توكيو وليمپياداسىنىڭ قولا جٷلدەگەرٸ نۇريسلام ساناەۆقا ٶڭٸر باسشىسى وڭداسىن ورازالين پەتەر كٸلتٸن تابىس ەتتٸ, دەپ حابارلايدى "ۇلت اقپارات" ٶڭٸر باسشىسىنىڭ باسپاسٶز قىزمەتٸنە سٸلتەمە جاساپ.
وبلىس ەكٸمٸ وڭداسىن ورازالين بٷگٸن توكيودا ٶتكەن جازعى وليمپيادا ويىندارىنان ورالعان اقتٶبەلٸك سپورتشىلارمەن جەنە ولاردىڭ جاتتىقتىرۋشىلارىمەن كەزدەستٸ. وليمپيادانىڭ قولا جٷلدەگەرٸ نۇريسلام ساناەۆقا ەكٸ بٶلمەلٸ پەتەر كٸلتٸن سىيلادى. وليمپيادا ويىندارىنا قاتىسقان بالۋان مەيرامبەك ايناعۇلوۆقا, سۋدا جٷزۋشٸ ديانا نازاروۆاعا, سونىمەن قاتار, سپورتشىلاردىڭ جاتتىقتىرۋشىلارىنا ٶڭٸر باسشىسى باعالى سىيلىقتار تابىستادى.
«سٸزدەر - ەلٸمٸزدٸڭ ماقتانىشىسىزدار. جاس ۇرپاققا سالاۋاتتى ٶمٸر سالتى مەن سپورتتى دەرٸپتەۋدە ٷلگٸ بولا وتىرا باعا جەتپەس ٷلەس قوساسىزدار. ادال ەرٸ ايانباي كٷرەسكەندەرٸڭٸز ٷشٸن, باتىلدىقتارىڭىز بەن وتانسٷيگٸشتٸكتەرٸڭٸزگە شىن جٷرەكتەن العىس ايتامىن», - دەدٸ وڭداسىن ورازالين.
وليمپياداعا قاتىسۋشىلار وبلىس باسشىلىعىنا كەسٸبي سپورتتى قولداعانى ٷشٸن العىس ايتىپ, جوسپارلارىمەن بٶلٸستٸ.
«قولداعانى ٷشٸن حالقىما شەكسٸز ريزامىن. جەرلەستەرٸمنٸڭ قالاي قارسى العاندارىن كٶرٸپ, وليمپيادا جٷلدەگەرٸ بولعانىمدى انىق سەزٸندٸم. وتانداستارىمدى پاريجدە ٶتەتٸن وليمپيادادا التىن القامەن قۋانتۋ ٷشٸن بۇدان دا كٶپ دايىندالاتىن بولامىن», - دەدٸ نۇريسلام ساناەۆ.
ايتا كەتەيٸك, پالۋان يۋسۋپ باتىرمىرزاەۆ پەن كاراتەشٸ نۇرقانات ەجٸقانوۆ, سونىمەن قاتار توكيوداعى وليمپيادا ويىندارىندا اقتٶبە وبلىسى اتىنان شىققان باسقا دا سپورتشىلار تۋعان جەرگە 11 تامىزدا ورالادى. سونىمەن بٸرگە سۋدا جٷزۋشٸ ۆيتاليي حۋدياكوۆ ىستىقكٶل جانىندا ٶتٸپ جاتقان وقۋ-جاتتىعۋ جيىنىنا كٸرٸسٸپ تە كەتكەن.
