نۇرسۇلتان نازارباەۆ: قازاقستان قۇراماسى ەل نامىسىن ابىرويمەن قورعادى

«بارشا قازاقستان حالقىن ريو-دە-جانەيرودا ٶتكەن وليمپياداداعى جارقىن جەڭٸسپەن قۇتتىقتايمىن. بٸزدٸڭ ساڭلاق سپورتشىلارىمىز تٶرت جىلدا بٸر كەلەتٸن دٷبٸرلٸ دودادا ەل سەنٸمٸن ابىرويمەن قورعادى. بٸزدٸڭ ەنۇرانىمىزدىڭ «التىن كٷن اسپانى» دەپ باستالۋىنىڭ ٶزٸندٸك سيمۆولدىق مەنٸ بار. برازيلييا اسپانىندا كٶك بايراعىمىز ٷش مەرتە بارلىق مەملەكەتتەردەن بيٸك كٶتەرٸلٸپ, ەنۇرانىمىز ٷش رەت شىرقالدى», - دەدٸ مەملەكەت باسشىسى.

سونىمەن قاتار, ەلباسى سپورتشىلاردىڭ 17 مەدالگە يە بولعاندىعىن ەرەكشە اتاپ ٶتتٸ.

«تەۋەلسٸزدٸك تاريحىنىڭ التىنشى وليمپياداسىندا قازاق ەلٸ 17 مەدالگە يە بولدى. بۇل جاھاندىق جارىس بٸزدٸڭ تاريحىمىزداعى ەڭ ولجالىسى بولدى. بۇل سپورتشىلاردىڭ تەۋەلسٸزدٸگٸمٸزدٸڭ 25 جىلدىق مەرەيلٸ بەلەسٸنە قوسقان تولاستى تابىسى دەپ بٸلەمٸز. بٸزدٸڭ سپورتىمىز ەلەمدٸك بەسەكەگە قابٸلەتتٸ ەكەنٸن كٶرسەتتٸك», - دەپ تولىقتىردى ن.نازارباەۆ.

سونداي-اق, قر پرەزيدەنتٸ ريو وليمپياداسىنداعى جەتٸستٸكتەر جاسٶسپٸرٸمدەردٸڭ كٶپتەپ سپورتقا كەلۋٸنە سەبەپ بولاتىندىعىن جەتكٸزدٸ.

«ريو-دە-جانەيروداعى جارقىن جەڭٸستەر جاستاردىڭ جٸگەرٸن جانىپ, جاڭا بيٸكتەرگە جەتەلەپ, كٶپتەگەن جاسٶسپٸرٸمدەردٸڭ سپورتقا ىنتاسىن ارتتىرادى. ٶسكەلەڭ ۇرپاقتىڭ پاتريوتتىق سەزٸمٸن كٷشەيتٸپ, ميلليونداعان جاستىڭ سپورتقا قۇلشىنىسىن ارتتىردى دەپ بٸلەمٸن. اسقاق ارماندارعا بٸرگە ۇمتىلعان, تٸلەگٸ ورتاق, ماقساتى بٸر, حالقىمىزدىڭ ىنتىماعى مەن بٸرلٸگٸ ودان ەرٸ نىعايا تٷسسٸن», - دەپ تٷيٸندەدٸ ن.نازارباەۆ.

ايتا كەتەيٸك, تٶرتجىلدىقتىڭ باستى دوداسىندا ەلٸمٸزدٸڭ نامىسىن 26 سپورت تٷرٸنەن 104 سپورتشى قورعادى.

ريو-دە-جانەيرو قالاسىندا ٶتكەن وليمپيادا ويىندارىندا قازاقستان سپورتشىلارى 3 التىن, 5 كٷمٸس, 9 قولا مەدال ەنشٸلەدٸ. جالپى كوماندالىق ەسەپتە قازاق ەلٸ 22-شٸ ورىندى يەلەنٸپ, مەدال سانى جاعىنان رەكورد جاڭارتتى.

بۇعان دەيٸن ەلٸمٸز اتلانتادا - 11, سيدنەيدە - 7, افينىدا - 8, بەيجٸڭدە - 13, ال لوندون وليمپياداسىندا 13 مەدال ەنشٸلەگەن بولاتىن. ال وسى جولى ۇلتتىق قۇراما 17 جٷلدەنٸ جەڭٸپ الدى.

ريو-وليمپياداسىندا سپورتشىلارىمىز نيجات راحىموۆ, دانييار ەلەۋسٸنوۆ جەنە دميتريي بالاندين التىن السا, جازيرا جاپپارقۇل, ەلدوس سمەتوۆ, ۆاسيليي لەۆيت, ەدٸلبەك نييازىمبەتوۆ پەن گيۋزەل مانيۋروۆا كٷمٸس مەدالعا قول جەتكٸزدٸ. قولا جٷلدە العانداردىڭ قاتارىندا گالبادراح وتگونتسەتسەگ, فارحاد حاركي, كارينا گوريچەۆا, الەكساندر زايچيكوۆ, ولگا رىپاكوۆا, ەلميرا سىزدىقوۆا, ەكاتەرينا لاريونوۆا, يۆان دىچكو, داريعا شەكٸموۆا بار.