ەلباسى سۇلتان ورازاليننٸڭ دٷنيەدەن ٶتۋٸنە بايلانىستى مارقۇمنىڭ وتباسى مەن تۋعان-تۋىستارىنا كٶڭٸل ايتۋ جەدەلحاتىن جولدادى, دەپ حابارلايدى "ۇلت اقپارات" elbasy.kz-كە سٸلتەمە جاساپ.
قازاقستاننىڭ تۇڭعىش پرەزيدەنتٸ بەلگٸلٸ جازۋشى, سىنشى, تەلەجۋرناليست, قازاقستاننىڭ ەڭبەك سٸڭٸرگەن قايراتكەرٸ سۇلتان ورازاليننٸڭ دٷنيەدەن ٶتۋٸنە بايلانىستى اۋىر قايعىعا ورتاقتاسىپ, كٶڭٸل ايتتى.
«سۇلتان شەرٸپۇلى بٷكٸل سانالى عۇمىرىن ەدەبيەت پەن مەدەنيەتكە, ەسٸرەسە قازاق تەلەۆيزيياسى مەن راديوسىنىڭ ٶركەندەۋٸنە ارنادى. سونىمەن قاتار ەگەمەندٸك جىلدارى بٸرقاتار جاۋاپتى مەملەكەتتٸك قىزمەتتەردٸ دە ابىرويمەن اتقارىپ, قالامگەرلٸك پەن قايراتكەرلٸكتٸڭ تٸزگٸنٸن تەڭ ۇستاعان تالانتتى تۇلعا, مايتالمان مامان بولاتىن. ونىڭ قوعامداعى كٶكەيكەستٸ مەسەلەلەردٸ ارقاۋ ەتٸپ, ەلەۋمەتتٸك استارىن اشا بٸلگەن ايشىقتى اۆتورلىق باعدارلامالارى مەن ەدەبي-مەدەني حابارلارى, تانىمدىق تەلەقويىلىمدارى, مازمۇندى كٸتاپتارى قاشاندا ٶز قۇندىلىعىن جوعالتپاسى انىق», – دەلٸنگەن جەدەلحاتتا.
ەلباسى شەبەر ۇيىمداستىرۋشى, سۇڭعىلا سۇحباتشى رەتٸندە كٶپشٸلٸكتٸڭ ىقىلاسىنا بٶلەنگەن ابزال ازاماتتىڭ عيبراتتى عۇمىرى مەن جارقىن بەينەسٸ جۇرتشىلىق جادىندا ەردايىم ساقتالاتىنىنا سەنٸم بٸلدٸردٸ.
