قازاقستاننىڭ تۇڭعىش پرەزيدەنتٸ رەسەي فەدەراتسيياسى ٷكٸمەتٸنٸڭ تٶراعاسى ميحايل ميشۋستينمەن كەزدەستٸ, دەپ حابارلايدى "ۇلت اقپارات" elbasy.kz-كە سٸلتەمە جاساپ.
كەزدەسۋدە نۇرسۇلتان نازارباەۆ ەكٸ مەملەكەت اراسىنداعى ىنتىماقتاستىقتىڭ جوعارى دەڭگەيٸن اتاپ ٶتتٸ.
– قازٸر بٸز كٷردەلٸ كەزەڭدٸ ٶتكەرٸپ جاتىرمىز. قازاقستان مەن رەسەي كوروناۆيرۋستىڭ تارالۋىنا جەنە ونىڭ ەكونوميكاعا تيگٸزەتٸن سالدارىنا بايلانىستى قيىندىقتى بٸرلەسە ەڭسەرۋدە. جۋىردا ۆلاديمير پۋتينمەن كەزدەسٸپ, ٶزارا كەڭەستٸك. جۇمىستى ەرٸ قاراي جالعاستىرامىز, – دەدٸ ەلباسى.
قازاقستاننىڭ تۇڭعىش پرەزيدەنتٸ ەكٸجاقتى قاتىناستاردى نىعايتۋ جەنە ەۋرازييا ەكونوميكالىق وداعى اياسىندا ٶڭٸرلٸك ىقپالداستىقتى ودان ەرٸ دامىتۋ مەسەلەلەرٸنە توقتالدى.
ميحايل ميشۋستين نۇرسۇلتان نازارباەۆقا قوناقجايلىعى ٷشٸن ريزاشىلىعىن بٸلدٸرٸپ, رەسەي فەدەراتسيياسى پرەزيدەنتٸنٸڭ جىلى لەبٸزٸن جەتكٸزدٸ.
رەسەي فەدەراتسيياسى ٷكٸمەتٸنٸڭ تٶراعاسى قازاقستانعا ساپارى اياسىندا جٷرگٸزگەن كەلٸسسٶزدەر مەن كەزدەسۋلەردٸڭ نەتيجەسٸ تۋرالى ايتىپ بەردٸ.
– بٸز ەكٸجاقتى كٷن تەرتٸبٸندەگٸ مەسەلەلەردٸ جان-جاقتى تالقىلادىق. وسى جىلدىڭ بٸرٸنشٸ جارتىسىندا ەكٸ ەل اراسىنداعى تاۋار اينالىمى 34 پايىزعا ٶسكەنٸن اتاپ ٶتكەن جٶن. بۇل كٶرسەتكٸش پاندەميياعا دەيٸنگٸ دەڭگەيدەن 20 پايىزعا ارتىق. جىل سوڭىنا دەيٸن 20 ميلليارد دوللاردان استام مەجەگە قول جەتكٸزگٸمٸز كەلٸپ وتىر, – دەدٸ ميشۋستين.
رەسەي فەدەراتسيياسى ٷكٸمەتٸنٸڭ تٶراعاسى قازاقستاندا تسيفرلاندىرۋ سالاسىندا قابىلدانعان شەشٸمدەرگە قاتىستى پٸكٸرٸن بٸلدٸردٸ. سونداي-اق كوروناۆيرۋس ينفەكتسيياسىنىڭ تارالۋىنا قارسى بٸرلەسكەن شارالاردى جٷزەگە اسىرۋ مەسەلەسٸنە توقتالدى.
– كەشە «ەلەكتروندى ٷكٸمەتكە» ارنالعان ورتالىقتى ارالادىم. جۇمىس ٶتە تيٸمدٸ ۇيىمداستىرىلعان. سٸزدەر ٷشٸن دە اشىق ەكەنٸمٸزدٸ ايتقىم كەلەدٸ, بٸزدٸڭ ەشقانداي قۇپييامىز جوق: رەسەي ٷكٸمەتٸنٸڭ ٷيلەستٸرۋ ورتالىعىندا اتقارىلعان جۇمىستى ەردايىم كٶرسەتٸپ جٷرمٸز. بٸراق سٸزدەردٸڭ سوڭعى زاماناۋي جاڭالىقتاردى جىلدام ەنگٸزٸپ جاتقاندارىڭىز مەنٸ تاڭ قالدىردى. كوروناۆيرۋسقا كەلەر بولساق, بٸز بۇل قاتەرلٸ ۆيرۋسقا قارسى كٷرەستە قولدان كەلگەننٸڭ بەرٸن جاساپ جاتىرمىز. بٷگٸندە «Sputnik V» ۆاكتسيناسى قاراعاندى فارماتسەۆتيكالىق زاۋىتىندا جاسالادى. ونىڭ 5 ميلليون دوزادان استامى شىعارىلدى. بۇل – ٷلكەن جۇمىس. قورىتا ايتقاندا, بٸز باۋىرلاس تاتۋ كٶرشٸلٸك قاتىناستاردى جوعارى باعالايمىز. الداعى ۋاقىتتا دا ەكٸجاقتى ىنتىماقتاستىقتى, سونداي-اق ەۋرازييا ەكونوميكالىق وداعى اياسىنداعى قارىم-قاتىناستى جان-جاقتى دامىتقىمىز كەلەدٸ, – دەدٸ ميشۋستين.
