پارلامەنت مەجٸلٸسٸنٸڭ تٶراعاسى نۇرلان نىعماتۋلين پالاتانىڭ 2021 جىلعى جۇمىسىن قورىتىندىلادى, دەپ حابارلايدى قازاقپارات.
«بٷگٸن بٸز 2021 جىلدىڭ قورىتىندى جالپى وتىرىسىن ٶتكٸزٸپ وتىرمىز. سوندىقتان وسى جىلدىڭ جەنە جالپى ەكٸنشٸ سەسسييانىڭ كەيبٸر نەتيجەلەرٸنە توقتالماقپىن. ەرەكشە ايتۋ كەرەك, از ۋاقىت بۇرىن قازاقستان تەۋەلسٸزدٸگٸنە 30 جىل تولدى. وسى 30 جىلدىڭ ەربٸر بەلەسٸ بٸز ٷشٸن قايتالانباس تاريح. بۇل جولدا بٸزدٸڭ پارلامەنت ٶزٸنە جٷكتەلگەن جاۋاپكەرشٸلٸكتٸ ابىرويمەن اتقارىپ, ەلٸمٸزدٸڭ ساياسي-ەكوميكالىق, ەلەۋمەتتٸك, مەدەني دامۋىنىڭ زاڭنامالىق تٸرەگٸ بولىپ كەلەدٸ. بٸز قابىلداعان ەربٸر قۇجات, ەڭ الدىمەن, ەلٸمٸزدٸڭ ەكونوميكاسىن ارتتىرۋعا, حالىقتىڭ ەلەۋمەتتٸك جاعدايىن, سونىڭ ٸشٸندە ٶنەركەسٸپ, دەنساۋلىق, بٸلٸم سالالارىن جاقسارتۋعا ارنالىپ كەلەدٸ», - دەدٸ ن. نىعماتۋلين پالاتانىڭ جالپى وتىرىسىندا.
سونىمەن بٸرگە ول بيىل شاعىن جەنە ورتا بيزنەس, ەكولوگييا مەسەلەلەرٸنە دە ەرەكشە نازار اۋدارىلعانىن اتاپ ٶتتٸ.
«وسىنىڭ بارلىعى تۇڭعىش پرەزيدەنت-ەلباسى نۇرسۇلتان نازارباەۆتىڭ ستراتەگييالىق تاپسىرمالارىن جەنە مەملەكەت باسشىسى قاسىم-جومارت توقاەۆتىڭ باستامالارىن ساپالى زاڭدارمەن قامتاماسىز ەتۋگە باعىتتالىپ وتىر. الدىمىزدا ەلٸ دە كٶپتەگەن ماڭىزدى مٸندەتتەر تۇر. بٸز كەلەسٸ جىلى دا قالىپتاسقان تەجٸريبەنٸ, مٷمكٸندٸكتٸ پايدالانا وتىرىپ, ەلٸمٸزدەگٸ رەفورمالاردى جەنە ٶزگەرٸستەردٸ تيٸستٸ زاڭدارمەن قامتاماسىز ەتەمٸز دەپ سەنەمٸز», - دەدٸ مەجٸلٸس تٶراعاسى.
وسى ورايدا ول دەپۋتاتتارعا, مەجٸلٸس اپپاراتىنىڭ قىزمەتكەرلەرٸنە بٸرلەسكەن جۇمىستارى ٷشٸن العىس ايتتى.
2022 جىلى اۋقىمدى جۇمىس كٷتٸپ تۇرعانىنا توقتالعان ن. نىعماتۋلين, بارشا فراكتسييانىڭ, دەپۋتاتاردىڭ بٸرلەسكەن جۇمىسىنىڭ ارقاسىندا مەجٸلٸس ساپالى ەرٸ تيٸمدٸ زاڭنامالىق قولداۋدى قامتاماسىز ەتەتٸنٸنە سەنٸمدٸ ەكەنٸن ايتتى.
