«وتانداستار قورى» كوممەرتسييالىق ەمەس اكتسيونەرلٸك قوعامى اقپاراتتىق تالداۋ دەپارتامەنتٸنٸڭ ديرەكتورى نۇرحان جاليەۆ اۋعانستانداعى ەتنيكالىق قازاقتاردى ەلگە ەكەلۋ مەسەلەسٸ تۋرالى پٸكٸر بٸلدٸردٸ, دەپ حابارلايدى قازاقپارات.
«اۋعانستان قازاقتارىن كٶشٸرۋگە بايلانىستى ەل ٸشٸندە تٷرلٸ پٸكٸرلەر ايتىلىپ جاتىر. بٸرٸ جاقتاسا, بٸرٸ قارسى بولۋدا. جاقتاۋشىلارعا سالساڭىز, ونداعى قازاقتىڭ بەرٸن بٷگٸننەن قالدىرماي دەرەۋ كٶشٸرٸپ ەكەلۋ كەرەك. قارسى تاراپتىڭ ويىنشا, اۋعانستانداعى قازاقتار كەزٸندە تۋعان جەرٸن تاستاپ, تاريحي وتانىن ساتىپ كەتكەندەر. سوندىقتان ولاردى ەلٸمٸزگە مٷلدەم جولاتپاۋ كەرەك ەكەن. ەرينە, مەملەكەت باسشىسى ٶزٸ تاپسىرما بەرٸپ, قولداۋ كٶرسەتٸپ وتىرعاندا قيىن جاعدايداعا قالعان قانداستارعا قولداۋ كٶرسەتۋ ٶتە ورىندى», - دەيدٸ «وتانداستار قورىنىڭ» ٶكٸلٸ.
ونىڭ پايىمىنشا, نەگٸزٸنەن اۋعانستاننىڭ سولتٷستٸكتەگٸ پروۆينتسييالارىندا شاشىراي قونىستانعان ەتنيكالىق قازاقتاردىڭ بەرٸن كابۋلداعى قازاقستان ەلشٸلٸگٸنٸڭ ماڭايىنا جيناۋدىڭ ٶزٸ ٷلكەن مەسەلە.
«ولاردىڭ كابۋلعا دەيٸنگٸ جولداعى قاۋٸپسٸزدٸگٸن كٸم قامتاماسىز ەتەدٸ? سوندىقتان, قازٸرگٸ تاڭدا اۋعانستانداعى قازاقستان رەسپۋبليكاسىنىڭ ەلشٸلٸگٸندە قۇرىلىپ, ەلشٸنٸڭ تٶراعالىعىمەن جۇمىس ٸستەپ جاتقان ارنايى كوميسسييانىڭ جۇمىسىنا سەتتٸلٸك تٸلەيٸك. ول وڭاي جۇمىس ەمەس. ۋاقىتتى, مۇقيياتتىلىقتى, جاۋاپكەرشٸلكتٸ تالاپ ەتەدٸ. ۇلتىن انىقتاۋدا بٸرٸنشٸ باسىمدىق قازاق تٸلٸنە بەرٸلەدٸ. قازاق تٸلٸن بٸلٸپ تۇرعان ادامعا سۇراق ازداۋ بولارى سٶزسٸز. سوسىن, شىعۋ تەگٸن, ياعني رۋى مەن جەتٸ اتاسىن, اتا-بابالارىنىڭ تاريحىن بٸلۋ جاعىن دا ەسكەرگەنٸ ورىندى», - دەيدٸ ساراپشى.
سونداي-اق, ول اۋعانستانداعى قازاقتاردىڭ كٶبٸ ول ەلگە كوممۋنيستٸك جٷيەنٸڭ قىسىمىنا كٶنبەي, ۇلتىن, تٸلٸن, بولمىسىن ساقتاپ, بالالارىن امان الىپ قالۋ جەنە ٶزدەرٸ تٸرٸ قالۋ ٷشٸن اۋىپ بارعانىن ەسكە سالادى.
«اۋعان قازاقتارىنىڭ باسىم كٶپشٸلٸگٸ تەۋەلسٸزدٸك جىلدارىندا قازاقستانعا قونىس اۋداردى. 13 مىڭنان استام ادام كەلگەن بولاتىن. بٸراق, بەس ساۋساق بٸردەي ەمەس قوي. جاعدايى بولماي, ەرتٷرلٸ سەبەپتەرمەن قالىپ قويعاندار بار. ولار كٶپ ەمەس. وسى ورايدا اۋعان قازاقتارى دا تاريحي تاعدىرى ورتاق بٸرتۇتاس قازاق ۇلتىنىڭ اجىراماس بٶلٸگٸ ەكەنٸن ۇمىتپاۋىمىز ابزال. ەلەمنٸڭ قاي جەرٸندە بولسا دا, ەربٸر قازاقتىڭ تاريحي وتانى بار. تاريحي وتانىنان كەز كەلگەن قانداس باۋىرىمىز ٶزٸنە پانا جەنە قورعان تابا الادى. ول وتباسىنداعى ەكەنٸڭ مٸندەتٸ ٸسپەتتەس, وتاننىڭ مٸندەتٸ.
وسىندايدا ەلدٸگٸمٸزدٸ, بٸرلٸگٸمٸزدٸ, مىقتىلىعىمىزدى كٶرسەتپەگەندە قاشان جەنە كٸمگە كٶرسەتەمٸز?», - دەپ تٷيٸندەدٸ نۇرحان جاليەۆ.
