تەۋەلسٸزدٸك كٷنٸ قارساڭىندا مەجٸلٸس تٶراعاسى نۇرلان نىعماتۋلين دەپۋتاتتارعا جەنە اپپارات قىزمەتكەرلەرٸنە پرەزيدەنت جارلىعىمەن بەرٸلگەن مەملەكەتتٸك ماراپاتتاردى تاپسىردى, دەپ حابارلايدى "ۇلت اقپارات".
نۇرلان نىعماتۋلين تەۋەلسٸزدٸك كٷنٸنٸڭ بارلىق قازاقستاندىقتار ٷشٸن ماڭىزدىلىعى, ەلٸمٸزدٸڭ وسى جىلدارداعى جەتٸستٸكتەرٸ تۋرالى ايتىپ:
- تۇڭعىش پرەزيدەنتٸمٸز, ەلباسى نۇرسۇلتان ەبٸشۇلى نازارباەۆتىڭ كەمەل ساياساتىنىڭ ارقاسىندا بٷكٸل ەلەمگە جەدەل دامۋشى ەل رەتٸندە تانىمال بولدىق. زامانعا ساي بٸلٸمدٸ, رۋحتى ۇرپاقتارىمىز ٶسٸپ كەلەدٸ, - دەدٸ.
سونداي-اق, پالاتا سپيكەرٸ قازاقستانىمىز دٷنيەجٷزٸنٸڭ ساياساتكەرلەرٸ, ٶركەنيەتتٸ ەل باسشىلارى, ەلەمدٸك قايراتكەرلەر باس قوساتىن سىيلى شاڭىراققا اينالعانىن, بٷگٸنگٸ كٷنٸ مەملەكەت باسشىسى قاسىم-جومارت كەمەلۇلى توقاەۆ وسى تولاعاي تابىستارىمىزدى ساقتاپ, ستراتەگييالىق دامۋ باعىتىن ودان ەرٸ جالعاستىرىپ جاتقانىنا نازار اۋداردى.
نۇرلان نىعماتۋلين دەپۋتاتتىق كورپۋستىڭ ەلٸمٸزدٸ ودان ەرٸ جاڭعىرتۋ بويىنشا ەلباسى مەن مەملەكەت باسشىسى قويعان بارلىق مٸندەتتەردٸڭ ورىندالۋىن زاڭنامالىق تۇرعىدان قامتاماسىز ەتۋ ٷشٸن قازٸرگٸ كٷردەلٸ جاعدايدا جۇمىستىڭ جاڭا نىساندارى مەن مەحانيزمدەرٸن ەنگٸزگەنٸن اتاپ ٶتتٸ.
مەملەكەتتٸك جەنە قوعامدىق قىزمەتٸ ٷشٸن, ەلٸمٸزدٸڭ ەلەۋمەتتٸك-ەكونوميكالىق جەنە مەدەني دامۋىنا, حالىقتار اراسىنداعى ىنتىماقتاستىق پەن دوستىقتى نىعايتۋعا قوسقان ەلەۋلٸ ٷلەسٸ ٷشٸن ٸٸٸ دەرەجەلٸ «بارىس» وردەنٸ مەجٸلٸس دەپۋتاتى ومارحان وكسيكباەۆقا بەرٸلسە, «پاراسات» وردەنٸ جەكسەنباي دٷيسەباەۆقا جەنە دانييا ەسپاەۆاعا تابىس ەتٸلدٸ. «قۇرمەت» وردەنٸ جامبىل احمەتبەكوۆ يە بولدى. ال, «ەرەن ەڭبەگٸ ٷشٸن» مەملەكەتتٸك مەدالٸ اپپارات قىزمەتكەرلەرٸ ناريمان ەلعوجينگە, بوتاگٶز بوتاباەۆاعا جەنە كلارا مەۋتەنباەۆاعا بەرٸلدٸ.
قازاقستان رەسپۋبليكاسىنىڭ قۇرمەت گراموتاسى اپپارات قىزمەتكەرلەرٸ ايتبەك ەلٸپوۆ, ايگەرٸم نۇرجانوۆا جەنە تاتيانا سىزدىقوۆاعا تابىستالدى.
سونىمەن قاتار مەجٸلٸس تٶراعاسى تمد پارلامەنتارالىق اسسامبلەياسىنىڭ «دوستىق» وردەنٸن باس پروكۋروردىڭ ورىنباسارى مارات احمەتجانوۆقا, تمد پارلامەنتارالىق اسسامبلەياسىنىڭ «پارلامەنتارالىق ىنتىماقتاستىقتى نىعايتۋ ٷشٸن» مەدالٸ ەدٸلەت مينيسترٸ مارات بەكەتاەۆقا جەنە مەجٸلٸس دەپۋتاتى سەرگەي زۆولسكييگە بەرٸلدٸ. تمد پارلامەنتارالىق اسسامبلەياسىنىڭ قۇرمەت گراموتالارىن ەبدٸماناپ بەكتۇرعانوۆ پەن مۇحتار ەرمان الدى.
ٸس-شارا بارىسىندا پالاتا سپيكەرٸ نۇرلان نىعماتۋلين زاڭ جوبالارىمەن تيٸمدٸ جۇمىس ٸستەۋ جەنە پارلامەنتارالىق بايلانىستاردى كەڭەيتۋ ٷشٸن مەملەكەتتٸك ورگاندار ٶكٸلدەرٸنٸڭ دەپۋتاتتىق كورپۋسپەن ٶزارا ٸس-قيمىلىنىڭ ماڭىزدىلىعىن اتاپ ٶتتٸ.
سونداي-اق, مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ اباي اتىنداعى ەدەبيەت پەن ٶنەر سالاسىنداعى مەملەكەت سىيلىعىنا مەجٸلٸس دەپۋتاتى ساۋىتبەك ابدراحمانوۆ «ابىز ەبٸش» زەرتتەۋٸ ٷشٸن يە بولدى.
