«نۇرلى جول» بويىنشا ٶتٸنٸش قابىلداۋ باستالدى

«قازاقستان تۇرعىن ٷي-قۇرىلىس جيناق بانكٸنٸڭ» وبلىستىق بٶلٸمشەلەرٸندە 9 قاراشادان 8 جەلتوقسانعا دەيٸن «بەيتەرەك دەۆەلوپمەنت» جەلٸسٸ بويىنشا «نۇرلى جول» باعدارلاماسى اياسىندا تۇرعىن ٷي الۋعا ٶتٸنٸش قابىلداۋ باستالدى. بۇل تۋرالى اقپاراتتىق ورتالىقتا ٶتكەن باسپاسٶز مەليحاتىندا «قازاقستان تۇرعىن ٷي-قۇرىلىس جيناق بانكٸ» اق باسقارما تٶراعاسىنىڭ ورىنباسارى قايرات التىنبەكوۆ مەلٸم ەتتٸ. 

قازٸرگٸ تاڭدا ەلٸمٸزدە «نۇرلى جول» ينفراقۇرىلىمدىق دامىتۋدىڭ مەملەكەتتٸك باعدارلاماسى اياسىندا تۇرعىن ٷي قۇرىلىستارى سالىنىپ جاتىر. بۇل بٸرەگەي باعدارلامانىڭ ماقساتى – ازاماتتاردىڭ باسىمدىق بەرٸلگەن ساناتتارى مەن قالىڭ جۇرتشىلىق ٷشٸن قولجەتٸمدٸ تۇرعىن ٷي قۇرىلىسىنىڭ تۇراقتى ٶسۋ قارقىنىن قامتاماسىز ەتۋ. قۇرىلىستى قارجىلاندىرۋ كٶزٸنە بايلانىستى وسى باعدارلاما اياسىنداعى تۇرعىن ٷيلەردٸ ساتۋ ەكٸ نەگٸزگٸ باعىت – جەرگٸلٸكتٸ اتقارۋ ورگاندارى جەنە «بەيتەرەك» حولدينگٸنٸڭ ەنشٸلەسٸ «بەيتەرەك دەۆەلوپمەنت» ارقىلى جٷزەگە اسىرىلادى. 

– شىعىس ٶڭٸرٸندە 18 ملرد. تەڭگە قاراجاتىن جيناقتاپ وتىرعان 63 مىڭ بانك سالىمشىسى بار. بۇل - بٸز ٷشٸن ٷلكەن جاۋاپكەرشٸلٸك. سالىمشىلارىمىز ٶزدەرٸنٸڭ ەسەپشوتتارىن باسپانا مەسەلەسٸن شەشۋ ٷشٸن اشاتىندىقتان, ولارعا ارنالعان تيٸمدٸ ۇسىنىستار اۋقىمىن كەڭەيتۋگە بارىنشا تىرىسامىز. تيٸمدٸ شارتتار مەن باسپانا ساپاسىن الدىڭعى ورىنعا قويىپ, «نۇرلى جول» باعدارلاماسى بويىنشا 30 پايىزدىق باستاپقى جارنامەن نەسيە بەرەمٸز, - دەيدٸ «قازاقستان تۇرعىن ٷي-قۇرىلىس جيناق بانكٸ» باسقارما تٶراعاسىنىڭ ورىنباسارى قايرات التىنبەكوۆ.

اتالمىش بانك سالىمشىلارى بۇل باعدارلاما بويىنشا جىلىنا 5 پايىزدىق قولجەتٸمدٸ نەسيە ارقىلى قالاعان پەتەرٸن الا الادى. توعىز قاباتتى ٷي ٶسكەمەندەگٸ ق.سەتپاەۆ پەن ك.ماركس داڭعىلدارىنىڭ قيىلىسىنداعى «ايىمجان» كٶپپەتەرلٸ تۇرعىن ٷي كەشەنٸندە ورنالاسقان. «كۋرمىش ترەيد» جاۋاپكەرشٸلٸگٸ شەكتەۋلٸ سەرٸكتەستٸگٸ سالعان بۇل زەۋلٸم ٷي شارشى مەترٸنٸڭ قۇنى 152 663 تەڭگەدەن بولاتىن 2, 3 بٶلمەلٸ 159 پەتەردەن تۇرادى. 

ٶڭٸرٸمٸزدە بۇل مەملەكەتتٸك باعدارلامانى جٷزەگە اسىرۋ اياسىندا شىعىس قازاقستان وبلىسى ەكٸمدٸگٸ مەن «قازاقستان تۇرعىن ٷي-قۇرىلىس جيناق بانكٸ» اق اراسىندا ەرٸپتەستٸك جٶنٸندەگٸ مەموراندۋمعا قول قويىلدى. وسى ەكٸجاقتى كەلٸسٸم بويىنشا ٶڭٸرٸمٸزدە قۇنى 3 ملرد. تەڭگە بولاتىن جالپى اۋماعى 25 875 شارشى مەتردٸ قۇرايتىن 4 ٷي (373 پەتەر) سالىنادى دەپ جوسپارلانىپ وتىر.

ايجانات باقىتقىزى