«نۇر وتان» پارتيياسى وبلىستىق فيليالى تٶراعاسىنىڭ بٸرٸنشٸ ورىنباسارى عالياسقار سارىباەۆ جۇمىس ساپارىمەن اقسۋ اۋدانىندا بولىپ قايتتى. ٸسساپار بارىسىندا بٸرقاتار ەلەۋمەتتٸك نىساندى ارالاپ, اقسۋ قانت زاۋىتىنىڭ بٷگٸنگٸ تٸرشٸلٸگٸمەن تانىستى. سونىمەن بٸرگە اۋدان حالقىمەن جٷزدەسٸپ, ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىن تٷسٸندٸردٸ. بۇدان سوڭ جەرگٸلٸكتٸ تۇرعىندارمەن جەكە قوعامدىق قابىلداۋ ٶتكٸزٸپ, ٶتٸنٸش-تٸلەكتەرٸنە قۇلاق استى.
قانت زاۋىتىنداعى تٸرشٸلٸك
ٶڭٸردە جٷرٸپ جاتقان جۇمىستارمەن اقسۋ اۋدانىنىڭ ەكٸمٸ ەدٸلبەك دالباعاەۆ, اۋداندىق مەسليحات حاتشىسى بەيبٸت سٷلەيمەنوۆ جەنە اتالمىش پارتييانىڭ اۋداندىق فيليالى تٶراعاسىنىڭ بٸرٸنشٸ ورىنباسارى كٷلەيحان دەۋلەتبەكوۆا تانىستىردى. عالياسقار تٶلەندٸۇلى الدىمەن «اقسۋ قانت» جاۋاپكەرشٸلٸگٸ شەكتەۋلٸ سەرٸكتەستٸگٸنە باردى. كەسٸپورىنعا كٸرەبەرە تٸرشٸلٸك تامىرىنا قايتا قان جٷگٸرە باستاعانى بٸردەن اڭعارىلدى. ولاي دەۋگە نەگٸز بار. سەبەبٸ, جۇمىسشىلار بٸلەك سىبانا ٸسكە كٸرٸسٸپ, ٶزدەرٸنە جٷكتەلگەن مٸندەتتٸ مٸنسٸز اتقارۋدا. ەسكٸرگەن قۇرىلعىلار قايتا جٶندەۋدەن ٶتكٸزٸلٸپ, زاۋىتتىڭ مەرزٸمٸنەن كەشٸكتٸرٸلٸمەي ٸسكە قوسىلۋىنا دايىندىق قىزۋ جٷرٸپ جاتتى. باس ينجەنەر ۆلاديمير يۋشكوۆ كەسٸپورىندى ارالاتىپ, اتقارىلىپ جاتقان جۇمىستاردى كٶرسەتتٸ. مامىر ايىنان باستالعان جٶندەۋ جۇمىستارى كٷزگە دەيٸن جالعاسپاق. بۇل جەردە قازٸر جٷزدەن اسا ادام ەڭبەككە تارتىلعان. جاز ورتاسىندا ولاردىڭ سانى تاعى ٶسٸپ, قازان ايىندا جەتٸ جٷزگە جۋىقتاماق. ايتا كەتەيٸك, جٶندەۋ جٷرگٸزۋ ٷشٸن بيىل 8 ملرد. تەڭگە قاراجات قاراستىرىلىپتى, ال كەلەسٸ جىلى 5 ملرد. تەڭگە بٶلٸنبەك.
