبالار, سونداي-اق ٶنەركەسٸپ كەسٸپورىندارىن تسيفرلاندىرۋ جەنە تەحنولوگييالىق تۇرعىدان جاڭعىرتۋ, وبلىستىڭ اگروٶنەركەسٸپ كەشەنٸن دامىتۋ ٷشٸن اتقارىلعان جۇمىستار تۋرالى مەلٸمدەلدٸ.
اقتٶبە وبلىسىنىڭ ەكٸمٸ بەردٸبەك ساپارباەۆ ٶڭٸردٸڭ بيىلعى توعىز ايداعى ەلەۋمەتتٸك-ەكونوميكالىق دامۋىنىڭ نەگٸزگٸ نەتيجەلەرٸ جٶنٸندە باياندادى.
«ەسەپتٸ كەزەڭدە ەلەۋمەتتٸك-ەكونوميكالىق دامۋدىڭ بارلىق نەگٸزگٸ كٶرسەتكٸشتەرٸ بويىنشا ٶسۋ قارقىنى ساقتالىپ وتىر. ٶنەركەسٸپ ٶسٸمٸ – 105,7%. جالپى, قاڭتار-قىركٷيەك ايلارىندا ٶندٸرٸلگەن ٶنٸمنٸڭ قۇنى 1,3 ترلن تەڭگەدەن استى. اۋىل شارۋاشىلىعى ٶنٸمٸنٸڭ جالپى كٶلەمٸ 167,3 ملرد تەڭگەنٸ نەمەسە 104%-دى قۇرادى. وسى ايدا 85 مىڭ شارشى مەتر تۇرعىن ٷيدٸ پايدالانۋعا بەرۋ جوسپارلانىپ وتىر. بۇل بىلتىرعى وسى كەزەڭمەن سالىستىرعاندا 22,1%-عا ارتىق. بيىلعى 9 اي ٸشٸندە 318 ملرد تەڭگەدەن استام ينۆەستيتسييا تارتىلدى», — دەدٸ ب. ساپارباەۆ.
سونىمەن قاتار, ٶڭٸر باسشىسى نەگٸزگٸ مەملەكەتتٸك باعدارلامالاردىڭ, سونىڭ ٸشٸندە «بەس ەلەۋمەتتٸك باستامانىڭ» جٷزەگە اسىرىلۋ بارىسى جٶنٸندە ەسەپ بەردٸ.
باياندامانى تىڭداعان سوڭ, نۇرسۇلتان نازارباەۆ «قازاقستاندىقتاردىڭ ەل-اۋقاتىنىڭ ٶسۋٸ: تابىس پەن تۇرمىس ساپاسىن ارتتىرۋ» اتتى حالىققا ارنالعان جولداۋدى تيٸمدٸ ٸسكە اسىرۋدىڭ ماڭىزدىلىعىن اتاپ ٶتٸپ, وبلىستاعى ورتاشا جالاقىنى ٶسٸرۋ, جەرگٸلٸكتٸ ماڭىزى بار جولداردى جٶندەۋ جەنە ٶڭٸردٸڭ, ەسٸرەسە اقتٶبە قالاسىنىڭ ەكولوگييالىق احۋالىن جاقسارتۋ جٶنٸندە بٸرقاتار ناقتى تاپسىرما بەردٸ.
