بٷگٸن اقوردادا ەلباسى نۇرسۇلتان نازارباەۆتىڭ قازاقستاننىڭ ەيەلدەر قاۋىمى ٶكٸلدەرٸمەن «كٶكتەم شۋاعى» اتتى كەزدەسۋٸ ٶتٸپ جاتىر, دەپ حابارلايدى قازاقپارات.
«قىمباتتى حانىمدار! جىل سايىن اقوردادا دەستٷرلٸ «كٶكتەم شۋاعى» دەل وسى كەزدە ٶتكٸزٸلەدٸ. ونى ٶزدەرٸڭٸز بٸلەسٸزدەر. الداعى كەلە جاتقان مەرەكە - ەيەلدەر كٷنٸ بارشاڭىزعا قۇتتى بولسىن! باق-بەرەكە, جاقسىلىق تٸلەيمٸن! بٷگٸن بٸزدٸڭ ورتامىزدا ەيەل ازاماتتارىنىڭ ەر سالادا قىزمەت ٸستەپ جٷرگەن ٶكٸلدەرٸ بار. كٶپ بالالى انالار, دەپۋتاتتار, عالىمدار, سوت, ديقان, كەسٸپكەر, ٶنەرتاپقىش, دەرٸگەر, ەنشٸ, جۋرناليست, اكتريسا, سپورتشى, جاۋىنگەرگە دەيٸن ارامىزدا وتىر», - دەدٸ كەزدەسۋدٸ اشقان ەلباسى.
مەملەكەت باسشىسى قازاقستان ەيەلدەرٸنٸڭ قوعامداعى رٶلٸنە ەر ۋاقىتتا نازار اۋدارىلىپ كەلە جاتقانىن باسا ايتتى.
«بٸز انانى, ەيەلدٸ ەر ۋاقىتتا قۇرمەتتەپ, جوعارى باعالاپ ٶتكەن حالىقپىز. باتىر انالارىمىز ەل باسىنا كٷن تٷسكەندە ەرلەرمەن بٸرگە قولىنا قارۋ الىپ, وتانىن قورعاعان. ەل ٷشٸن ەر-ازاماتتارمەن بٸرگە جاۋعا شاپقان باياعىدان كەلە جاتقان, بٸزگە بەلگٸلٸ بوپاي حانىم, حيۋاز دوسپانوۆا, ەلييا, مەنشٷكتەر ٶشپەس ەرلٸكتەرٸمەن ەلدٸڭ ساناسىندا قالعانىن بەرٸمٸز بٸلەمٸز. قازاق ەيەلدەرٸنٸڭ اراسىندا زور قۇرمەتكە بٶلەنگەن ٷلكەن انالارىمىز دومالاق انا, ايشا بيبٸ, ايعانىم حانشا, زەرە ەجەلەرٸمٸز پاراساتتىڭ سيمۆولى بولىپ سانالادى. بٷگٸنگٸ قازاقستان ەيەلدەرٸ - سول پاراساتتى جالعاستىراتىن, جولىن جالعايتىن ٸزباسارلارى. "ەيەل - ٷيدٸڭ قازىعى" دەپ ەيەلٸن قۇرمەتتەگەن حالىقپىز. "قىز ٶسسە, ەلدٸڭ كٶركٸ" دەپ قىزىن قۇرمەتتەگەن حالىقپىز. ۇلى دالادا قيلى زاماننان كەلە جاتقان يگٸ دەستٷر قازٸر دە جالعاسۋدا», - دەدٸ نازارباەۆ.
ايتا كەتەيٸك, كەزدەسۋگە مەجٸلٸس دەپۋتاتى زاعيپا باليەۆا, عالىم-ميكروبيولوگ ەلييا ەرنازاروۆا, ۋنيۆەرسيادا-2017 چەمپيونى اننا شەۆچەنكو, قحا مٷشەسٸ, اۋىل مەكتەبٸنٸڭ ديرەكتورى يرينا سەدوۆا, «جاس اتامەكەن» جاس كەسٸپكەرلەر كلۋبىنىڭ پرەزيدەنتٸ زارينا كٶكجانوۆا, اقىن تولقىن قابىلشا, ەنشٸ مارييا گاليتسكايا, «تەڭٸزشەۆرويل» جشس ادام رەسۋرستارىن باسقارۋ باس مەنەدجەرٸ, اۋداندىق اۋرۋحانانىڭ باس دەرٸگەرٸ قارلىعاش رەزيەۆا, ۇلتتىق ەكونوميكا ۆيتسە-مينيسترٸ مەدينا ەبٸلقاسىموۆا, «استانا-بالەت» تەاترىنىڭ جەتەكشٸ بالەريناسى ميلانا بۋكانوۆا, كٶپبالالى انا وكسانا مۋكاشەۆا, قوبىزدان حالىقارالىق بايقاۋلاردىڭ لاۋرەاتى اقەركە تەجٸباەۆا, استانا قالالىق كەمەلەتكە جاسى تولماعاندار ٸسٸ جٶنٸندەگٸ مامانداندىرىلعان اۋدانارالىق سوتتىڭ تٶراعاسى نازيلييا راززاك, اباي اتىنداعى مەملەكەتتٸك اكادەمييالىق وپەرا جەنە بالەت تەاترىنىڭ سوليسٸ وكسانا داۆىدەنكو, قر قك پاراشيۋت دايىندىعى ورتالىعىنىڭ اعا مامانى ريمما رامازانوۆا, اكتريسا سالتانات باقاەۆا, جۋرناليست ۆەنەرا ميرلانقىزى قاتىسۋدا.
.jpeg)