بالاباقشا بوي كٶتەرۋدە
كەلەسٸ كەزەكتە «نۇروتاندىقتار» مەملەكەتتٸك-جەكەمەنشٸك ەرٸپتەستٸك نەگٸزٸندە جاڭادان بوي كٶتەرٸپ جاتقان بالاباقشاعا كەلدٸ. جانسٷگٸروۆ اۋىلىندا سەۋٸر ايىنان بەرٸ قۇرىلىسى جٷرٸپ جاتقان اتالمىش نىسان قاراشادا پايدالانۋعا بەرٸلمەك. عيماراتتى «تۋعان جەرگە تۋىڭدى تٸك» اتتى اكتسيياسى اياسىندا «دانييار» شارۋا قوجالىعىنىڭ يەسٸ, اۋىل تۋماسى تالعات جۋانىشەۆ دەگەن ازامات ٶز قاراجاتى ەسەبٸنەن سالۋدا. الداعى ۋاقىتتا بۇل جەردە ٷش پەن التى جاس ارالىعىنداعى بٷلدٸرشٸندەر تەربيەلەنٸپ, جيىرماعا جۋىق ادام جۇمىسپەن قامتاماسىز ەتٸلەتٸن بولادى. كەسٸپكەردٸڭ ايتۋىنشا, ەلۋ ورىندى جاڭا باقشادا بالاعا قاجەتتٸ جاعدايدىڭ بەرٸ قاراستىرىلماق. سونداي-اق, بيىل اۋداندا تاعى ەلۋ ورىندى بالاباقشا اشۋ كٶزدەلگەن. بۇعان قوسا, قاراسۋ ورتا مەكتەبٸندەگٸ شاعىن ورتالىق جانىنان 13 ورىندى, ق. مۇقاشەۆ اتىنداعى نەگٸزگٸ ورتا مەكتەبٸ جانىنان 13 ورىندى قوسىمشا توپتار اشۋ جوسپارلانعان. مامانداردىڭ ايتۋىنشا, مۇنداي جاقسى ٷردٸستەر الداعى جىلداردا دا جالعاسپاق.
كەدەرگٸسٸز كەلەشەك
وبلىستىق فيليال تٶراعاسىنىڭ بٸرٸنشٸ ورىنباسارى اۋداندىق ورتالىق اۋرۋحانا مەن مولىقباي اتىنداعى مەدەنيەت ٷيٸنە دە باس سۇعىپ, «كەدەرگٸسٸز كەلەشەك» جوباسى اياسىندا عيماراتتاردىڭ كٸرەبەرٸس تۇسىندا ورناتىلعان پاندۋستارعا نازار اۋداردى. بۇل جەردەگٸ جۇمىس جايىن اتالمىش اۋرۋحانانىڭ باسشىسى اسقار بالتاباەۆ ايتىپ بەردٸ. باس دەرٸگەردٸڭ سٶزٸنە جٷگٸنسەك, اۋرۋحانا بٷگٸندە بارلىق تالاپقا ساي قىزمەت اتقارىپ جاتقان كٶرٸنەدٸ. قاجەتتٸ قۇرال-جابدىقتارمەن دە تولىق قامتاماسىز ەتٸلٸپتٸ. تۋۋ كٶرسەتكٸشٸ دە جامان ەمەس. مەسەلەن, بيىلدىڭ بەس ايىندا تٶرت جٷزگە جۋىق سەبي دٷنيەگە كەلٸپتٸ. دەسەك تە, بۇل سالا بويىنشا قازٸر اكۋشەر-گينەكولوگ, حيرۋرگ سيياقتى دەرٸگەر ماماندار جەتٸسپەيدٸ. سوعان قاراماستان, وسى باعىت بويىنشا اۋقىمدى جۇمىستار جٷرگٸزٸلٸپ, بىلتىر بٸرنەشە جاس مامان قىزمەتكە قابىلدانعان. ولارعا اۋدان تاراپىنان بارىنشا جاعداي جاسالىپ, باسپانامەن دە قامتاماسىز ەتٸلٸپتٸ. بيىل تاعى التى دەرٸگەر كەلمەك. وسىدان قىرىق جىل بۇرىن سالىنعان ٷش قاباتتى عيمارات اۋلاسى بٷگٸندە اباتتاندىرۋ مەن كٷردەلٸ جٶندەۋ جۇمىستارىن تالاپ ەتۋدە.
