اتىراۋ وبلىسىنىڭ ەكٸمٸ نۇرلان نوعاەۆ جەتٸ حان جاتقان سارايشىققا ٷيٸندٸ دەپ قاراۋعا بولمايتىنىن ايتتى. بۇل تۋرالى ايماق باسشىسىنىڭ "قازاقستان" ۇلتتىق ارناسىنداعى "باستى تاقىرىپ" باعدارلاماسىنا بەرگەن كەشەگٸ سۇحباتىندا بەلگٸلٸ بولدى.
سارايشىقتى ساقتاپ قالۋ مٷمكٸن بە دەگەن ساۋالعا وبلىس ەكٸمٸ ساقتاپ قالۋ قاجەت ەكەنٸن ايتىپ جاۋاپ بەردٸ.
– سارايشىقتا, بٸرەۋ بٸلەر, بٸرەۋ بٸلمەس, مامانداردىڭ ايتۋىنشا, قازاقتىڭ جەتٸ حانى جەرلەنگەن. ...بۇل نە ٷشٸن كەرەك بٸزگە? سٸز ايتقانداي بوسقا ۋاقىت ٶتكٸزٸپ جاتقان جوقپىز با? بۇل جاتقان توپىراق ٷيٸندٸلەرٸ عوي. سونى قازبالاي بەرٸپ نە قىلىمىز, قاراجات جۇمساپ نە قىلامىز دەگەندەي. بٸراق, حالىق ايتقانداي, ٶتكەندٸ بٸلمەي, بولاشاق بولمايدى. ...سارايشىقتى ساقتاۋ كەرەك, – دەدٸ ول.
ايتا كەتەلٸك, بىلتىر اتىراۋ وبلىسىنىڭ ەكٸمدٸگٸ 1,5 ميلليارد تەڭگە قاراستىرىپ, كٶنە شاھاردى شايىپ بارا جاتقان جايىق ٶزەنٸنٸڭ جاعاسىن بەكٸتۋدٸ باستادى. سونىمەن قاتار, مەدەنيەت جەنە سپورت مينيسترلٸگٸ ەجەلگٸ قالانى قالپىنا كەلتٸرۋ ٷشٸن تاعى 100 ميلليون تەڭگە بٶلەتٸنٸن مەلٸمدەدٸ. سارايشىق قالاسىن تۋريستٸك ورتالىققا اينالدىرۋ ٷشٸن كەسٸپكەرلەردٸ تارتۋ جوسپارلانىپ وتىر.
كٶنە شاھار اتىراۋ قالاسىنان 45 شاقىرىم جەردە جايىق ٶزەنٸنٸڭ جاعاسىندا ورنالاسقان. التىن وردانىڭ ساياسي, ەكونوميكالىق ورتالىقتارىنىڭ بٸرٸ بولعان قالا قاسىم حاننىڭ تۇسىندا قازاق حاندىعىنىڭ استاناسى اتاندى. جٸبەك جولىنىڭ بويىندا تۇرعان مۇندا 7 حان جەرلەنگەن. ولار: مٶڭكە, توقتاعۋ, جەنٸبەك, ەمٸر وقاس, قاسىم حان, شيح ماماي جەنە جٷسٸپ حاندار.