ەلباسى ماقالاسى تٷسٸندٸرٸلدٸ
بۇدان سوڭ اۋداندىق ەكٸمدٸكتە جيىن ٶتتٸ. وعان اۋداندىق مەسليحات دەپۋتاتتارى, اۋىلدىق وكرۋگ ەكٸمدەرٸ, ٶڭٸردەگٸ قوعامدىق جەنە ٷكٸمەتتٸك ەمەس ۇيىم ٶكٸلدەرٸ جەنە جاستار قاتىستى. جيىندا عالياسقار تٶلەندٸۇلى ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا كٶرسەتٸلگەن باعىتتاردى جەكە-جەكە تالقىلاپ, مەن-ماعىناسىن تٷسٸندٸردٸ. وسى جٶنٸندەگٸ ويىن ورتاعا سالىپ, تەۋەلسٸز مەملەكەتٸمٸزدٸڭ جيىرما بەس جىل ٸشٸندە قول جەتكٸزگەن تىڭ تابىستارى مەن اتالعان ماقالانىڭ تەۋەلسٸز مەملەكەتٸمٸزدٸڭ رۋحاني جاڭعىرۋىنىڭ باستاۋى ەكەندٸگٸن سٶز ەتتٸ. وسىعان وراي ەل ەكونوميكاسىن دامىتۋداعى جاڭا ٶزگەرٸستەرگە, عىلىم مەن بٸلٸم جەتٸستٸكتەرٸنە, سانا-سەزٸمدٸ قالىپتاستىرىپ, مەدەنيەتتٸ ٶركەندەتۋگە نازار اۋدارىپ, قازاق تٸلٸنٸڭ مەنٸن ارتتىرۋداعى لاتىن ەلٸپبيٸنە كٶشۋدٸڭ ماڭىزدىلىعىنا توقتالدى. جاستارمەن دە ەتەنە جاقىن جۇمىس ٸستەپ, ولاردى وتانسٷيگٸشتٸككە باۋلۋعا, جاڭا تەحنولوگييالاردى مەڭگەرتۋگە, سىبايلاس جەمقورلىقتىڭ الدىن الىپ, «ەكسپو –2017» كٶرمەسٸن تابىستى ٶتكٸزۋگە اتسالىسۋ قاجەتتٸگٸن اتاپ ٶتتٸ. وسىلايشا, ٶركەنيەتتٸ ەلدەردٸڭ قاتارىنا كٸرٸگۋ باعىتىندا بٸر جاعادان باس, بٸر جەڭنەن قول شىعارا بٸرلەسە ەڭبەك ەتۋگە ٷندەپ, جينالعاندار تاراپىنان قويىلعان سۇراقتارعا جاۋاپ قايتاردى. كەلەسٸ كەزەكتە مٸنبەرگە كٶتەرٸلگەن اۋداندىق ارداگەرلەر كەڭەسٸنٸڭ تٶراعاسى, اۋداننىڭ قۇرمەتتٸ ازاماتى امانكەلدٸ ايتباەۆ, ە. سيقىمباەۆ اتىنداعى ورتا مەكتەپ ديرەكتورى, وبلىستىق مەسليحات دەپۋتاتى راحات يبرايموۆا, اۋداندىق مەدەنيەت ٷيٸنٸڭ ديرەكتورى, اۋداندىق مەسليحات دەپۋتاتى اسحات دوسمۇحامبەتوۆ ماقالاعا بايلانىستى ويلارىن ورتاعا تاستاپ, كٶپشٸلٸكپەن بٶلٸستٸ.
قوعامدىق قابىلداۋ
كەلەسٸ كەزەكتە اتالمىش پارتييانىڭ اۋداندىق فيليالى عيماراتىندا قوعامدىق قابىلداۋ ٶتٸپ, ازاماتتاردىڭ ٶتٸنٸش-تٸلەكتەرٸ تىڭدالدى. مەسەلەن, اقسۋباي ەلياسقارۇلى ەگٸنسۋ اۋىلى جاستارىنىڭ بٸر مەزگٸل باس قوسىپ, بوي سەرگٸتەتٸن ورىندارىنىڭ جوقتىعىنا بايلانىستى مەدەنيەت ٷيٸ عيماراتىنىڭ قاجەت ەكەنٸن ايتسا, قاپال اۋىلىنىڭ تۇرعىنى سەرٸك قوجاتاەۆ قازٸرگٸ تاڭدا جاس مامانداردىڭ اۋىلعا كٶپتەپ كەلۋٸنە جەنە ولاردىڭ سول جەردە تۇراقتاپ, جۇمىس ٸستەۋٸ ٷشٸن باسپانا مەسەلەسٸنٸڭ كەدەرگٸ كەلتٸرٸپ وتىرعانىن العا تارتتى. ب. سىرتتانوۆ اۋىلىنان كەلگەن ماحاببات نۇرمۇحاماتقىزى دا ويىن جەتكٸزٸپ, اۋىل جولدارىن جاساۋعا قاراجات بٶلٸنسە دەگەن يگٸ تٸلەگٸن ايتتى. ٸسساپار سوڭىندا عالياسقار تٶلەندٸۇلى اۋداندا اتقارىلىپ جاتقان جۇمىستارعا وڭ كٶزقاراس تانىتىپ, باعا بەردٸ.
ايگٷل بايبوسىنوۆا
